د کورونا پېژندلو لپاره سپي کارېږي

هوايي ډګر کې پوله ساتي ځواکونه د نشه يي توکو او بې قانونه موادو د پېژندلو لپاره سپي کاروي.

خو اوس دا ډول سپي د بل هدف یانې کورونا پېژندلو لپاره خپلې پوزې کاروي.

د فنلډ هیلسنګي-ونټا هوايي ډګر کې دا اونۍ پر هغو سپیو د مساپرو د بویولو تجربه کېږي چې د کوويډنولس رنځ د پېژندلو لپاره په ځانګړي ډول روزل شوي.

دواطلبانو د دې څېړنیز پروګرام لپاره پنځلس سپي او لس څارونکي روزلي دي.

د هیلسنګي پوهنتون پوهانده او د دې څېړنډلې مشره انا هیلیم بجورکمن له رویټرز سره خبرو کې وايي:

"په انسان کې د کورونا د نښو له څرګندېدو پنځه ورځې مخکې سپي دا وېروس پېژندلی شي."

د نوموړې په خبره، دا روزل شوي سپي د کورونا وېروس پېژندلو کې ډېر ښه دي:

"موږ حساسیت ته سل سلنه نږدې شوي یو."

هوايي ډګر ته له بهر رسېدلي مساپر خپله غاړه په ټوټه پاکوي، بیا دا ټوټه ډبي کې د سپي مخ ته اېښودل کېږي، چې د کورونا وېروس منفي یا مثبته نتیجه وباسي.

سپی د کورونا وېروس لرلو یا نه لرلو نتیجه په څو منټو کې ښيي.

خو په داسې حال کې چې دا ازمویښتي پروګرام له وړاندې لا مثبته پایله درلوده، نوره څېړنه هم پکار ده چې د دغې تجربې اغېز ثابت کړي

* څنګه چې سړی، هغسې یې سپی؟

* ویلا دیمیر پوتین د جاپانیانو سپی په ډالۍ ونه مانه

دا مهال له هغو مساپرو چې دا ډول ازموینه یې شوې غوښتنه کېږي چې د سپیو د دا ډول د ازموینې تر کره والي پورې د کورونا دودیزه معاینه هم وکړي.