O garafán i 24/7 ar y we: Oriel atgofion 50 mlynedd o Radio Ysbyty Gwynedd

Dau berson yn darlledu, gydag un ohonyn nhw'n smocio — Disgrifiad o’r llun,
Darlledu yn nyddiau cynnar Radio Ysbyty Gwynedd - o stiwdio mewn carafán, pan oedd ysmygu yn llawer mwy cyffredin

1 awr yn ôl

Fe ddechreuon nhw drwy chwarae recordiau finyl ddwywaith yr wythnos o stafell ddarlith yn yr hen ysbyty C&A cyn uwchraddio... i hen garafán tu allan.

Heddiw maen nhw'n darlledu 24 awr y dydd, bob dydd, o stiwdio bwrpasol yn Ysbyty Gwynedd ac ar gael i unrhywun wrando dros y we.

Oes, mae cryn dipyn wedi newid yn yr hanner canrif ers i Radio Ysbyty Gwynedd ddechrau gwasanaethu cleifion ar 18 Ebrill 1976 - fel mae'r lluniau isod yn ddangos.

I nodi'r garreg filltir, bydd cyflwynwyr yn darlledu'n fyw am 50 awr o 18:00 nos Wener 17 Ebrill tan 20:00 nos Sul 19 Ebrill - gyda rhai unigolion yn darlledu am 14 awr yn ddi-dor. Yn ddiweddarach eleni bydd y stiwdio'n cael ei uwchraddio gyda grant o £20,000 gan Gronfa Gymunedol y Loteri Genedlaethol.

Llun du a gwyn o garafan a char tu allan i adeilad — Disgrifiad o’r llun,
Yn fuan ar ôl ei sefydlu roedd yr orsaf yn darlledu o'r hen garafán deintydd yma, gafodd ei droi'n stiwdio recordio gan adeiladwr lleol. Roedd wedi ei leoli yng nghefn yr hen ysbyty C&A ar Allt Glanrafon, Bangor. Agorodd Ysbyty Gwynedd yn 1984

Hen stiwdio — Disgrifiad o’r llun,
Mae'r cyfarpar wedi newid ers y dyddiau cynnar....

Llun du a gwyn o ddau yn yr hen stiwdio — Disgrifiad o’r llun,
Terry Phipps yn darlledu a Roger Richards, sydd wedi bod ynghlwm â'r orsaf ers y cychwyn ac yn dal i wirfoddoli fel rheolwr stiwdio, yn y lobi

Llun du a gwyn o'r hen stiwdio — Disgrifiad o’r llun,
Derec Owen - sydd hefyd wedi bod gyda'r orsaf ers y dyddiau cyntaf ac yn dal i gyflwyno heddiw

Disgrifiad o’r llun,
Gwestai arbennig ar raglen Derec Owen - Dafydd Iwan

Elin Fflur a raglen Michael ac Aaron — Disgrifiad o’r llun,
A'r cyflwynwyr Michael Aaron ac Aaron Pleming efo'u gwestai nhw, Elin Fflur

Peiriant recordio a chor yn y cefndir — Disgrifiad o’r llun,
Mae'r orsaf wedi darlledu nifer o ddigwyddiadau tu hwnt i'r stiwdio dros y degawdau - o berfformiadau cerddorol yn yr ysbyty i gemau tîm pêl-droed Bangor yn Ffordd Farrar

Casglu arian tu allani garafan Radio Ysbyty Gwynedd — Disgrifiad o’r llun,
Ar un adeg roedd gan yr orsaf garafán felen er mwyn darlledu o sioeau a digwyddiadau yn yr ardal

Gwirfoddolwyr gyda'r cleifion — Disgrifiad o’r llun,
Janet Jones (chwith) a Janice Davies yn ymweld ag un o'u gwrandawyr

Cyflwynydd yn yr hen stiwdio — Disgrifiad o’r llun,
Ar finyl a chasét oedd y gerddoriaeth yn arfer cael ei chwarae

Dau berson yn ymweld a chlaf yn yr ysbyty — Disgrifiad o’r llun,
Nigel Marland a Doreen Thomas yn ymweld â chlaf. Mae cleifion yn gallu rhoi cais am gerddoriaeth

Dynes yn cyflwyno yn y stiwdio — Disgrifiad o’r llun,
Annis Milner, sy'n dal i gyflwyno heddiw

Pynciau cysylltiedig

Bwrdd Iechyd Betsi Cadwaladr
Cyfryngau
Hanes
Ffotograffiaeth

Hefyd o ddiddordeb:

Radio ysbyty yn codi calonnau o'u cartrefi
Cyhoeddwyd
17 Ebrill 2020
Beth yw'r dyfodol i radio lleol?
Cyhoeddwyd
5 Mawrth 2019