ਕੈਨੇਡਾ ਤੇ ਅਮਰੀਕਾ ’ਚ ਬਰਫੀਲੇ ਤੂਫ਼ਾਨ ਦਾ ਕਹਿਰ, ਏਅਰਪੋਰਟ 'ਤੇ ਬੁਰੇ ਹਾਲ, ਚੇਤਾਵਨੀ ਜਾਰੀ
ਤਸਵੀਰ ਸਰੋਤ, Reuters
ਕ੍ਰਿਸ਼ਮਸ ਦੀਆਂ ਤਿਆਰੀਆਂ ਵਿਚਕਾਰ ਕੈਨੇਡਾ ਅਤੇ ਅਮਰੀਕਾ ਦੇ ਇੱਕ ਵੱਡੇ ਹਿੱਸੇ ਨੂੰ ਬਰਫੀਲੇ ਤੂਫ਼ਾਨ ਨੇ ਘੇਰਿਆ ਹੋਇਆ ਹੈ।
ਇਸ ਸਮੇਂ ਇਕੱਲੇ ਅਮਰੀਕਾ ਵਿੱਚ 20 ਕਰੋੜ ਲੋਕ ਇਸ ਭਿਆਨਕ ਤੂਫ਼ਾਨ ਦੇ ਅਸਰ ਹੇਠ ਰਹਿ ਰਹੇ ਹਨ।
ਹੁਣ ਤੱਕ ਇਸ ਤੂਫ਼ਾਨ ਕਾਰਨ ਘੱਟੋ -ਘੱਟ 19 ਲੋਕਾਂ ਦੀ ਮੌਤ ਹੋ ਗਈ ਹੈ। ਇਸ ਨੂੰ ਬੌਂਬ ਸਾਈਕਲੋਨ ਵੀ ਕਿਹਾ ਜਾਂਦਾ ਹੈ।
ਅਮਰੀਕਾ ਵਿੱਚ ਸ਼ੁੱਕਰਵਾਰ ਨੂੰ 15 ਲੱਖ ਲੋਕਾਂ ਦੇ ਘਰਾਂ ਦੀ ਬਿਜਲੀ ਚਲੀ ਗਈ ਸੀ ਅਤੇ ਹਜ਼ਾਰਾਂ ਫਲਾਈਟਾਂ ਰੱਦ ਕੀਤੀਆਂ ਗਈਆਂ ਸਨ।
ਤਸਵੀਰ ਸਰੋਤ, STEPHEN CHUNG / ALAMY STOCK PHOTO
ਕੈਨੇਡਾ ਦੇ ਓਨਾਰੀਓ ਅਤੇ ਕਿਊਬੇਕ ਵਿੱਚ ਸਭ ਤੋਂ ਬੁਰਾ ਹਾਲ ਹੈ। ਇਨ੍ਹਾਂ ਦੋਵਾਂ ਇਲਾਕਿਆਂ ਵਿੱਚ ਵੀ ਲੋਕਾਂ ਨੂੰ ਬਿਜਲੀ
ਦੇ ਕੱਟਾਂ ਦਾ ਸਾਹਮਣਾ ਕਰਨਾ ਪੈ ਰਿਹਾ ਹੈ।
ਪੂਰੇ ਕੈਨੇਡਾ ਵਿੱਚ ਇਸ ਵੇਲੇ ਕਰੀਬ 4 ਲੱਖ 10 ਹਜ਼ਾਰ ਲੋਕ ਬਿਨਾਂ ਬਿਜਲੀ ਤੋਂ ਦਿਨ ਕੱਟ ਰਹੇ ਹਨ। ਇਨ੍ਹਾਂ ਵਿੱਚੋਂ 3 ਲੱਖ 30 ਹਜਾਰ ਲੋਕ ਕਿਉਬਕ ਵਿੱਚ ਹਨ।
ਤਸਵੀਰ ਸਰੋਤ, Getty Images
ਕੈਨੇਡਾ ’ਚ ਅੱਤ ਦੀ ਸਰਦੀ
ਪੂਰੇ ਕੈਨੇਡਾ ਵਿੱਚ ਬ੍ਰਿਟਿਸ਼ ਕੋਲੰਬੀਆ ਤੋਂ ਨਿਊਫਾਊਂਡਲੈਂਡ ਤੱਕ ਬੇਹੱਦ ਜਿਆਦਾ ਠੰਢ ਪੈ ਰਹੀ ਹੈ।
ਮੌਸਮ ਵਿਭਾਗ ਵੱਲੋਂ ਤੂਫ਼ਾਨ ਦੀਆਂ ਚੇਤਾਵਨੀਆਂ ਜਾਰੀ ਕੀਤੀਆਂ ਗਈਆਂ ਹਨ।
