تاسې د وېبسایټ داسې بڼه ګورئ چې یوازې متن لري او لږ انټرنېټ کاروي. که غواړئ عکسونه او ویډیوګانې وګورئ، نو د وېبسایټ اصلي (لومړنۍ) بڼې ته ورشئ.
د وېبسایټ اصلي بڼې ته مې وروله
د وېبسایټ دې بڼې په اړه چې ډېر انټرنېټ نه مصرفوي نور معلومات دلته موندلای شئ.
د امریکا او ایران دویم پړاو خبرې: اسلام اباد کې په پراخه کچه امنیتي تدابیر نیول شوي
د امریکا ولسمشر ډونالډ ټرمپ تایید کړې ده چې ایران سره خبرو لپاره به امریکايي پلاوی سبا(دوشنبه) اسلام اباد ته رسیږي. تردې دمه په دې اړه ایران څه نه دي ویلي خو د پاکستان پلازمېنې اسلام اباد کې په دې اړه تیارۍ روانې دي.
دا د ایران او امریکا تر منځ د دویم پړاو خبرو پیل په موخه تر ټولو د لوړې کچې رسمي پخلی دی.
د نورخان هوايي ډګر سره نزدې د اوسېدو سیمه کې د ګرځبندېز په څېر حالت دی او لارو کوڅو کې د پام وړ شمېر پولیس لیدل کېږي.
خلکو ته د تګ راتګ کمولو سپارښتنه شوې، او هلته موجود مارکیټونه تړل کېږي.
امنیتي تیاریو کې زیاتوالی
اسلام اباد ته په ټولو تلونکو لارو پولیس دریدلي او د لا ښه امنیت په موخه ځای ځای پوځیان ځای پر ځای شوي دي.
د اسلام اباد د پولیسو ویاند ویلي دي چې ښار کې د د ګډو امنیتي ځواکونو د لټون عملیات روان دي. اخوا د اسلام اباد نړیوال اسلامي پوهنتون اعلان کړی دی. چې د اپریل له ۲۰ مې تر ۲۴مې ټول درسونه به په ان لاین بڼه کېږي.
د جمعې په ورځ د لټون پرمهال ۲۰ افغان کدوال، ۵۶ مشکوک کسان، دوه موټرې او ۴۷ موټرسایکلې نورې پلټنې لپاره توقیف خونو ته استول شوي دي. دغه رار پولیسو څو کسان چې ناقانونه وسلې ورسره وې هم نیولي دي.
اسلام اباد ته په غځېدلو لارو پلټنې کېږي، او پولیسو له خلکو غوښتي دي چې د لټون او تلاشۍ پرمهال همکاري وکړي او د هرډول مشکوکو کړنو خبر ورکړي.
پولیس وايي د حکومت په امر یې د عامه ټرانسپورټ ټولې هډې بندې کړې دي.