Сүрөт баян: Борис Жонсон ким?

Дээрлик үч жыл мурун Консервативдик партияны жеңишке жеткирген Борис Джонсон партиянын төрагалыгын тапшырды. Жонсон анын ордуна жаңы премьер-министр шайланганга чейин өз кызматында калат. Биз анын буга чейинки баш айланткан ийгилиги менен азыркы абалын сүрөттөр менен баяндап беребиз.

Сүрөттүн булагы, SHUTTERSTOCK

Сүрөттүн түшүндүрмөсү, Борис Жонсон 1964-жылдын 19-июнунда Нью-Йоркто төрөлгөн, саясатчы бала кезинде үй-бүлөсү менен далай көчүп конгон. Ал Eton College’ге барган.

Сүрөттүн булагы, Getty Images

Сүрөттүн түшүндүрмөсү, Ал Оксфорд университетине билим алып, Оксфорд бирикмесинин президенти болгон. Ошондой биринчи аялы Аллегра Мостин-Оуэн менен ушул окуу жайда таанышкан. Алар 1993-жылы эки башка жолго түшкөн.

Сүрөттүн булагы, PHOTO BY NEVILLE ELDER/CORBIS VIA GETTY IMAGES

Сүрөттүн түшүндүрмөсү, Ал эмгек жолун журналист катары баштаган. Ал Daily Telegraph’та иштеп, акыры Spectator журналынын редактору болгон.

Сүрөттүн булагы, ELEANOR BENTALL / CORBIS VIA GETTY IMAGES

Сүрөттүн түшүндүрмөсү, Жаркыраган каарман - ал Би-Би-Синин "Менде сага жаңылык бар" (“Have I Got News for You”) программасына катышкан. Сүрөт теле алып баруучу Ульрика Жонссон аны бийлегенди үйрөтүп жатканда тартылган.

Сүрөттүн булагы, DAVID SANDISON/THE INDEPENDENT/SHUTTERSTOCK

Сүрөттүн түшүндүрмөсү, Саясий амбициялары 2001-жылы Хенлиден консервативдик депутат болуп шайланууга жеткирген.

Сүрөттүн булагы, SHUTTERSTOCK

Сүрөттүн түшүндүрмөсү, Анын кийинген стили көбүнчө салттуу эмес болчу. Жонсон 2003-жылы Save The Children уюмун колдоо үчүн кайыкта Темза дарыясына сүзүп барган.

Сүрөттүн булагы, REBECCA NADEN / PA MEDIA

Сүрөттүн түшүндүрмөсү, Ал анын алдындагы ар нерсеге өзүн таштоо менен белгилүү болгон - сүрөттө Жонсон Редингдеги Мадейски стадионунда өткөн кайрымдуулук футбол матчында немис жарым коргоочусу Маурицио Гаудинону “регби-подкат” кылган учуру.

Сүрөттүн булагы, ANTHONY DEVLIN / PA MEDIA

Сүрөттүн түшүндүрмөсү, 2008-жылы ал консерваторлордон Лондондун мэрлигине талапкер болгон.

Сүрөттүн булагы, STEFAN ROUSSEAU / PA MEDIA

Сүрөттүн түшүндүрмөсү, Ал жеңишке жеткен. Бул сүрөттө Консервативдик партиянын ошол кездеги лидери Дэвид Кэмерон аны шайлоодогу жеңиши менен куттуктап жатат.

Сүрөттүн булагы, Getty Images

Сүрөттүн түшүндүрмөсү, Ал кезде Жонсон адвокат Марина Уилер менен баш кошкон болчу. Алар төрт балалуу болуп, 2020-жылы ажырашкан.

Сүрөттүн булагы, BARCROFT MEDIA / GETTY IMAGES

Сүрөттүн түшүндүрмөсү, Лондон 2012-жылы Олимпиаданы өткөрүүгө укук алганы сүрөткө түшүүгө көбүрөөк мүмкүнчүлүк берди.

Сүрөттүн булагы, STEFAN ROUSSEAU / PA MEDIA

Сүрөттүн түшүндүрмөсү, Ал Жапонияга соода маселелери боюнча жасаган сапарында регби ойноп жатып, 10 жаштагы баланы жөөлөп, жыккан.

Сүрөттүн булагы, JONATHAN BRADY / PA MEDIA

Сүрөттүн түшүндүрмөсү, Вело сүйүүчү катары ал мэр болуп турган кезинде Лондондо коомдук велосипедди ижарага алуу схемасы жана велосипед супермагистралдары киргизилген.

