وسله والو غزني کې د نجونو ښوونځی په بمونو الوځولی
د عکس سرچینه، AFP/Getty Images
د افغانستان د جنوبي ولایت غزني د مرکز اړوند قره باغي سیمه کې د نجونو یو ښوونځي په بمونو الوځول شوی دی. په دغه پېښه کې چاته زیان نه دی رسېدلی.
د غزني د پوهنې رییس محمد عابد عابد بي بي سي ته وویل، ناپېژانده وسله والو تېره شپه ناوخته (جوزا/غبرګولي لومړۍ) د البیروني د نجونو لېسه په بمونو لمنځه یوړه.
هغه وویل، دا لومړی ځل دی چې غزني کې پر روزنیز مرکز دا ډول برید کېږي.
د ښاغلي عابد د معلوماتو له مخې، په دغه ښوونځي کې څه دپاسه ۱۲۰۰ نجونو زده کړې کولې او اوس له زده کړو پاتې شول.
د سیمې یوه اوسېدونکي شېراحمد (مستعار نوم) بي بي سي ته وویل، تېره شپه یوه بجه (جوزا/غبرګولي لومړۍ) چاودنې وشوې او سهار څرګنده شوه چې د نجونو ښوونځی ړنګ شوی دی.
تراوسه ددې پېښې مسوولیت هم چا یا کومې ډلې نه دی منلی.
اوسمهال د افغانستان په ډېرو لرې پرتو سیمو کې د مخالفینو د ګواښ له امله ډېر شمېر ښوونځي تړلي دي. افغانستان کې جګړه لامل شوې چې زرګونه زده کوونکي له زده کړو بې برخې شي.
مهم خبرونه
تر ټولو ډېر لوستل شوي
منځپانګه نه شته