Zakzaky: Abin da ya faru da shugaban IMN da mabiyansa cikin shekara hudu

Sheikh Ibrahim Zakzaky ne ya kafa Islamic Movement In Nigeria(IMN)

Rahotanni sun ce an sojojin sun kashe mabiyan El-zakzaky guda 35 lokacin tattakin ranar Qudus a Zariya da ke jihar Kaduna. Uku daga cikin wadanda aka kashe 'ya'yan Zakzaky ne.

Sojoji sun yi zargin daruruwan mabiyan Islamic Movement In Nigeria da tsare wa hafsan sojin kasar, Laftanar Janar Tukur Burutai, hanya a kan titin Sokoto road da ke Zaria, inda sojoji suka yi zargin kungiyar da yunkurin kashe Buratai, duk da kungiyar ta musanta.

An zargi sojojin Najeriya da kashe 'yan Shi'a 300 kuma suka binne gawarwakinsu. Sojojin sun musanta.

-

An kashe 'yan Shi'a takwas da dan sanda guda yayin wata arangama a lokacin wani tatttaki a birnin Kano. 'Yan sanda sun hana 'yan Shi'a yin tattaki daga Kano zuwa Zaria domin halartar ranar Ashura.Majalisar Koli ta Musulmi(NSCIA) ta ziyarci Sheikh Zakzaky a Abuja.

Wata babbar kotu a Najeriya ta ba da umarnci hukumar SSS da ta saki Elzakzaky a cikin kwana 45.

Kotun ta ce idan ba a bi umarninta ba to za ta kama sifeto janar na 'yan sanda na wancan lokaci, Ibrahim Idris da ministan Shari'a, Abubakar Malami da Darakta Janar na SSS, Lawal Daura, da laifin rasahin girmama kotu kuma za su iya fuskantar zaman gidan kaso idan suka ci gaba da yin burus da umarnin na kotu na Disamba 2, 2016.

Jmai'an tsaro sun kashe dalibai guda biyu a lokacin zanga-zangar neman a saki Elzakzaky a Kaduna d ake arewacin Najeriya.Duk da umarnin da babbar kotun ta bayar da a saki Zakzaky, amma yana tsare a hannun SSS a wani boyayyen wuri. Gwamnati ta sha ikrarin cewa ba ta da hurumin sakin Zakzaky saboda shari'ar da ke masa tana hannun kotu a jihar Kaduna. Hakan ne ya sa mabiya IMN suka lashi takobin ci gaba da zanga-zanga har sai an saki jagoran nasu ko da kuwa za su kare baki dayansu.

Shugaban IMN, Sheikh Zakzaky ya bayyana a karon farko tun bayan kama shi, inda ya ce ya yi fama da bugun jini maras tsanani a ranar 5 ga Janairu. Zakzaky wanda yake sanye da wani abun wuya ya ce a karon farko an bar shi ya ga likitocinsa bayan da ya nace.

Yan sanda sun yi rikici da 'yan IMN a lokaci wata zanga-zangar neman sakin Zakzaky a dandalin Unity Fountain, Abuja inda aka kashe mutum daya sannan da dama suka jikkata.

Yan Shi'a sun sake haduwa da fushin 'yan sanda lokacin wani tattaki zuwa hukumar kare hakkin dan adam. An kama 'yan IMN akalla 115.

An gurfanar da Elzakzaky da matarsa Zeenat a gaban mai shari'a, Gideon Kurada na babbar kotu da ke Kaduna bisa tuhume-tuhumen kisan kai da taro ba da izni ba  da kuma tayar da zaune tsaye da dai sauransu. Gwamnatin jihar Kaduna ce ta shigar da karar.

Kotu ta dage karar zuwa 2 ga Agusta 2018

Kotu ta dage bukatar Elzakzaky ta neman beli zuwa Oktoba 4, 2018

Alkali ya sake dage sauraron bukatar bayar da belin Zakzaky zuwa Nuwamba 17, 2018.