Сүрөттүн булагы, CHRIS RADBURN / PA MEDIA

Сүрөттүн түшүндүрмөсү, Жонсон-мырза улуттук саясатка кайтып келди - ал 2015-жылдагы шайлоодо премьер-министр Дэвид Кэмерондун жетекчилигинин астында парламентте бир орунга ээ болгон, бирок 2016-жылга чейин Лондондун мэри кызматында калды.

Сүрөттүн булагы, CHRIS RADBURN / PA MEDIA

Сүрөттүн түшүндүрмөсү, Ал 2016-жылы ЕБдан чыгуу жөнүндө референдум өткөндө Майкл Гове менен Улуу Британиянын биримдиктен чыгуусуна үгүттөп, көпчүлүктүн көңүл чордонуна түшкөн.

Сүрөттүн булагы, OLI SCARFF / GETTY IMAGES

Сүрөттүн түшүндүрмөсү, Референдумда “чыгып кетүү” эң көп добуш алды.

Сүрөттүн булагы, LEON NEAL / AFP

Сүрөттүн түшүндүрмөсү, Эртеси күнү Кэмерон-мырза премьер-министрлик кызматтан кетти, бирок Жонсон анын мураскору болбой турганын жарыялап, күтүүлөрдү "чаташтырды".

Сүрөттүн булагы, LEON NEAL / AFP

Сүрөттүн түшүндүрмөсү, Тереза Мэй премьер-министр болуп, Жонсон-мырза тышкы иштер министри болуп дайындалды.

Сүрөттүн булагы, SOE ZEYA TUN / AFP

Сүрөттүн түшүндүрмөсү, Тышкы иштер министри катары Жонсон-мырза көп жерлерди кыдырган. 2017-жылы Мьянмада тартылган сүрөт. Кийинки жылы ал Мэй-айымдын Brexit (Британиянын ЕБдан чыгуу) келишимине нааразы болуп, министрлер кабинетинен кеткен.

Сүрөттүн булагы, DAVID MIRZOEFF / PA MEDIA

Сүрөттүн түшүндүрмөсү, Улуу Британия Евробиримдиктен кантип чыга турганы боюнча бир нече айга созулган саясий туңгуюктан кийин Мэй-айым кызматын тапшырууга аргасыз болду. Анын ордуна Жонсон-мырза келген.

Сүрөттүн булагы, VICTORIA JONES / PA MEDIA

Сүрөттүн түшүндүрмөсү, Ал консерваторлордун жаңы лидери болуп шайлануу үчүн Жереми Хантты жеңген. Ал - 92 153 добуш алса, атаандашы 46 656 добуш топтогон. Королева ага өкмөттү түзүүнү өтүнгөн.

Сүрөттүн булагы, STEFAN ROUSSEAU / PA MEDIA

Сүрөттүн түшүндүрмөсү, Жонсон-мырза Brexit боюнча прогресске жетише албай калгандан кийин кайрадан шайлоо дайындаган. Шайлоо өнөктүгү учурунда ал Улуу Британия 2020-жылдын декабрына чейин Евробиримдиктен толугу менен чыга турганын айткан.

Сүрөттүн булагы, STEFAN ROUSSEAU / PA MEDIA

Сүрөттүн түшүндүрмөсү, Ал бийликке бир топ көбөйгөн көпчүлүк менен кайтып келди.

Сүрөттүн булагы, STEFAN ROUSSEAU / PA MEDIA

Сүрөттүн түшүндүрмөсү, Жонсон-мырза өнөктөшү Кэрри Симондс менен Даунинг-Стрит 10го кайтып келген.

Сүрөттүн булагы, IAN VOGLER / DAILY MIRROR / PA MEDIA

Сүрөттүн түшүндүрмөсү, 2020-жылдын январында Улуу Британия Евробиримдиктен чыгып кетти, бирок ал, башка дүйнө сыяктуу эле, Кытайдан чыккан коронавирустун жайылышына байланышкан кыйынчылыктарга туш болду.

Сүрөттүн булагы, AARON CHOWN / PA MEDIA

Сүрөттүн түшүндүрмөсү, Вирус катаал чараларга алып келген: адамдар үйдө калууга жана социалдык алыстыкты сактоого тийиш эле. Жонсон-мырза жана канцлер Риши Сунак саламаттык сактоо системасынын кызматкерлерине ыраазычылык билдиришип, улуттук кол чабууларга кошулган.

Сүрөттүн булагы, ANDREW PARSONS / NO 10 DOWNING STREET

Сүрөттүн түшүндүрмөсү, Жонсон-мырза өзү да вирусту жуктуруп алып, обочого алынган, бирок өлкөнү үйүнөн башкарып жаткан. 10 күндөн кийин анын абалы начарлап, оорукананын жандандыруу бөлүмүнө жеткирилген.

