Gwagio 14 o dai ger clwb golff yn Y Rhondda oherwydd tân gwair

Llun gyda'r nos o fflamau ar fryn yn y cefndir ger rhes o dai Lauren Keats

Roedd y fflamau'n ymestyn dros dair milltir yn ôl y gwasanaeth tân

Bu'n rhaid i breswylwyr 14 o dai yn Rhondda Cynon Taf eu gadael dros nos wrth i griwiau tân ddelio â thân gwair mawr.

Yn ôl Gwasanaeth Tân ac Achub De Cymru, roedd y fflamau'n dair milltir o hyd ger Clwb Golff Y Rhondda ym Mhont-y-gwaith, ger Glynrhedynog.

Fe gafodd y gwasanaethau brys eu galw yna tua 23:40 nos Fercher ac fe gafodd tai cyfagos eu gwagio yn fuan wedi hynny.

Yn ôl un o'r preswylwyr roedd coed yn eu gardd ar dân.

Fe gafodd cyfanswm o 12 o gerbydau'r gwasanaeth tân a thanciau dŵr symudol eu hanfon i'r ardal i ddiffodd y fflamau ac roedd preswylwyr yn ôl yn eu tai erbyn 04:00.

Dilynwch Cymru Fyw ar Facebook, X, Instagram neu TikTok.

Anfonwch unrhyw syniadau am straeon i cymrufyw@bbc.co.uk neu cysylltwch drwy WhatsApp ar 07709850033.

Lawrlwythwch yr ap am y diweddaraf o Gymru ar eich dyfais symudol.