બજેટ 2026ની મહત્ત્વપૂર્ણ જાહેરાતો : કૅન્સરની 17 દવાઓ સસ્તી થશે, ઇન્કમ ટૅક્સ માટે નિર્મલા સીતારમણે શું એલાન કર્યું

કેન્દ્રીય નાણા મંત્રી નિર્મલા સીતારમણે દેશના નાણાકીય ઇતિહાસમાં પહેલી વખત રવિવારે કેન્દ્રીય બજેટ રજૂ કર્યું હતું. જેના પગલે દેશના શૅરબજારો કાર્યરત રહ્યા હતા.

જોકે, બજેટમાં એસટીટી સંબંધિત જાહેરાતોને કારણે શૅરબજારોમાં કડાકો બોલી ગયો હતો અને બપોરે સાડા બાર વાગ્યા આસપાસ મિડ-સેશન દરમિયાન દોઢથી પોણા બે ટકા જેટલો કડાકો બોલી ગયો હતો.

નિર્મલા સીતારમણે કહ્યું હતું કે દેશની સરકાર ઔદ્યોગિક વિકાસ ઉપર ભાર મૂકી રહી છે. ગત વર્ષે 15 ઑગસ્ટથી અત્યાર સુધીમાં 350થી વધુ આર્થિકસુધાર કરવામાં આવ્યા છે.

તેમણે કહ્યું, "આર્થિક વિકાસને ઝડપી બનાવવા તથા તેને જાળવી રાખવા માટે છ ક્ષેત્રોમાં સુધાર કરવા માટે પ્રસ્તાવ મૂકું છું. સાત વ્યૂહાત્મક ક્ષેત્રોમાં ઉત્પાદનવૃદ્ધિ કરવી, જૂના ઔદ્યોગિક ક્ષેત્રોને ફરી બેઠા કરવા, ચૅમ્પિનય એમએસએમઈ બનાવવા, માળખાકીય સુવિધાને પ્રોત્સાહન આપવું, લાંબાગાળાની સુરક્ષા અને સ્થિરતા સુનિશ્ચિત કરવી, શહેરોના આર્થિકક્ષેત્રોનો વિકાસ કરી શકાય."

ત્યારે ગુજરાત, મહિલાઓ, યુવાનો તથા દેશના અલગ-અલગ વર્ગોને શું મળ્યું, તેની કેટલીક મહત્ત્વપૂર્ણ જાહેરાતો ઉપર નજર કરીએ.

બજેટમાં ગુજરાત તથા ગુજરાતીઓને માટે નોંધપાત્ર જાહેરાતો

પ્રત્યક્ષ તથા અપ્રત્યક્ષ કર અંગેની જાહેરાતો

બજેટમાં મહિલાઓને શું મળ્યું?

દરેક જિલ્લામાં એક ગર્લ્સ હોસ્ટેલ સ્થાપવામાં આવશે, જેથી કરીને STEMમાં છોકરીઓ અને મહિલાઓના પ્રદાનને વધારી શકાય.

મહિલાઓને માટે 'શી (સૅલ્ફ હેલ્પ ઍન્ટરપ્રેનિયોર) માર્ટ' શરૂ કરાશે. જેમાં સ્વસહાય મહિલા જૂથો રિટેલ સ્ટોર ઊભા કરશે અને પોતાના ઉદ્યમો ચલાવશે.

બજેટમાં યુવાનોને શું મળ્યું?

મુંબઈસ્થિત ઇન્ડિયન ઇન્સ્ટિટ્યૂટ ઑફ ક્રિયેટિવ ટેકનૉલૉજિસ દેશની પંદર હજાર શાળા તથા 500 કૉલેજોમાં એસજીવીસી કન્ટેન્ટ ક્રિયેટર લૅબ્સ ઊભી કરશે. એનિમેશન, ગૅમિંગ ગ્રાફિક્સ તથા સર્જનાત્મકતા ક્ષેત્રે વર્ષ 2030 સુધીમાં 20 લાખ વ્યવસાયિક તૈયાર કરાશે.

ઑરેન્જ ઇકૉનૉમી કે ક્રિયેટિવ ઇકૉનૉમી એવા સેક્ટર્સને કહેવામાં આવે છે કે જે વ્યક્તિગત ક્રિયેટિવિટી, સ્કિલ્સ તથા ઇન્ટલેક્ચ્યૂઅલ પ્રૉપર્ટી ઉપર આધારિત હોય છે.

વિદેશ પ્રવાસ માટે, વિદેશમાં ભણવા માટે ટૅક્સ કલેક્ટેડ ઍટ સૉર્સમાં ઘટાડો થશે, જે બે ટકા સુધીનો રહેશે.

પૉર્ટફોલિયો ઇન્વેસ્ટમેન્ટ હેઠળ PROI દેશના મૂડીબજારમાં રોકાણ કરી શકશે.

અન્ય મહત્ત્વપૂર્ણ જાહેરાતો

બીબીસી માટે કલેક્ટિવ ન્યૂઝરૂમનું પ્રકાશન