Lewandowski da wasu fitattun ƴan wasan da ba za su je Gasar Kofin Duniya ba

Ɗaya daga cikin ƴan wasan gaba mafi shahara a duniyar kwallon kafa a tsawon shekara 15 da suka wuce - ɗan ƙasar Poland Robert Lewandowski - yana cikin manyan taurarin kwallon kafa da ba za su je gasar kofin duniya ba da za a yi a Canada, Amurka da kuma Mexico a wannan shekara.

Ɗan wasan mai shekara 37 da ke buga wa ƙungiyar Barcelona, wanda ya zura kwallaye 89 wa ƙasarsa, ya kasa taimaka mata zuwa gasar kofin duniya bayan da suka yi rashin nasara a hannun Sweden da ci 3-2 a birnin Stockholm ranar Talata, a wasan karshe na neman gurbin xuwa gasar.

Lewandowski, wanda ya lashe gasar Bundesliga ta Jamus har sau goma - biyu da Borussia Dortmund sai kuma guda takwas a jere da Bayern Munich, kafin cin La Liga biyu da Barca - za a iya cewa ya buga wasansa na karshe a matakin ƙasa.

Mun yi duba kan ƴan wasa shida waɗanda su ma suka gaza tsallakewa zuwa gasar ta kofin duniya.

Gianluigi Donnarumma (Man City da Italiya)

Gianluigi Donnarumma ya kasance mai tsaron raga mafi kwazo a gasar Premier a bana tun bayan komawa Manchester City daga Paris St-Germain kan fam miliyan 26 a watan Satumba, bayan taimakawa ƙungiyar ta Faransa lashe gasar Champions League a bara.

Duk da kasancewa ɗan wasan da ya fi haskawa lokacin da Italiya ta lashe gasar Euro 2020, yanzu ƙasarsa ta gaza zuwa gasar kofin duniya bayan rashin nasara da ci 4-1 a hannun Bosnia-Herzegovina a bugun fenariti ranar Talata.

Serhou Guirassy (Dortmund da Guinea)

Serhou Guirassy ya assasa kansa a matsayin ɗaya daga cikin ƴan wasan gaba mafi hazaka a duniyar kwallon kafa, inda ya zura kwallaye 62 a Bundesliga a cikin kakar wasanni uku da suka gabata, sannan babu ɗan wasan da ya ci kwallo sama da 13 wanda ya zura a gasar Champions League na kakar 2024-25.

Sai dai, ba zai samu damar zuwa gasar kofin duniya ba saboda ƙasarsa ta Guineata fita tun a zagayen farko na neman gurbi a ɓangaren Afirka, inda suka kare a matsayi na huɗu a rukuninsu, nasara huɗu kacal da kuma canjaras guda uku a cikin wasanni goma.

Khvicha Kvaratskhelia (PSG da Georgia)

Khvicha Kvaratskhelia ya taimakawa Paris St-Germain zama zakarun Turai a bara, inda ya zura kwallo a wasan karshe da suka doke Inter Milan 5-0.

Ya kuma zo na 12 cikin jerin ƴan wasan da suka fi haskawa na kyautar Ballon d'Or.

Sai dai Georgia ba ta taɓuka wani abin kirki ba a wasannin neman gurbin zuwa gasar kofin duniya, saboda maki uku kaɗai suka samu a cikin rukunin da ya kunshi Spain, Turkiyya da kuma Bulgaria.

Lewandowski (Barcelona da Poland)

Lewandowski ya jagoranci Poland zuwa gasar kofin duniya ta 2018 a Rasha, sai dai bai zura ko da kwallo ɗaya ba inda ƙasarsa ta kare a karshen teburin rukuninsu.

Ya samu haskawa a gasar kofin duniya da aka yi a Qatar a 2022, inda ya zura kwallo biyu har da kai Poland zagayen ƴan 16, kafin Faransa ta doke su.

Ya ci kwallaye hu,du a wasan rukuni na neman gurbin zuwa gasar kofin duniya na 2026, inda ƙasarsa ta kare a kasan Netherlands wadda ta fi ta da maki uku - kafin su yi rashin nasara a hannun Sweden ranar Talata.

Victor Osimhen (Galatasaray da Najeriya)

Victor Osimhen ta taimakaa Napoli lashe Serie A a 2023 kafin ya koma Galatasaray, inda ya zura kwallaye 26 a cikin wasanni 30, abin da ya ba su nasarar lashe gasar Turkiyya a bara.

Najeriya ta yi canjaras biyar a cikin wasanni 10 na neman gurbin zuwa kofin duniya, inda ta kare maki ɗaya kasan Afirka ta Kudu, sai dai sun samu dama ta biyu a wasan neman gurbi da ya biyo.

Najeriya ta yi rashin nasara a hannun Kongo a bugun fenariti wanda aka buga bayan sauya Osimhen, abin da ya sa ƙasar ta kasa zuwa gasar kofin duniya.

Dominik Szoboszlai (Liverpool da Hungary)

Ɗan wasan tsakiyar Liverpool da Hungary Dominik Szoboszlai yana haskawa sosai a bana kuma ya ci kwallaye masu kayatarwa da ban sha'awa.

Sai dai ba zai samu damar zuwa gasar kofin duniya ba bayan da ƙasarsa ta sha kashi a hannun Jamhuriyar Ireland da ci 3-2.

Ƴan wasan fili 11 da ba za su je Gasar Kofin Duniya ba

Sauran ƴan wasa

Ana sa ran gasar kofin duniyar da za a yi a watan Yuni da Yuli za ta ƙayatar sosai.

Sauran ƴan wasan da ba za su je gasar ba sun haɗa da mai tsaron raga