Ateb y Galw: Megan Wyn

Mae hi'n gantores indie-pop o Ynys Môn sydd wedi chwarae o flaen cynulleidfaoedd mawr a chefnogi artistiaid megis Alanis Morissette ac Ocean Colour Scene.

Megan Wyn sy'n ateb cwestiynau busneslyd Cymru Fyw yr wythnos yma!

Fy atgof cyntaf ydi bod yn gefn car yn dreifio ar lon gefn ar Ynys Môn a Dad yn blastio Nirvana. Dwi'n cofio fo'n cogio chwarae dryms ar yr olwyn, mae o'n dal i wneud hynny heddiw!

Ateb eithaf generic... ond Ynys Llanddwyn. Fel hogan o Langefni, roeddwn i'n byw ac yn bod yna yn tyfu fyny. Ers i fi symud i Fanceinion, Ynys Llanddwyn ydi'r lle cyntaf dwi mynd bob tro dwi yn ôl adra ar Ynys Môn. Yn fy marn i, mae o'r lle mwyaf hyfryd yn y byd. Dwi'n caru pa mor heddychlon a rhydd dwi'n teimlo bob tro dwi yna.

Mae hwn yn gwestiwn uffernol o anodd i ateb! Roedd Cefnogi Alanis Morissette yng Nghaerdydd yn gorfod bod yn un o'r nosweithiau ora dwi erioed di cael. Roedd o'n hollol swreal cael cefnogi rhywun mor eiconig ag Alanis o flaen miloedd o bobl!

Un o'r nosweithiau arall gora dwi 'di cael oedd pan es i Teletech XXL yn Warehouse Project ym Manceinion ym mis Tachwedd. Dwi wrth fy modd mynd i raves. Roedd cael gweld a bod o gwmpas rhai o'n hoff DJs yn hollol wych ac hefo'n ffrindiau gorau hefyd. Er nes i golli fy ffôn, jaced, a my mhwrs yna... cefais noson werth chweil.

Dwi'n berson digymell, brwdfrydig ac angerddol.

Pan nes i headlinio y Deaf Institute ym Manceinion a chlywed yr ystafell i gyd yn canu fy nghaneuon yn ôl i mi.

Y tro gyntaf erioed i mi glywed yr ystafell gyfa yn canu'r caneuon. Roedd o'n foment reit emosiynol!

Dwi o hyd yn disgyn ar y llwyfan sydd yn eithaf cywilyddus - ond hefyd yn ddoniol!

Dwi'n berson reit emosiynol i fod yn onest, sydd ddim yn beth drwg yn fy marn i. Ddoe oedd y tro diwethaf i mi grio, gewch chi glywed pam mewn cân rhywbryd!

Dwi bob tro yn hwyr i bob dim. Pan 'da ni yn mynd ar daith, mae pawb wastad yn deutha fi i fod yn barod dwy awr cyn bod angen i ni adael i fi fod ar amser.

Arfer drwg iawn ond dwi'n gweithio arno!

Fy hoff lyfr ydi Just Kids gan Patti Smith. Dwi'n darllen hi drosodd a drosodd.

Dwi jyst wrth fy modd clywed am y straeon o fywyd Patti Smith yn Efrog Newydd yn y 70au. Mae'r llyfr mor onest ac amrwd.

Fyswn i wrth fy modd cael diod hefo Keith Flint o The Prodigy.

Dwi wrth fy modd hefo The Prodigy a dwi'n meddwl bydda ganddo lawer o straeon gwerth chweil! Dwi wrth fy modd hefo pa mor unigryw oedd o fel person.

Roeddwn i'n arfer canu clasurol ag yn cael gwersi canu gan Rhys Meirion.

Unai yn Glastonbury neu mewn clwb techno yn Berlin efo'n ffrindiau gora!

Llun ohonof i a Mam yn y gig gyntaf es i fel plentyn, sef Mcfly yn Rhyl. Dwi'n cofio sefyll yn y dorf ag meddwl 'dwi eisiau bod ar lwyfan un diwrnod'

David Attenborough! Mae o'n absolute legend ac wedi gweld gymaint o'r byd - 'swn i wrth fy modd cael byw diwrnod yn ei fywyd o.

Dilynwch Cymru Fyw ar Facebook, dolen allanol, X, dolen allanol, Instagram, dolen allanol neu TikTok, dolen allanol.

Anfonwch unrhyw syniadau am straeon i cymrufyw@bbc.co.uk, dolen allanol neu cysylltwch drwy WhatsApp ar 07709850033.

Lawrlwythwch yr ap am y diweddaraf o Gymru ar eich dyfais symudol.