Ẹsa awọn aworan to rẹwaju kaakiri Arfika l'ọsẹ yii

Ẹsa awọn aworan to rẹwaju kaakiri Afrika ati ti awọn eeyan Afrika nibomiran lagbaye ninu ọsẹ yii.

Oríṣun àwòrán, AFP

Àkọlé àwòrán, Awọn ọmọ kekere ilẹ Congo kan ni ibudo awọn atipo ni Kalemie to wa ni orilẹede Ijọba-ara-ẹni Congo. Ogun ẹlẹyamẹya kan to n lọ lọwọ ti le awọn eeyan mẹtadinlaadọrin (67) kuro ni ibugbe wọn l'agbegbe naa

Oríṣun àwòrán, EPA

Àkọlé àwòrán, Awọn arẹwa awọsọta n s'afihan asọ ti ọmọ ilẹ South Africa, Gavin Rajah, ran nigba ọsẹ ayẹyẹ aṣọ ọṣọ Afrika nigboro Cape Town, lorilẹede South Africa

Oríṣun àwòrán, EPA

Àkọlé àwòrán, Ọkunrin kan n tun opo ṣe lori ọkọjuomi to n gbe awọn arinajo kan lọ nirolẹ ni eti odo to wa ni erekusu Lamu, to jẹ ibugbafẹ to gbajumọ ni orilẹede Kenya.

Oríṣun àwòrán, Reuters

Àkọlé àwòrán, Agbo kan wọ ami ẹyẹ to jẹ nigba ti wọn n lu gbanjo ọlọjọ mẹta ni Misrata, Libya.

Oríṣun àwòrán, Reuters

Àkọlé àwòrán, Diẹ ninu awọn akẹkọbirin Dapchi nigba ti wọn fẹ wọ baalu nibudo awọn ologun ofurufu ni Maiduguri, Nigeria. Awọn oṣiṣẹ ijọba Naijiria sọ wipe awọn akẹkọbirin maarundinlaadọfa ati ọmọkunrin kan ni Boko Haram tu silẹ, sugbọn iroyin ṣọ wipe maarun ninu wọn ti ku.

Oríṣun àwòrán, Reuters

Àkọlé àwòrán, Awọn ti wọn s'ẹwọn tẹlẹ ri, wọn fẹ gun ọkọ nla kan lati ọgba ẹwọn Mpimba l'abala kan ninu aforoji ti aarẹ fun awọn ẹlẹwọn pipọ kaakiri, ni Bujumbura, Burundi.

Oríṣun àwòrán, AFP

Àkọlé àwòrán, Awọn aarẹ Afrika duro ya aworan nigba ipade ajọ isọkan Afrika lati se agbekalẹ ibudo kara-kata ọfẹ ni Kigali, ilẹ Rwanda l'Ọjọru eleyi ti yoo jẹ ọkan lara awọn ibudo kara-kata ọfẹ to tobi ju l'agbaye. Awọn orilẹede mẹwa, t'oun ti orilẹede ti ọrọaje rẹ gbooro ju l'Afrika, Naijiria, wọn kọ jalẹ lati f'ọwọ si eto naa nitori ibẹru pe ole la iṣẹ lọ.

Oríṣun àwòrán, BBC Sport

Àkọlé àwòrán, Awọn ololufẹ ẹgbẹ agbabọọlu Sfax n fi ina ṣere nigba ifẹwọnsẹ ẹgbẹ agbabọọlu naa pẹlu awọn agbabọọlu ilẹ Faranse ana lati ṣe ayẹyẹ aadọrun ọdun ẹgbẹ agbabọọlu ilẹ Tunisia naa ni papa-isere Mhiri in Sfax

Oríṣun àwòrán, AFP

Àkọlé àwòrán, Afin to kọkọ gba ami ẹyẹ obirin to rẹwa ju ni Zimbabwe, Sithmbiso Mutukura, gba ododo lẹyin igba ti wọn de l'ade ni Harare. Ẹni ọdun mejilelogun ọhun bori awọn eeyan mejila ọtọtọ nibi idije arẹwa afin akọkọ ti wọn se lati din oju yẹpẹrẹ ti awọn eeyan n fi n wo awọn afin ku.

Oríṣun àwòrán, BBC Sport

Àkọlé àwòrán, Awọn ololufẹ ẹgbẹ agbabọọlu Sfax n fi ina ṣere nigba ifẹwọnsẹ ẹgbẹ agbabọọlu naa pẹlu awọn agbabọọlu ilẹ Faranse ana lati ṣe ayẹyẹ aadọrun ọdun ẹgbẹ agbabọọlu ilẹ Tunisia naa ni papa-isere Mhiri in Sfax

Oríṣun àwòrán, AFP

Àkọlé àwòrán, Ọdọmọdekunrin apẹja ni Congo n tun awọn rẹ se ni eti omi-adagun Tanganyika ni Kalemie, ni orilẹede Ijọba-ara-ẹni Congo

Oríṣun àwòrán, Reuters

Àkọlé àwòrán, Nnkan ti iji Eliakim sọ aye da l'ẹgbẹ Manambonitra ni Madagascar, l'ọjọ Abamẹta.

Oríṣun àwòrán, EPA

Àkọlé àwòrán, Obirin kan n da omi ẹrọ sinu garawa ni Abidjan, l'Ọjọru (Wednesday) nigba ti ọjọ ayẹyẹ omi agbaye ku ọla. Akọle ayẹyẹ na l'ọdun 2018 ni "Ẹda fun Omi", titọ ọna abayọ iṣẹda fun awọn ipenija omi ti o n koju wa l'ode oni.

Oríṣun àwòrán, AFP

Àkọlé àwòrán, Alufa orilẹede South Sudan kan n dari ijọsin ni ibudo atipo kan to wa ni ilu Obo l'orilẹede Central African Republic l'ọjọ Ẹti. Lati ọdun 2016, ni awọn alasala ti wọn le ni ẹgbẹrun meji ti sa wọ orilẹede naa.

Orisun awọn aworan naa ni AFP, Reuters, EPA ati Getty Images