ඔබ මේ දකින්නේ අවම ඩේටා ප්රමාණයක් භාවිත කරන මෙම වෙබ් අඩවියේ පෙළ පමණක් කියවිය හැකි අනුවාදයකි. රූප සහ වීඩියෝ අන්තර්ගත අපගේ මුලික වෙබ් අඩවිය මෙතැනින් නරඹන්න.
අවම ඩේටා ප්රමාණයක් භාවිතා කරන මෙම වෙබ් පිටු පිළිබඳ වැඩිදුර කියවන්න
BBC News, සිංහල - ප්රධාන පුවත්
ප්රධාන පුවත
හෝමූස් සමුද්ර සන්ධිය වසා දැමුවහොත් භාණ්ඩ මිල අධික ලෙස ඉහළ යාමේ අවදානමක් ඇති රටවල් අතර දෙවන ස්ථානය ශ්රී ලංකාවට
හෝමූස් සමුද්ර සන්ධිය හරහා දෛනිකව සිදුවූ නැව් ගමනාගමනය 100කට වඩා වැඩි සංඛ්යාවක් සිට අතලොස්සක් දක්වා අතිශයින් පහත වැටී ඇති බැවින්, ආහාරවල සිට ස්මාර්ට්ෆෝන් සහ ඖෂධ දක්වා භාණ්ඩවල මිල ගණන් ඉහළ යා හැකි බව BBC Verify වාර්තා කරයි. මේ පිළිබඳ පර්යේෂණවල නිරත වන Kiel ආයතනය පෙන්වා දී ඇති පරිදි හෝමූස් සමුද්ර සන්ධිය වසා දැමුවහොත් භාණ්ඩ මිල වැඩියෙන් ම ඉහළ යා හැකි රටවල් අතර ශ්රී ලංකා පසුවන්නේ, දෙවන ස්ථානයේ ය.
එක්සත් රාජධානියේ විශ්වවිද්යාල ඉන්දියාව වෙත ගෙන ඒම සාර්ථක පිළියමක් ද?
පසුගිය වසරේ අග්රාමාත්ය ශ්රීමත් කියර් ස්ටාර්මර් ඉන්දියාවේ කළ සංචාරය අතරතුර සිදු කරන ලද නිවේදනවලින් පසුව, ඉන්දියාව තුළ සිය ශාඛා පිහිටුවන බ්රිතාන්ය විශ්වවිද්යාල නවය අතරට යෝර්ක් විශ්වවිද්යාලය ද ඇතුළත් වේ. ඇබර්ඩීන් විශ්වවිද්යාලය (University of Aberdeen), බ්රිස්ටල් විශ්වවිද්යාලය (University of Bristol), ලිවර්පූල් විශ්වවිද්යාලය (University of Liverpool), බෙල්ෆාස්ට් ක්වීන්ස් විශ්වවිද්යාලය (Queen's University Belfast) සහ කොවෙන්ට්රි විශ්වවිද්යාලය (Coventry University) අනෙකුත් විශ්වවිද්යාල අතරට ඇතුළත් වේ.
රුසියාවේ බලශක්ති නියෝජ්ය ඇමති ශ්රී ලංකාවට ආවේ ඇයි? සාකච්ඡා කළේ මොනවා ද?
රුසියානු සමූහාණ්ඩුවේ බලශක්ති පිළිබඳ නියෝජ්ය අමාත්ය රොමාන් මාර්ෂාවින් ඇතුළු තිදෙනෙකුගෙන් යුත් දූත පිරිසක් තෙදින නිල සංචාරයක් සදහා ඊයේ (මාර්තු 26) මෙරටට පැමිණියහ. මැද පෙරදිග යුද වාතාවරණය නිසා මතුවී ඇති අර්බුදකාරී තත්ත්වය තුළ මෙරටට අඛණ්ඩ හා විශ්වාසදායී බලශක්ති සැපයුමක් තහවුරු කිරීමේ අරමුණ ද සහිතව සිදුවූ රුසියානු සමූහාණ්ඩුවේ බලශක්ති පිළිබඳ නියෝජ්ය අමාත්යවරයාගේ සංචාරය බොහෝ දෙනාගේ අවධානයට යොමු විය.
