Uefa Champions league quarterfinals fixtures and dates

Wia dis foto come from, Warren Little/Getty Images)

Wetin we call dis foto, Eberechi Eze of Arsenal score im team first goal during di Uefa Champions League 2025/26 Round of 16 Second Leg match between Arsenal FC and Bayer 04 Leverkusen at Arsenal Stadium on March 17, 2026 in London, England.
Read am in 3 mins

Arsenal wey be one of di Premier League sides wey qualify for di quarter-finals of di Uefa Champions league go face Sporting Club of Portugal for di next round.

Liverpool go kwanta wit defending champions Paris Saint Germaine (PSG).

Di next round of di Uefa Champions League go begin on Tuesday 7 April to 15 April 2026.

Out of di six Premier League clubs wey qualify for di Round of 16, na only two, Liverpool and Arsenal wey remain for di competition.

Di Round of 16 conclude on Wednesday 17 March, 2026.

Skip content and continue reading

End of content

Quarter - final pairings and fixtures

7th April

Sporting Club vs Arsenal

Real Madrid vs Bayern Munich

Skip Di one wey oda users dey read well well and continue reading
Di one wey oda users dey read well well

End of Di one wey oda users dey read well well

8th April

Barcelona vs Paris Saint-Germain

Atlético de Madrid vs Liverpool

14 April

Atlético de Madrid vs Barcelona

Liverpool vs Paris Saint-Germain

15 April

Arsenal vs Sporting Clube de Portugal

Bayern Munich vs Real Madrid

Di clubs wey win go progress to di semi -final stage.

How dem take reach hia?

Arsenal top di league phase for di Champions League wey automatically qualify dem for di Round of 16. Bayern Munich finish second while Liverpool na third.

Barcelona bin dey fifth position while Sporting CP conclude dia run for seventh position.

Di likes of Real Madrid, PSG and Atletico Madrid finish below eighth position.

For di Round of 16 wey just end on Wednesday, Real Madrid sama Manchester City 5-1 on aggregate.

Defending champions PSG knack World champions Chelsea wetin no good, na 8-2 aggregate di match end.

Arsenal beat Bayer Levekusen 3-1 for di two legs while Sporting Club sama Bodo\Glimt 5-0.

For di oda matches Atletico Madrid qualify afta dem knack Tottenham 7-5.

Liverpool come from one goal defeat to beat Turkish giants Galatasaray 4-1, Barcelona whip Newcastle United 8-3 on aggregate.