Ханыша Елизавета II’нин өмүрү сүрөттөрдө

Сүрөттүн булагы, ANNIE LEIBOVITZ

Ханыша Елизавета II’нин сөөгү бүгүн, 19-сентябрда жерге берилет.

Монархтын бүткүл өмүрү элдин көңүл чордонунда болгон. Биз Улуу Британияны эң узак башкарган монархтын доорун - төрөлгөндөн тартып, акыркы күндөрүнө чейин сүрөттөр менен көрсөтүп беребиз.

Сүрөттүн булагы, PA Media

Сүрөттүн түшүндүрмөсү, Елизавета Александра Мэри Виндзор 1926-жылы 21-апрелде Лондондогу Беркли аянтындагы үйдө төрөлгөн. Ал Йорк герцогу Альберттин жана анын аялы, мурдагы леди Елизавета Боус-Лиондун тун кызы болгон. Герцог Альберт Жордж V’тин экинчи уулу болгон.

Сүрөттүн булагы, Getty Images

Сүрөттүн түшүндүрмөсү, Төрөлгөндөн тарта эле такты анын тагдыры болгон эмес.

Сүрөттүн булагы, Getty Images

Сүрөттүн түшүндүрмөсү, Анткен менен ал жоопкерчиликти бала кезинен эле сезгени айтылат.

Сүрөттүн булагы, Getty Images

Сүрөттүн түшүндүрмөсү, Елизавета да, анын 1930-жылы туулган сиңдиси Маргарет Роуз да үйдөн билим алышкан.

Сүрөттүн булагы, Getty Images

Сүрөттүн түшүндүрмөсү, 1936-жылы король Эдвард VIII тактыдан баш тарткан, ал эми Елизаветанын атасы король Жорж VI болгон. Елизавета анын мураскору болуп калган.

Сүрөттүн булагы, TOPICAL PRESS AGENCY / GETTY IMAGES

Сүрөттүн түшүндүрмөсү, Экинчи дүйнөлүк согуш учурунда Елизавета жана анын сиңдиси Маргарет Виндзор сепилине эвакуацияланган. Бул сүрөттө алар Би-Би-Сидеги Балдар сааты берүүсүндө элге кайрылганы көрсөтүлгөн.

Сүрөттүн булагы, AFP

Сүрөттүн түшүндүрмөсү, Жаш принцесса согуштун аягында Жардамчы аймактык кызматка (Auxiliary Territorial Service) кошулуп, жүк ташуучу унааны айдоону жана тейлөөнү үйрөнгөн.

Сүрөттүн булагы, BERT HARDY / GETTY IMAGES

Сүрөттүн түшүндүрмөсү, 1947-жылы ал алыскы тууганы, Эдинбург герцогу Филипп Маунтбаттенге турмушка чыккан.

Сүрөттүн булагы, PA Media

Сүрөттүн түшүндүрмөсү, Алардын биринчи баласы Чарльз (сүрөттө) 1948-жылы төрөлгөн. Андан соң 1950-жылы анын карындашы Энн төрөлгөн.

Сүрөттүн булагы, PA Media

Сүрөттүн түшүндүрмөсү, Елизавета өмүр бою апасына абдан жакын болгон. Бул сүрөт 1951-жылы алар үйлөнүү үлпөтүнө катышып жатканда тартылган.

Сүрөттүн булагы, PA Media

Сүрөттүн түшүндүрмөсү, 1952-жылдын январында Елизавета менен Филипп ооруп жаткан королдун ордуна чет өлкөлөргө сапар тарткан. Падыша бир нече күндөн кийин уктап жатып көз жумду.

Сүрөттүн булагы, Getty Images

Сүрөттүн түшүндүрмөсү, Елизавета дароо үйүнө кайтты. Болочок королева 25 жашта эле.

Сүрөттүн булагы, PA Media

Сүрөттүн түшүндүрмөсү, Алгач король Жорж VI’нын акыркы сапарга узатуу зыйнаты болду. Бул жерде анын апасы, ханыша Мэри Жорж VI’нын сөөгү Лондондогу Вестминстер Холлго коштошуу аземин өткөрүү үчүн алып келингенин көрүп жатат. Ханыша Елизавета чоң энесинин артында, анын апасы оң жакта.

Сүрөттүн булагы, UNIVERSAL HISTORY ARCHIVE

Сүрөттүн түшүндүрмөсү, Андан кийин, 1953-жылы июнда, Елизавета Вестминстер аббаттыгында тактыга отурган.