පියා සමග කළ දීර්ඝ නීතිමය අරගලයකින් පසු ස්පාඤ්ඤ කාන්තාවක් අනායාස මරණයකට අවසර ගෙන මිය යයි
තම ජීවිතය අවසන් කර ගැනීමේ අයිතිය වෙනුවෙන් තම පියා සමග දීර්ඝ නීතිමය අරගලයක නිරතව සිටි ස්පාඤ්ඤ කාන්තාවක් බ්රහස්පතින්දා [මර්තු 26] අනායාස මරණයක් (euthanasia) මගින් මිය ගියා ය. බාර්සිලෝනාහි ජීවත්වූ 25 හැවිරිදි නොයෙලියා කස්ටීලෝ 2022 වසරේදී සියදිවි නසා ගැනීමට උත්සහ කළ අවස්ථාවක ඇති වූ තුවාල හේතුවෙන් ඇගේ දෙපා අප්රාණික විය.
සමාජ මාධ්ය ඇබ්බැහිය සම්බන්ධ නඩු විභාගයකින් Meta සහ YouTube සමාගම් පරාජයට
එක්සත් ජනපදයේ තවත් නඩු සිය ගණනකට බලපෑම් කළ හැකි තීන්දුවක් ලොස් ඇන්ජලීස් අධිකරණයකින් ලබා දී ඇති අතර ඒ අනුව කාන්තාවකට ඩොලර් මිලියන 6ක වන්දියක් ලබා ලබා දීමට මෙටා සහ යුටියුබ් සමගාම්වලට තීන්දු කර තිබේ.
ප්රසම්පාදන ක්රියාවලියට පටහැනිව වෛද්ය සැපයුම් මිල දී ගැනීම: රු. මි. 75ක වන්දියක් ගෙවන්නැයි හිටපු අමාත්ය කෙහෙළිය රඹුක්වැල්ලට නියෝග
2022 වසරේ ඉන්දියානු ණය යෝජනා ක්රමය යටතේ ලියාපදිංචි නොකළ සමාගමකින් ප්රසම්පාදන ක්රියාවලියට පටහැනිව සෞඛ්ය සැපයුම් මිල දී ගැනීම තුළින් හිටපු සෞඛ්ය අමාත්ය කෙහෙළිය රඹුක්වැල්ල ඇතුළු පිරිසක් මූලික අයිතිවාසිකම් උල්ලංඝනය කර ඇතැයි ශ්රේෂ්ඨාධිකරණය තීන්දු කළේ ය. ඒ අනුව, හිටපු සෞඛ්ය අමාත්ය කෙහෙළිය රඹුක්වැල්ල සිය පෞද්ගලික මුදලින් රුපියල් මිලියන 75ක මුදලක් රජයට ගෙවිය යුතු බවට නඩු තීන්දුවේ සඳහන් වේ.
BBC News සිංහල දැන් WhatsApp ඔස්සේ
ඔබට ඩේටා ඉතුරු කර ගැනීමට අවශ්ය ද?
අවම ඩේටා ප්රමාණයකින් කියවිය හැකි අපගේ පෙළ පමණක් සහිත වෙබ් පිටුව කියවන්න
වෘත්තීය සහ දිවිමග
විශේෂාංග
ශ්රී ලංකාව ලෝකයේ සතුට අවම රටවල් අතරට: ගැම්බියාව, මැඩගස්කර්, ටෝගෝ ශ්රී ලංකාවට ඉදිරියෙන්
ලෝකයේ සතුට අවම ජනතාවක් වෙසෙන රටවල් අතරට ශ්රී ලංකාව ඇතුළත්ව තිබේ. ඒ, ලෝක සතුටු දර්ශකයේ (World Happiness Report) 134 වන ස්ථානයට පත්වෙමිනි. ලෝකයේ එක් එක් රටවල වෙසෙන ජනතාව සතුටින් සිටීම වර්ගීකරණයට ලක් කරන ලෝක සතුටු දර්ශකයේ පසුගිය වසරට වඩා එක් අගයකින් මෙවර ශ්රී ලංකාව පහත වැටී තිබේ.