ਇਸ ਦੌਰਾਨ ਤਾਪਮਾਨ ਬੇਹੱਦ ਹੇਠਾਂ ਜਾਣ ਦੀ ਵੀ ਸੰਭਾਵਨਾ ਜਤਾਈ ਗਈ ਹੈ।
ਤਸਵੀਰ ਸਰੋਤ, Getty Images
ਬੀਤੇ ਦਿਨ ਐਲਬਰਟਾ ਵਿੱਚ ਤਾਪਮਾਨ -25 ਡਿਗਰੀ ਤੱਕ ਪਹੁੰਚ ਗਿਆ ਸੀ।
ਸੜਕਾਂ ਉੱਤੇ ਚੱਲਣਾ ਵੀ ਇਸ ਵੇਲੇ ਬੇਹੱਦ ਖ਼ਤਰਨਾਕ ਹੋਇਆ ਪਿਆ ਹੈ।
ਜ਼ਿੰਦਗੀ ਜਿਵੇਂ ਰੁੱਕ ਗਈ ਹੈ।
ਤਸਵੀਰ ਸਰੋਤ, Getty Images
ਟੋਰੰਟੋ ਨੇੜੇ ਇੱਕ ਹਾਈਵੇਅ ਉੱਤੇ 50 ਗੱਡੀਆਂ ਇੱਕ ਦੂਜੇ ਨਾਲ ਟਕਰਾ ਗਈਆਂ।
ਇਸ ਵਿੱਚ 2 ਲੋਕ ਜ਼ਖਮੀ ਹੋ ਗਏ ਹਨ। ਕਈ ਹਾਈਵੇਅ ਪੂਰੇ ਤਰੀਕੇ ਨਾਲ ਬੰਦ ਕਰ ਦਿੱਤੇ ਗਏ ਹਨ।
ਤਸਵੀਰ ਸਰੋਤ, Getty Images
ਅਮਰੀਕਾ ਵਿੱਚ ਕਹਿਰ
ਅਮਰੀਕਾ ਦੀ ਨੈਸ਼ਨਲ ਵੈਦਰ ਸਰਵਿਸ ਮੁਤਾਬਕ ਸਰਦ ਰੁੱਤ ਦੀਆਂ ਇਹ ਸਭ ਤੋਂ ਵੱਡੀਆਂ ਚੇਤਾਵਨੀਆਂ ਵਿੱਚੋਂ ਇੱਕ ਹਨ।
ਇੱਥੇ ਬੁਰੇ ਹਾਲ ਦਾ ਅੰਦਾਜ਼ਾ ਇਸ ਗੱਲ ਤੋਂ ਲਗਾਇਆ ਜਾ ਸਕਦਾ ਹੈ ਕਿ ਦੇਸ ਦੇ ਦੂਜੇ ਨੰਬਰ ਦੇ ਸਭ ਤੋਂ ਬਿਜੀ ਵੈਂਕਓਵਰ ਏਅਰਪੋਰਟ ਨੂੰ ਮੰਗਲਵਾਰ ਨੂੰ ਇੱਕ ਵਾਰ ਤਾਂ ਪੂਰੇ ਤਰੀਕੇ ਨਾਲ ਬੰਦ ਕਰਨਾ ਪੈ ਗਿਆ ਸੀ।
ਤਸਵੀਰ ਸਰੋਤ, STEPHEN CHUNG / ALAMY STOCK PHOTO
ਬਰਫ਼ ਦਾ ਤੁਫ਼ਾਨ ਟੈਕਸਸ ਤੋਂ ਕਿਉਬੈਕ ਤੱਕ 3200 ਕਿਲੋਮੀਟਰ ਤੋਂ ਵੱਧ ਖੇਤਰ ਵਿੱਚ ਫੈਲ ਗਿਆ ਹੈ।
ਬਿਜਲੀ ਦੇ ਕੱਟਾਂ ਦਾ ਸਾਹਮਣਾ ਕਰਨ ਵਾਲੇ ਇਲਾਕਿਆਂ ਵਿੱਚ ਨਿਊਯਾਰਕ, ਪੈਨਸਲਵਿਨੀਆ, ਵਰਜੀਨੀਆ ਅਤੇ ਨੌਰਥ ਕੈਰੋਲੀਨਾ ਸ਼ਾਮਿਲ ਹਨ।
ਤਸਵੀਰ ਸਰੋਤ, ALAM STOCK
ਕੈਨੇਡਾ ਅਤੇ ਅਮਰੀਕਾ ਵਿੱਚ ਫਲਾਈਟਾਂ ਰੱਦ
ਤਸਵੀਰ ਸਰੋਤ, Getty Images
ਕ੍ਰਿਸਮਸ ਮੌਕੇ ਲੋਕਾਂ ਦਾ ਆਪਣੇ ਘਰਾਂ ਤੱਕ ਪਹੁੰਚਣਾ ਔਖਾ ਹੋ ਗਿਆ ਹੈ।