Сүрөттүн булагы, PA Media

Сүрөттүн түшүндүрмөсү, Андан соң ханыша Елизавета II жана Эдинбург герцогу Букингем сарайынын балконуна чыгышып, куттуктаган элге салам берди.

Сүрөттүн булагы, Getty Images

Сүрөттүн түшүндүрмөсү, Британия согуштун кесепеттеринен дагы эле жапа чеккенине карабастан, айрымдар таажы кийүүнү жаңы Елизаветанын доорунун таңы деп мүнөздөшкөн. Бул жерде ханыша Елизавета II Франциянын Париж шаарында жайгашкан Опера театрындагы чоң тепкичтен көтөрүлүп баратат.

Сүрөттүн булагы, PA Media

Сүрөттүн түшүндүрмөсү, 1957-жылы Рождество күнү ханыша телеберүүлөрдүн бирин алып барган.

Сүрөттүн булагы, PA Media

Сүрөттүн түшүндүрмөсү, Британ коому жана монархияга болгон мамиле өзгөрө баштады, “монархия” термини акырындык менен “королдук үй-бүлө” дегенге алмаштырылды. Королева 1958-жылы Сассекс графствосунда жайгашкан Кроули Нью-Таун шаарына Эдди Хаммонддордун үйүнө барганда кошуналардын көз алдында турат.

Сүрөттүн булагы, PA Media

Сүрөттүн түшүндүрмөсү, Расмий иш-чаралардын ортосунда Елизавета үй-бүлөсү менен убакыт өткөргөн - бул жерде кызы принцесса Анна менен Виндзор сепилиндеги Фрогмордо. 

Сүрөттүн булагы, MIRRORPIX / GETTY IMAGES

Сүрөттүн түшүндүрмөсү, 1966-жылы Уэмблиде стадионунда королева Англиянын футбол курама командасынын капитаны Бобби Мурга Жюль Риме байгесин тапшырган. Англия дүйнөлүк чемпионаттын финалында Батыш Германияны 4:2 эсебинде жеңип, чемпион болгон.

Сүрөттүн булагы, Getty Images

Сүрөттүн түшүндүрмөсү, 1966-жылдын 29-октябрында королева Уэльстеги Аберфан айылына барды - сегиз күн мурун Пантглас башталгыч мектепти көмүр жер көчкү басып, 144 адам, анын ичинен 116 жаш бала каза болгон. Бул окуя ханышага оор келгени анык көрүнгөн, бул анын башкаруусунун эң эмоциялуу учурларынын бири бойдон калууда.

Сүрөттүн булагы, MIRRORPIX / GETTY IMAGES

Сүрөттүн түшүндүрмөсү, 1969-жылы эфирге "Королдук үй-бүлө" даректүү тасмасы чыккан. Бул көрүүчүлөргө ханышанын жана анын үй-бүлөсүнүн жеке жана коомдук жашоосундагы бир жыл болуп көрбөгөндөй көрүнүштү тартуулады.

Сүрөттүн булагы, PA Media

Сүрөттүн түшүндүрмөсү, Ханыша принц Чарльзга Карнарфон сепилинде өткөн салтанатта Уэльс принцинин таажысын расмий кийгизген. Ал тогуз жашында эле титулга ээ болгон, бирок ханыша расмий салтанатты Чарльз анын маанисин толук түшүнгөнгө чейин жылдырып салган.

Сүрөттүн булагы, LICHFIELD VIA GETTY IMAGES

Сүрөттүн түшүндүрмөсү, 1972-жылы ханыша Күмүш тоюнда колдонуу үчүн HMY Britannia кемесинин бортунда тартылган сүрөттөрдүн бирине түшкөн.

Сүрөттүн булагы, PA Media

Сүрөттүн түшүндүрмөсү, Бийликтин тушунда королеванын жанында коргис породасындагы иттер болгон. Келечектеги Жорж VI 1933-жылы кыздары үчүн Дуки аттуу корги сатып алганда “королдук үй-бүлөнүн” бул порода менен байланышы башталган.

Сүрөттүн булагы, PA Media

Сүрөттүн түшүндүрмөсү, 1977-жылы ханышанын тактыга отурганына 25 жыл толуп, өлкө Күмүш юбилейди белгиледи. Королеваны өлкөнү туш тарабында шыктанган эл жылуу тосуп алды.

