An kama mai kamfanin Crypto na FTX a ƙasar Bahamas

Asalin hoton, TOM WILLIAMS

'Yan sandan Bahamas sun kama Sam Bankman-Fried, mutumin da ya kafa kamfanin hada-hadar kirifto amma jarinsa ya karye wato FTX, in ji atoni janar na ƙasar.

Bahamas ta ce ta karɓi sanarwa a hukumance daga Amurka kan tuhume-tuhumen aikata laifi da ake yi wa Mr Bankman-Fried.

A watan jiya ne kamfanin FTX ya gabatar da takardun karyewar jari a Amurka, abin da ya sa masu hada-hadar kirifto da yawa a kamfaninsa suka kasa janye kuɗaɗensu.

Shi ne kamfanin hada-hadar kuɗin kirifto na biyu mafi girma a duniya, inda yake cinikin kwabban kirifto na kimanin dala biliyan goma a kullum.

"Tun farko da yamma ne, hukumomin Bahamas suka kama Samuel Bankman-Fried bisa roƙon da Gwamnatin Amurka ta yi, dangane da wata tuhuma da Lardin Kudancin New York ya shigar. Muna sa ran miƙa rufaffiyar takardar tuhumar da safe kuma a lokacin za mu yi ƙarin bayani," a cewar wani saƙon tuwita daga ofishin Lauyan Amurka a Manhattan.

Kauce wa X
Ya kamata a bar bayanan X?

Wannan labari ne na dauke da bayanai da X suka bayar. Muna neman amincewarku kafin mu dora muka, saboda nuna iya dauke da wasu bayanai da aka iya adanawa. Watakila kana za ka so ka karanta X da tsarin bayanan da za a adana da da tsarin sirri kafin ka amince. Idan kana son ganin wannan bayani ka zabi ‘amince sannan ka ci gaba’.

Gargadi: BBC ba za ta dauki alhakin bayanan da aka wallafa a shafukan da ba nata ne ba.

Karshen labarin da aka sa a X

A jerin hirarraki da ganin da aka yi masa cikin bainar jama'a a 'yan makonnin nan, Mista Bankman-Fried ya amsa cewa an tafka kura-kurai a kamfaninsa amma ya nemi nesanta kansa daga zarge-zargen gudanar da haramtattun harkoki.

"Ban taɓa yunƙurin aikata almundahana ba," ya faɗa a wani taron jaridar New York Times a ƙarshen watan jiya.

A ranar 11 ga watan Nuwamba ne kamfanin FTX ya shigar da takardun karyewar jari don samun kariya a ɗaya daga cikin karayar jari mafi girma a hada-hadar kuɗin kirifto, bayan masu hada-hada sun cire dala biliyan 6 daga kamfanin a cikin kwana 3 kuma abokin hamayyarsa Binance ya yi watsi da wata yarjejeniyar ceto FTX.

Skip Wanda aka fi karantawa and continue reading
Wanda aka fi karantawa

End of Wanda aka fi karantawa