ඔබ මේ දකින්නේ අවම ඩේටා ප්රමාණයක් භාවිත කරන මෙම වෙබ් අඩවියේ පෙළ පමණක් කියවිය හැකි අනුවාදයකි. රූප සහ වීඩියෝ අන්තර්ගත අපගේ මුලික වෙබ් අඩවිය මෙතැනින් නරඹන්න.
අවම ඩේටා ප්රමාණයක් භාවිතා කරන මෙම වෙබ් පිටු පිළිබඳ වැඩිදුර කියවන්න
ඉරානයේ බුද්ධි අමාත්ය ඉස්මයිල් කතිබ් ඝාතනය කළ බව ඊශ්රායලය පවසයි
- Author, බීබීසී සිංහල
- කියවීමේ කාලය: මිනිත්තු 2
ඉරාන බුද්ධි අමාත්ය ඉස්මයිල් කතිබ් ඝාතනය කර ඇති බව ඊශ්රායල ආරක්ෂක අමාත්ය ඊශ්රායල් කැට්ස් පවසයි.
"ඊයේ රාත්රියේ ඉරානයේ බුද්ධි අමාත්ය කතිබ් ද ඉවත් කරන ලදී," කැට්ස් නිවේදනයක් නිකුත් කරමින් පවසයි.
මේ සම්බන්ධයෙන් ඉරානය මෙතෙක් ප්රතිචාර දක්වා නැත.
ඉස්මයිල් කතිබ් යනු කවුද?
2021 දී මිය ගිය හිටපු ජනාධිපති ඊබ්රහිම් රයිසි විසින් එස්මයිල් කාතිබ් ඉරානයේ බුද්ධි අමාත්යවරයා ලෙස පත් කරන ලදී.
ඔහු ඉරානයේ අභාවප්රාප්ත උත්තරීතර නායක අයතුල්ලා අලි කමේනි ඇතුළු ඉහළ පෙළේ පුද්ගලයින් කිහිප දෙනෙකු යටතේ ඉස්ලාමීය නීති විද්යාව හැදෑරීය.
ඔහු බුද්ධි අමාත්යංශයේ සහ උත්තරීතර නායක කාර්යාලයේ ජ්යෙෂ්ඨ තනතුරු දරා ඇත.
2022 දී "එක්සත් ජනපදයට සහ එහි මිත්ර පාර්ශවවලට එරෙහිව සයිබර් සක්රීය ක්රියාකාරකම්වල යෙදීම නිසා" ඉරානයේ බුද්ධි අමාත්යාංශයේ ප්රධානියා ලෙස ඔහුගේ භූමිකාව සම්බන්ධයෙන් එක්සත් ජනපදය විසින් ඔහුට සම්බාධක පනවන ලදී.
1979 ඉස්ලාමීය විප්ලවයෙන් මඳ කලකට පසු, 1980 දී කතිබ් ඉස්ලාමීය විප්ලවවාදී ආරක්ෂක බළකායට (IRGC) සම්බන්ධ වූ බව වාර්තා වේ.