Сүрөттүн булагы, PA Media

Сүрөттүн түшүндүрмөсү, Улуу даражалуу 10 жуманын ичинде 36 графтыкта болду, анын ичинде жайкы аба ырайын эң жакшы пайдаланып жаткан Эйвондогу адамдарды байкады. Ал ошондой эле майрамдоонун алкагында дүйнө жүзү боюнча 56 миң миль (90 миң км) саякат жасаган.

Сүрөттүн булагы, PA Media

Сүрөттүн түшүндүрмөсү, Түгөйлөр Барбадоско жакындап калганда, Конкорд учагы Britannia королдук яхтасынын жанынан төмөн учуп, ханыша менен герцог кол булгалап турган.

Сүрөттүн булагы, PA Media

Сүрөттүн түшүндүрмөсү, Жылдан-жылга ханыша коомдук милдеттерин уланта берди. Улуу даражалуу жана Эдинбург герцогу Жаңы Зеландиянын Королдук Полинезия фестивалынын ачылышында Жаңы Зеландиялык маорилерди тосуп алышты.

Сүрөттүн булагы, PA Media

Сүрөттүн түшүндүрмөсү, 1979-жылы августта принц Филипптин агасы жана королеванын бөлөсү, граф Луи Маунтбаттен Ирландияда өзүнүн кайыгында баратканда IRA (“Ирландия республикалык армиясы” экстремисттик кыймылы) койгон бомбасынан каза тапкан. Лорд Маунтбаттен үй-бүлөнүн жакын мүчөсү болгон жана көптөгөн жогорку аскердик кызматтарды аркалаганы менен белгилүү. Аны акыркы сапарга узатуу зыйнаты Вестминстер аббаттыгында өттү.

Сүрөттүн булагы, Getty Images

Сүрөттүн түшүндүрмөсү, 1981-жылы Елизаветанын тун уулу Чарльз леди Диана Спенсерге үйлөнгөн. Чарльз менен Диана ажырашканга чейин Уильям жана Гарри аттуу эки уулдуу болушкан. Диана 1997-жылы Парижде жол кырсыгынан каза болгон

Сүрөттүн булагы, Getty Images

Сүрөттүн түшүндүрмөсү, Рождество майрамында сүйлөгөн сөзүндө ханыша 1992-жылды өзүнүн "annus horribilis" (өтө жаман жыл) деп мүнөздөдү. Анткени анын үч баласынын никеси бузулуп, Виндзор сепилинде өрт чыккан.

Сүрөттүн булагы, DAVID COOPER/ALAMY

Сүрөттүн түшүндүрмөсү, Коомчулук сепилди оңдоого өкмөттүн акча төлөшүнө каршы болгон. Монархия коргонууда болгон, бирок акча чогултуу үчүн Букингем сарайы саякатчылар үчүн ачылган. Королева Бислидеги Армия мылтыктары ассоциациясы менен стандарттуу SA80 мылтыгынан акыркы ок чыгарды.

Сүрөттүн булагы, PA Media

Сүрөттүн түшүндүрмөсү, 1997-жылы Уэльс принцессасы Диана каза болгондон кийин ханыша эл алдына чыкпаганы үчүн сынга кабылган. Акыр-аягы, ал Букингем сарайынын сыртындагы урмат-сыйды көрүп, элге түз эфир жасады

Сүрөттүн булагы, PA Media

Сүрөттүн түшүндүрмөсү, Королева Сюзан МакКаррон айымдын Глазго шаарынын Кастлемилк аймагындагы үйүнө чай ичүүгө барды, анткени “королдук үй-бүлө” коомчулук менен жолугушуунун ынак, расмий эмес ыкмасын сынашкан.

Сүрөттүн булагы, Getty Images

Сүрөттүн түшүндүрмөсү, 2000-жылы ханышанын энеси 100 жылдыгын белгиледи - бул жерде анын кыздары принцесса Маргарет жана королева Элизабет менен бирге.

Сүрөттүн булагы, Getty Images

Сүрөттүн түшүндүрмөсү, 2002-жылы королеванын сиңдиси принцесса Маргарет жана анын апасы жети апталык айырма менен көз жумган.

