In pictures: Floods and fear for Pakistan

Heavy rainfall from dis year's monsoons don lead to floods across Pakistan, with more dan 30 million pipo affected, and more than 1,000 pipo killed since June.

One ogbonge relief operation dey underway, but pipo across di country don dey displaced, searching for dry ground as water levels rise around dem.

Hundreds of pipo dey stranded across di river for di Manoor valley of Pakistan's Khyber Pakhtunkhwa province after one flash flood hit di region on Friday, destroying at least 10 bridges and dozens of buildings.

Di Manoor valley dey located for di mountains of Kaghan - one famous tourist destination for Pakistan. Di valley don dey hit by one torrential flood wey kill at least 15 pipo, wey include women and pikin.

Di BBC team reach di valley afta one dangerous one-hour drive along one road dey damaged at many points by di flooding and landslides.

For Manoor, two bridges don completely collapsed and one temporary wooden crossing don dey erected. Here, we meet one woman sitting with her belongings. She tell di BBC she fit see her home but e dey unable to reach am.

We see men, women and pikin siddon outside dia mud houses on di oda side of di river. Dey wave at us thinking we be goment officials.