Mbaiya Zakzaky sun yi dandazo a gadar Zuba da ke Abuja. Sun yi taho-mu-gama da tawagar sojoji da ke daukar makamai, al'amarin da ya janyo kashe 'yan Shi'a guda uku.

An sake samun arangama tsakanin 'yan Shi'a da sojoji da 'yan sanda. Sojojin sun fadi cewa an kashe 'yan Shi'a guda uku duk da cewa 'yan Shi'ar sun ce mutum kusan 50 sojojin suka kashe.

Yan sanda sun kama 'yan Shi'a 400 bisa tuhumar tayar da zaune tsaye a Abuja. Jmai'an tsaro sun zargin 'yan Shi'ar da mallakar bam din da ake yi fetir guda 31 da sauran muggan makamai. Sojoji sun ce mutum uku ne suka mutu amma IMN ta ce gwammai ne.

Kotu ta yi watsi da bukatar neman beli bisa dogaro da cewa babu wata sheda daga likitoci da ke nuna bukatar belin domin neman lafiya.

Daruruwan magoya bayan Zakzaky sun hau titunan Abuja suna zanga-zangar neman a saki jagoransu.

Mai shari'a Gideon Kurada ya yanke cewa hukumar DSS ta ci gaba da tsare Zakzaky da mai dakinsa, Zeenat sannan a ba shi damar ganin likitoci.

Mai shari'a Kurada ya dage karar ba tare da sanya wata rana ba saboda zai shiga sahun alkalan kotun sauraron korafe-korafen zaben shugaban kasa da 'yan majalisa a jihar Yobe.

Yan sanda da 'yan Shi'a sun sake taho mu-gama a wajen majalisar dokokin Najeriya. 'Yan sanda sun ce an harbi jami'ansu guda biyu a kafa sannan an jikkata wasu guda shida da duwatsu. 'Yan sanda sun kama 'yan Shi'a 40. Sai dai wani mamban kungiyar Abdullahi Muhammad Musa ya shaida wa Reuters cewa 'yan sanda sun bude musu wuta, inda suka kashe masu zanga-zanga biyu a lokacin da suke kokairn shiga majalisar dokoki cikin ruwan sanyi.

Yan majalisar wakilai sun yi kira ga gwamnatin Najeriya da ta saki El-zakzaky kamar yadda kotuna da dama suka yi umarni.

Mai shari'a D.H Khobo ta jagoranci zaman sauraron bukatar neman beli wadda aka dage zuwa 29 ga Yuli 2019. Ta ce "Yana da muhimmanci a fahimci cewa gwamnatin tarayya ba ta da hannu a ci gaba da rike da Zakzaky kasancewar shari'ar da ake yi masa ta koma hannun jiha. Ba kasafai ake bayar da belin mutumin da ake zargi da kisa ba abin da ya sa Elzakzaky da mai dakinsa ke dogara da batun neman lafiya."

Mataimakin kwmaishinan 'yan sanda, Umar Umar da dan jaridar gidan talbijin na Channels, Precious Awolabi da wasu 'yan kungiyar IMN 11 sun rasa rayukansu a rikici tsakanin jami'an tsaro da 'yan Shia lokacin wata zanga-zanga a Abuja.

Gwamnati ta samu hukuncin babbar kotu a Abuja na haramta ayyukan 'yan Shi'a mabiya Zakzaky.

Mai shari'a Darius Khobo ta babbar kotun jihar Kaduna ta dage sauraron bukatar Zakzaky da mai dakinsa ta zuwa India neman magani zuwa 5 ga Agusta. Sheikh Zakzaky bai je kotun ba.

IMN ta sanar da dakatar da zanga-zanga domin bin wasu sabbin hanyoyin warware rikicin da kuma kai gwamnatin tarayya kara a kotu kan haramta ta.