War ka soo kordhay gabdhaha kubada cagta ee Iiran ee ku sugan Australia iyo saddex kale oo baddeley go'aankoodii hore

Saddex xubnood oo kale oo ka tirsan wafdiga kubadda cagta haweenka ee Iran, kuwaas oo la siiyay fiisooyin bini'aadantinimo si ay ugu sii joogaan Australia ayaa beddelay go'aankoodii waxayna go'aansadeen inay ku laabtaan dalkooda.

Saddexdan qof ayaa u dhaqdhaqaaqayaasha xuquuqda aadanaha ee ku nool qurbaha Iran u aqoonsadeen Zahra Soltan Meshkehkar, Mona Hamoudi, iyo Zahra Sarbali.

Walaac ayaa ka dhashay xaaladda kooxda Iran kadib markii ciyaartoydu ay aamuseen intii lagu jiray heesta qaranka ee dalkooda kulankii furitaanka Asian Cup ee ay la ciyaarayeen South Korea 2-dii Maarso, taas oo sababtay in gudaha Iran loogu yeero "Khiyaanoolayaal Wadan "

Isagoo xaqiijinaya go'aankaas, wasiirka arrimaha gudaha ee Australia ayaa sheegay in dowladdiisu ay sameysay wax kasta oo ay awooddo si loo hubiyo in haweenkan la siiyo fursad ay mustaqbal ammaan ah uga helaan dalka Australia.

"Dadka Australia waa inay ku faanaan in dalkenna ay haweenkan u arkeen qaran siiyay doorashooyin dhab ah isla markaana ay la falgaleen masuuliyiin doonayay inay caawiyaan," ayuu Tony Burke ku sheegay bayaan.

"Inta ay dowladdu hubin karto in fursado la bixiyo oo si cad loo gaarsiiyo, ma baabi'in karno xaaladda ama duruufaha ay ciyaartoydu ku qaadanayaan go'aannadan aadka u adag."

Wasaaradda ciyaaraha ee Iran ayaa sidoo kale hore u xaqiijisay warkan, oo markii ugu horreysay ay soo warisay wakaalada Tasnim oo xiriir la leh ciidamada ilaalada kacaanka (IRGC).

"Ruuxda qaranimo iyo waddaniyadda ee kooxda kubadda cagta haweenka qaranka Iran ayaa ka adkaatay qorshayaashii cadawgu ka lahaa kooxdan," ayaa lagu yiri bayaanka, iyadoo sidoo kale lagu eedeeyay dowladda Australia inay "ku ciyaarayso garoonka Trump."

Wakaalada Tasnim ayaa sheegtay in saddexdan qof ay ku sii jeedaan magaalada Kuala Lumpur ee dalka Malaysia si ay ugu biiraan inta kale ee kooxda, isla markaana ay "ku laabanayaan laab-furan diirran oo ay ka helayaan qoysaskooda iyo dalkooda kadib markii ay ka laabteen codsigoodii magangelyo ee Australia."

Waxay sidoo kale sheegtay inay iska caabiyeen "dagaal nafsiyeed, dacaayad ballaaran, iyo dalabyo soo jiidasho leh."

Taasi waxay ka dhigan tahay in toddobadii qof ee markii hore sheegay inay doonayaan inay joogaan Australia, hadda ay saddex keliya ka harsan yihiin oo weli ah kuwa ka goostay. Mid ka mid ah ciyaartoydana wuxuu isla go'aankaas qaatay Arbacadii si uu ugu laabto Iran.

Hamoudi iyo Sarbali waxay ka mid ahaayeen shantii qof ee ugu horreysay ee diiday inay la noqdaan kooxda, kadib markii ay uga dhuunteen ilaaladii ee la socotay hotel-kii kooxda ee Gold Coast, oo koonfur ka xiga Brisbane, Isniintii la soo dhaafay, waxaana markaas loo qaaday guri ammaan ah oo ay geeyeen Booliska Federaalka Australia.

Zahra Soltan Meshkehkar, oo ka tirsan shaqaalaha farsamada ee kooxda, waxay ka mid ahayd laba haween oo kale oo ka tirsan kooxda kuwaas oo codsaday magangelyo maalintii xigtay. Haweeneyda kale ee Mohaddeseh Zolfi, ayaa go'aankeeda beddeshay saacado yar kadib markii la siiyay xaqa ay ku sii joogi karto. Waxaa la fahamsan yahay inay mar hore dib ugu biirtay kooxda.

Waxaa jiray walaac ka jiray Australia oo ku saabsan in xubnaha kooxda iyo qoysaskooda ay la kulmi karaan cawaaqib ama ciqaab gudaha Iran kadib markii ciyaartoydu diideen inay qaadaan heesta qaranka.

Mid ka mid ah faalleeyayaasha muxaafidka ah ee warbaahinta dawladda Iran ayaa ku eedeeyay inay yihiin "khiyaano-wadan xilliga dagaalka", wuxuuna ku baaqay in si adag loo ciqaabo.

Kooxdu waxay qaaday heesta qaranka labadii ciyaarood ee ugu dambeyey intaan laga soo afjarin tartanka axadii, taasoo keentay in dhaleeceeyayaashu aaminsanaadaan in ay amarka qaateen iyaga oo ay la socdeen masuuliyiin dowladeed intii lagu jiray tartanka.

Ciyaartoydii Iran ee harsan waxay ka baxeen Australia habeenimadii Talaadada, laba maalmood kadib markii laga reebay Asian Cup.