එයාර්බස් ගනුදෙනුව: චමල් රාජපක්ෂගේ පුත්රයා සහ කපිල චන්ද්රසේනගේ බිරිඳ අත්අඩංගුවට ගන්නැයි විවෘත වරෙන්තු
ඡායාරූප මූලාශ්රය, Getty Images
- Author, බීබීසී සිංහල
- කියවීමේ කාලය: මිනිත්තු 2
එයාර්බස් මිල දී ගැනීමේදී අල්ලස් ලබා ගත්තේ යැයි කියන සිද්ධියේ සැකකරුවන් ලෙස නම් කර සිටින හිටපු අමාත්ය චමල් රාජපක්ෂගේ පුත් ෂමීන්ද්ර රාජපක්ෂ සහ කපිල චන්ද්රසේනගේ බිරිඳ වන ප්රියංකා නියෝමාලී විජේනායක යන අය අත්අඩංගුවට ගෙන ඉදිරිපත් කරන ලෙස දන්වා විවෘත වරෙන්තු නිකුත් කරන්නැයි කොළඹ මහේස්ත්රාත් අධිකරණය අද (අප්රේල් 2 වැනිදා) නියෝග කළේ ය.
අල්ලස් හෝ දූෂණ චෝදනා විමර්ශන කොමිෂන් සභාව විසින් මීට පෙර කරන ලද ඉල්ලීමක් සලකා බැලූ කොළඹ ප්රධාන මහේස්ත්රාත් අසංග එස්. බෝදරගම සිය තීරණය ප්රකාශයට පත් කරමින් මෙම වරෙන්තු නිකුත් කළේ ය.
මෙම නියෝගය ශ්රී ලංකාවේ සියලු ගුවන් තොටුපළවල් වෙත යැවීමට නියම කළ මහේස්ත්රාත්වරයා, සැකකරුවන් ශ්රී ලංකාවට පැමිණියහොත් ඔවුන් අත්අඩංගුවට ගෙන අල්ලස් කොමිසමට දැනුම් දෙන ලෙස ද ආගමන හා විගමන පාලකවරයාට නියෝග කළේ ය.