බලශක්ති ඇමතිට එරෙහි විශ්වාසභංගයක් කතානායකට භාර දෙයි: ප්රධාන චෝදනා මොනවා ද?
බලශක්ති අමාත්ය කුමාර ජයකොඩිට එරෙහි විශ්වාසභංග යෝජනාව කතානායකවරයා වෙත භාර දී තිබේ. සමගි ජන බලවේගයේ පාර්ලිමේන්තු මන්ත්රී අජිත් පී. පෙරේරා බීබීසී සිංහල සේවයට ඒ බව තහවුරු කළේ ය. මන්ත්රීවරයා පැවසූ පරිදි විශ්වාසභංගයට චෝදනා දෙකක් මූලික වී තිබේ.
ඉරාන යුද්ධය මැද ඇමෙරිකානු විශේෂ නියෝජිතයෙකු ශ්රී ලංකාවට පැමිණියේ ඇයි?
දිවයිනට පැමිණි ඇමෙරිකා එක්සත් ජනපදයේ දකුණු සහ මධ්යම ආසියාව සඳහා විශේෂ නියෝජිත හා ඉන්දියාවේ එක්සත් ජනපද තානාපති සර්ජියෝ ගෝර් සහ ජනාධිපති අනුර කුමාර දිසානායක අතර හමුවක් අද (මාර්තු 19) පෙරවරුවේ ජනාධිපති කාර්යාලයේදී සිදු විය. මැදපෙරදිග යුදමය තත්ත්වය පිළිබඳ ශ්රී ලංකාවේ ස්ථාවරය සහ යුදමය තත්ත්වය හමුවේ ශ්රී ලංකාවට මුහුණ දීමට සිදුව ඇති අභියෝග පිළිබඳව ජනාධිපතිවරයා මෙහිදී නියෝජිත පිරිස දැනුවත් කළ බවද ජනධිපති මාධ්ය අංශය සඳහන් කළේ ය.
ඉන්ධන QR ගැන ඔබට ඇති ප්රශ්න 12කට පිළිතුරු මෙන්න
ජනතාව පොදුවේ QR කේතයක් ලබා ගැනීමේදී මුහුණදෙන ගැටළු සම්බන්ධයෙන් බීබීසී සිංහල විසින් ඩිජිටල් ආර්ථික අමාත්යංශයේ උපදේශකවරයෙකු ලෙස කටයුතු කරන සුමුදු රත්නායකගෙන් විමසීමක් සිදු කරන ලදී. එහිදී, බොහෝ දෙකෙනෙක්ට QR සාදා ගැනීමට නොහැකි වූ හේතු සහ ඒවාට මෙතෙක් ගෙන ඇති ක්රියාමාර්ග සම්බන්ධයෙන් පැහැදිලි කිරීමක් කළේ ය.
අන්තරයේ හිටපු කැඳවුම්කරු වසන්ත මුදලිගේ PTA යටතේ රඳවා ගැනීමෙන් ඔහුගේ මූලික අයිතිවාසිකම් කඩවූ බවට ශ්රේෂ්ඨාධිකරණය තීන්දු කරයි
එවකට අන්තර් විශ්වවිද්යාලයීය ශිෂ්ය බලමණ්ඩලයේ කැඳවුම්කරු වසන්ත මුදලිගේ ත්රස්තවාදය වැළැක්වීමේ පනත යටතේ අත්අඩංගුවට ගෙන රඳවා ගැනීම තුළින් පොලිසිය ඔහුගේ මූලික මිනිස් අයිතිවාසිකම් උල්ලංඝනය කර ඇතැයි ශ්රේෂ්ඨාධිකරණය අද තීන්දු කළේ ය.