ਕੈਨੇਡਾ ਅਤੇ ਅਮਰੀਕਾ ਵਿੱਚ ਹਜ਼ਾਰਾਂ ਫਲਾਈਟਾਂ ਰੱਦ ਹੋਈਆਂ ਹਨ।
ਫਲਾਈਟਾਂ ਰੱਦ ਹੋਣ ਦੀ ਸੂਰਤ ਵਿੱਚ ਅਮਰੀਕਾ ਵਿੱਚ ਪ੍ਰਸ਼ਾਸਨ ਵੱਲੋਂ ਲੋਕਾਂ ਨੂੰ ਅਪੀਲ ਕੀਤੀ ਜਾ ਰਹੀ ਹੈ ਕਿ ਬੇਹੱਦ ਜ਼ਰੂਰੀ ਹੋਣ ’ਤੇ ਹੀ ਯਾਤਰਾ ਕੀਤੀ ਜਾਵੇ।
ਤਸਵੀਰ ਸਰੋਤ, STAR TRIBUNE VIA GETTY IMAGES
ਨਿਊ ਯਾਰਕ ਦੇ ਗਵਨਰ ਕੈਥੀ ਹੌਕੁਲ ਨੇ ਹਾਲਾਤ ਨੂੰ ਬੇਹੱਦ ਜਾਨਲੇਵਾ ਕਰਾਰ ਦਿੰਦੇ ਹੋਇਆਂ ਘਰਾਂ ਵਿੱਚ ਰਹਿਣ ਦੀ ਹਦਾਇਤ ਦਿੱਤੀ ਹੈ।
ਅਮਰੀਕਾ ਵਿੱਚ ਪਿਛਲੇ ਦਿਨਾਂ ਵਿੱਚ ਹੋਈਆਂ ਸੜਕੀ ਦੁਰਘਟਨਾਵਾਂ ਨੂੰ ਮੌਸਮ ਨਾਲ ਜੋੜਿਆ ਜਾ ਰਿਹਾ ਹੈ।
ਕਿਵੇਂ ਬਣਦੇ ਹਨ ਬੌਂਬ ਸਾਈਕਲੋਨ ਦੇ ਹਾਲਾਤ
ਹੁਣ ਇਹ ਵੀ ਜਾਣ ਲੈਂਦੇ ਹਾਂ ਕਿ ਇੱਕ ਬੌਂਬ ਸਾਈਕਲੋਨ ਦੇ ਹਾਲਾਤ ਕਿਵੇਂ ਬਣਦੇ ਹਨ।
ਪਹਿਲਾਂ ਗਰਮ ਤੇ ਠੰਢੀ ਹਵਾ ਇੱਕ ਦੂਜੇ ਨਾਲ ਮਿਲਦੀ ਹੈ।
ਤਸਵੀਰ ਸਰੋਤ, SCOTT OLSON
ਗਰਮ ਹਵਾ ਉੱਪਰ ਉਠ ਜਾਂਦੀ ਹੈ ਅਤੇ ਹਵਾ ਵਿੱਚ ਘੱਟ ਦਬਾਅ ਵਾਲਾ ਖੇਤਰ ਬਣਾ ਲੈਂਦੀ ਹੈ
ਤੂਫਾਨ ਦੇ ਬੱਦਲ ਬਣ ਜਾਂਦੇ ਹਨ ਅਤੇ ਪਾਣੀ ਕੰਡੈਂਸ ਹੋ ਜਾਂਦਾ ਹੈ।
ਤਸਵੀਰ ਸਰੋਤ, KAMIL KRZACZYNSKI/AFP
ਹਾਲਾਤ ਕਦੋਂ ਠੀਕ ਹੋਣਗੇ?
ਮੌਸਮ ਦੇ ਮਾਹਿਰਾਂ ਅਨੁਸਾਰ ਇਹ ਹਾਲਾਤ ਅਜੇ ਕੁਝ ਦਿਨਾਂ ਤੱਕ ਅਜਿਹੇ ਹੀ ਰਹਿਣਗੇ।
ਇਹ ਵੀ ਹੋ ਸਕਦਾ ਹੈ ਕਿ ਕਿ ਇਸ ਵਾਰ ਦੀ ਕ੍ਰਿਸਮਸ ਕਈ ਦਹਾਕਿਆਂ ਦੀ ਸਭ ਤੋਂ ਠੰਢੀ ਕ੍ਰਿਸਮਸ ਹੋਏ।
ਤਾਜ਼ਾ ਘਟਨਾਕ੍ਰਮ
ਦ੍ਰਿਸ਼ਟੀਕੋਣ
ਪਾਠਕਾਂ ਦੀ ਪਸੰਦ
ਸਮੱਗਰੀ ਉਪਲਬਧ ਨਹੀਂ ਹੈ