Эркинлик Қутиси: Лаб бўёғи

Ишга пардоз-андоз қилиб борган аёл бошқа аёл ҳамкасбларидан кўра кўпроқ иш ҳақи оларкан.

Бунга яқинда АҚШ да олиб борилган тадқиқот натижалари далолат қилган.

Маълумотларга кўра, йилига умумий қиймати $500 миллиард долларга тенг атир-упа ишлаб чиқарилади.

Танқидчилар фикрича, мавжуд ҳолат ҳаддан зиёд гўзалликка бўлган талабни кучайтираверади.

Айрим Осиё давлатларида бунинг сирасига терини оқартирувчи воситаларни тарғиб қилиш ҳам киради.

Атир-упаларнинг рекламаси кўпгина жойларда норозилик намойишларига ҳам сабаб бўлиб келади.

Фаолларнинг айтишларича, реклама учун мўлжалланган суратларга ўта ишлов берилади.

Бу эса, хотин-қизларнинг ўзларини унда мукаммал тарзда акс этган моделларга қиёслашларига олиб келади.

Дейлик, америкалик хотин-қизлар ҳуқуқлари учун кураш олиб борувчи суфражистлар биринчилардан бўлиб лаб бўёғидан фойдаланишга ўтишган.

Хотин-қизлар камтарроқ ва одмироқ бўлишлари керак, деган қарашлардан истиҳола қилиб ўтиришмаган.

Ҳозир эса, хотин-қизлар бошқача йўлга ўтишмоқда.

Улар ўзларининг пардоз-андозсиз суратларини чоп этиш билан гўзалликка оид ижтимоий меъёрларга қарши ўз норозиликларини ифода этишмоқда.