Ƴan sama-jannati sun kama hanyar zuwa duniyar wata

Karanta rubutu kawai domin rage cin data
The image shows four astronauts in bright orange space suits posing for a formal group portrait against a dark background. The suits are bulky with blue joints, straps and pockets, emphasising their technical design. Three astronauts stand behind one who is seated, all facing the camera. They all have fairly neutral expressions, keeping the focus on the uniforms. Mission-style patches and flags, including US and Canadian flags, are visible on their arms and chests. Soft, focused lighting makes the vivid orange suits stand out dramatically.

Asalin hoton, NASA

Bayanan hoto, Ƴan sama-jannatin Artemis II: daga hagu, Christina Koch; Victor Glover (direba), Reid Wiseman (kwamanda), Jeremy Hansen
    • Marubuci, Pallab Ghosh
    • Sanya sunan wanda ya rubuta labari, Science Correspondent
    • Marubuci, Alison Francis
    • Sanya sunan wanda ya rubuta labari, Senior Science Journalist
  • Lokacin karatu: Minti 4

Hukumar binciken sararin samaniya ta Amurka (Nasa) ta tura ƴan sama-jannati a karon farko cikin shekara 50 zuwa duniyar wata, a ranar ɗaya ga watan Afrilun 2026.

Tafiyar, wadda aka yi wa laƙabi da Artemis II a turance, za ta ɗauki kimanin kwana 10, inda ƴan sama-jannatin za su je wuri mafi nisa fiye da kowane bil'adama a tarihi.

Tawagar ƴan sama-jannatin hudu ba za su sauka a kan duniya wata ba, sai dai za su yi zagaye a kusa da watan, inda za su duba yiwuwar share fagen yadda ɗan'adam zai sake sauka a kan duniya, karon farko tun bayan shekarun 1960 da kuma 1970.

Me ya sa aka jinkirta tafiyar?

An ɗan samu tangardar na'ura na ƴan awanni, wanda hakan ya sa aka ɗan jinkirta kafin harba kumbon.

Matsalar da aka samu ita ce ta na'urar da za ta lalata kumbon idan ya kauce daga kan falakinsa, da kuma na batirin tsayar da harba kumbon idan an samu tangarɗa, wanda shi ne aka tsara zai kawar da sunduƙin da ƴan sama jannatin suke ciki zuwa wuri mai aminci idan tangarɗa ta faru a lokacin harba kumbon.

Amma an samu nasarar warware tangarɗar ba tare da ɓata lokaci mai tsawo ba.

Bayar harba kumbon an dan samu tangarɗar sadarwa na ƙanƙanin lokaci, inda masu kula da tafiyar kumbon a doron ƙasa suka kasa yin magana da ƴan sama-jannati da ke cikin kumbon, sai kuma tangarɗar da aka samu da ban-ɗakin cikin kumbon, amma tuni an maganace matsalolin.

An fasa yunƙurin da aka yi na gwajin harba kumbon a cikin watan Fabarairu da kuma Maris sanadiyyar tsiyayar mai da aka samu jikin kumbon.

Skip Wanda aka fi karantawa and continue reading
Wanda aka fi karantawa

End of Wanda aka fi karantawa

A lokacin da ake tsara tafiya, wajibi ne masana su yi la'akari da yanayi da kuma tsayawa har sai wata yana a daidai inda ake buƙata a kan falaki.

Me ya faru a lokacin harba kumbon?

Bayanan bidiyo, Kalli lokacin da kumbon Artemis II ya tashi daga cibiyar harba shi a Amurka

Ƴan sama-jannatin sun kama hanya ne da ƙarfe 11:35 na dare agogon Birtaniya a ranar Laraba 1 ga watan Afrilun 2026.

Mutanen da suka taru domin kallo sun ɓarke da shewa a wajen cibiyar nazarin sararin samaniya ta Kennedy Space Center.

Masu kallo sun ga yadda injuna biyu da suka taimaka wajen tashin kumbon suka rabu da jikinsa bayan da ya kai gudun kilomita 16,100 cikin awa ɗaya a sararin samaniya.

Kumbon ya hau kan falaki ne lokacin da ya rasta layin 'Karman' wanda shi ne kan iyaka tsakanin sararin samaniyar duniyar bil'adama da kuma sauran sararin subuhana.

Skip content and continue reading

End of content

Mene ne ƴan sama-jannatin za su yi a lokacin tafiyar??

Ƴan sama-jannati huɗu da ke yin wannan tafiya ta Artemis II - Reid Weisman, da Victor Glover, da Christina Koch da kuma Jeremy Hansen - sun kasance cikin wannan tawaga ta farko da za ta yi irin wannan balaguro.

Hansen, wanda ke aiki da hukumar binciken sararin samaniya ta Canada ya zama mutum na farko ɗan ƙasar Canada da zai yi balaguro zuwa duniyar wata.

A lokacin balaguron, matafiyan za su gwada yadda za a iya sarrafa sunduƙin da suke ciki mai suna Orion da kansu, domin gwada yadda za a iya amfani da shi domin sauka a duniyar wata cikin tafiye-tafiyen da za a yi zuwa duniyar wata a nan gaba.

Za kuma su gwada yadda sunduƙin zai iya taimaka wa ɗan'adam ya rayu cikin sukuni a duniyar wata a nan gaba.

Graphic showing the Earth and Moon, with the Artemis II's figure of 8 orbital trajectory highlighted. Specific points are labelled. These are: 1. Lift off at the Kennedy Space Centre, 2. Orbit around Earth, 3. Rocket separation, 4. Main engine fires to take spacecraft to the Moon, 5. Lunar flyby, 6. Return to Earth, 7. Crew module separates, 8. Splashdown in Pacific Ocean.
Bayanan hoto, Yadda kumbon Artemis II zai yi shawagi a kusa da duniyar wata

Bugu da ƙari ƴan sama-jannatin za su gwada kayan kiwon lafiya da suka tafi da su, kuma za su turo bayanai da hotuna daga sararin samaniya zuwa duniyarmu.

A lokacin dawowa duniya, ƴan sama-jannatin za su gamu da gargada lokacin da suke shigowa samaniyar duniyar bil'adama, inda a ƙarshe sunduƙin da suke ciki zai faɗa cikin tekun Pacific ta gaɓar ƙasar Amurka.