Сүрөттүн булагы, DANIEL LEAL / AFP

Сүрөттүн түшүндүрмөсү, Үч жумадан кийин ал жумушуна кайтып келип, британ коомчулугунун "тайманбастыгын" мактады.

Сүрөттүн булагы, ANDREW PARSONS / NO 10 DOWNING STREET

Сүрөттүн түшүндүрмөсү, Бир нече жумадан кийин Жонсон-мырза жана анын жубайы Симондс-айым уулдуу болгондугун жарыялашты - баланын аты Уилфред Лоури Николас Жонсон коюлган. Николас деген ысым Жонсон-мырзаны ооруканада коронавирустан дарылаган эки дарыгердин урматына коюлду.

Сүрөттүн булагы, LEON NEAL / GETTY IMAGES

Сүрөттүн түшүндүрмөсү, Октябрдын аягында Жонсон-мырза саламаттык сактоо системасы үчүн "медициналык жана моралдык катастрофаны" алдын алуу үчүн Англияда экинчи локдаун башталарын жарыялады. Ал ыкчам чаралар үй-бүлөлөрдү Рождество майрамында чогулта алат деген үмүтүн билдирди.

Сүрөттүн булагы, FRANK AUGSTEIN / AFP

Сүрөттүн түшүндүрмөсү, Декабрь айында жакшы жаңылыктар болду, анткени өлкөнүн тарыхындагы эң чоң эмдөө программасы башталган. Жонсон-мырза Лондондогу ооруканага барып, вакцина алгандардын айрымдарына "бул сиз үчүн жана бүтүндөй өлкө үчүн жакшы" деп айткан.

Сүрөттүн булагы, REBECCA FULTON / DOWNING STREET VIA GETTY IMAGES

Сүрөттүн түшүндүрмөсү, Жонсон-мырза 2021-жылдын май айында Уэстминстер соборунда уюштурулган жашыруун тойдо Симондс-айымга үйлөнгөн.

Сүрөттүн булагы, STEFFAN ROUSSEAU / PA MEDIA

Сүрөттүн түшүндүрмөсү, Эссекстин Лей-он-Си шаарындагы шайлоо округунда бычакталып өлтүрүлгөн 69 жаштагы депутат сэр Дэвид Эймсстин өлүмү өлкөнү дүрбөлөңгө салды. Жонсон-мырза анын министрлер кабинетинин бир нече мүчөсү анын өлүмү тууралуу укканда көзүнө жаш алганын айтып берген.

Сүрөттүн булагы, SIMON DAWSON / NO 10 DOWNING STREET

Сүрөттүн түшүндүрмөсү, 2021-жылдын декабрында Жонсон кыздуу болду, ымыркайга Роми ысмы ыйгарылды. Бул сүрөттө жубайлар кызы менен Чекерсте видео чалуу жасаганын көрүүгө болот.

Сүрөттүн булагы, SUE GRAY REPORT/CABINET OFFICE

Сүрөттүн түшүндүрмөсү, 2022-жылдын январында Жонсон-мырза жана анын өкмөтү локдаун учурунда өткөрүлдү делген бир нече майрамдык иш-чараларга байланыштуу талкууга түштү. Жонсонго ишенбөөчүлүк көрсөтүү боюнча жашыруун добуш берүүдө 211 депутат премьер-министрди колдоп, 148и ага каршы чыкты. Жонсондун кызматта калышы үчүн 180 добуш керек болчу.

Сүрөттүн булагы, UKRAINE GOVERNMENT

Сүрөттүн түшүндүрмөсү, Орусия Украинага басып киргенден кийин Жонсон-мырза өлкөгө өз аймагын коргоого жардам берүү үчүн аскердик техника сунуштаган. Киевдин расмий өкүлдөрү кабарлашкандай, премьер-министр кызматтан кетерин жарыялагандан кийин президент Владимир Зеленский аны менен телефон аркылуу байланышкан жана украин лидери бул кабарды "өкүнүчтүү" деп атаган.

Сүрөттүн булагы, HENRY NICHOLLS/ REUTERS

Сүрөттүн түшүндүрмөсү, Жонсон-мырза 7-июлда өкмөттүн көптөгөн отставкаларынан кийин, ошондой эле локдаун мыйзамдарын бузгандыгы үчүн айыппулга жыгылганы жана анын мурдагы жетекчи орун басары Крис Пинчерге каршы сексуалдык ыдык боюнча талаш-тартыштардан улам отставкага кете турганын жарыялады.