Сүрөттүн булагы, Getty Images

Сүрөттүн түшүндүрмөсү, Ханыша ошол жайда өзүнүн Алтын юбилейин белгилегенде эл ага колдоо көрсөттү. 4-июндун кечинде бир миллион киши Соода борбордун алдына чогулду.

Сүрөттүн булагы, PA Media

Сүрөттүн түшүндүрмөсү, 2005-жылы ханыша Елизаветанын тун уулу экинчи жолу үйлөндү. Принц Чарльз менен Камилла Паркер Боулз Виндзор Гилдхоллдо жарандык салтанатта баш кошуп, андан соң Виндзор сепилиндеги Сент-Жорж чиркөөсүндө бата беришти.

Сүрөттүн булагы, PA Media

Сүрөттүн түшүндүрмөсү, Елизавета, Эдинбург герцогу, Уэльс ханзаадасы жана Корнуолл герцогинясы Абердиншир аймагындагы Бремар-Тоолуу оюндарында

Сүрөттүн булагы, PA Media

Сүрөттүн түшүндүрмөсү, 2007-жылы королева Рохэмптондогу Теннис ассоциациясынын жаңы штаб-квартирасын ачуу аземинде жамгырдан жашынып жатканда сүрөткө тартылган.

Сүрөттүн булагы, PA Media

Сүрөттүн түшүндүрмөсү, "Ар бир адам карыйт, болгону болушунча узак жашаш керек", - деп Королева 80 жылдыгын белгилөө мааракесинде Гроучо Маркстын сөзүн келтирген.

Сүрөттүн булагы, PA Media

Сүрөттүн түшүндүрмөсү, Анын соңку жылдарындагы эң бактылуу окуялардын бири - 2011-жылы небереси, ханзаада Уильям менен Кэтрин Миддлтондун үйлөнүү тою болду. Бул жерде принц Уильям жаңы колуктусу менен королевага таазим кылышууда.

Сүрөттүн булагы, PA Media

Сүрөттүн түшүндүрмөсү, Королева Англисидеги шамалдуу RAF базасына келгенде шляпасынан кол жууп кала жаздады. Ал жерде ханыша жана принц Филипп ошол кезде базада жайгаштырылган принц Уильямга барган.

Сүрөттүн булагы, Getty Images

Сүрөттүн түшүндүрмөсү, 2012-жылы Лестерге жасаган сапары 60 жылдык башкаруусуна арналган Алмаз юбилейинин башталышы болду.
Сүрөттүн түшүндүрмөсү, Андан кийин Лондон Олимпиадасынын ачылыш аземинде башка британ иконасы Жеймс Бонд (актёр Дэниел Крейг ойногон) менен бирге катышты.

Сүрөттүн булагы, PA Media

Сүрөттүн түшүндүрмөсү, Ханышанын аты Эстимейт 207 Алтын кубогуна ээ болуп, өзүнө да, жарыш боюнча менеджери Жон Уорренге да чоң кубаныч тартуулады

Сүрөттүн булагы, PA Media

Сүрөттүн түшүндүрмөсү, 2015-жылдын 9-сентябрында Елизавета 23 226 күн, 16 саат жана болжол менен 30 мүнөт падышалык кылды - бул анын чоң таенеси, ханыша Викториянын башкаруусунан ашып түштү. Бул күнү ал Шотландияда жаңы темир жолдун ачылыш аземине катышты.

Сүрөттүн булагы, PA Media

Сүрөттүн түшүндүрмөсү, Ханыша 2016-жылдын июнь айында “королдук үй-бүлөнүн” башка мүчөлөрү менен туулган күнүн белгиледи. Ал 90 жашка толгон.

Сүрөттүн булагы, Getty Images

Сүрөттүн түшүндүрмөсү, Эдинбург герцогу ыйгарым укуктарынан баш тарткандан кийин ханыша өзүнүн коомдук милдеттерин көбүнчө жалгыз аткарууну улантты. Королева 2018-жылы Виндзордогу Королдук ат шоусунда Спарклер атына көз салып жатат

Сүрөттүн булагы, CHRIS ALLERTON / SUSSEXROYAL

Сүрөттүн түшүндүрмөсү, Анын үй-бүлөсү чоңойгон сайын кубаныч көбөйө берген - бул жерде ал Сассекс герцогу жана герцогинясы, алардын уулу Арчи жана герцогиниянын энеси Дориа Редлан менен бирге. Бирок үй-бүлөдө дагы эле татаалчылыктар болгон: анын ичинде ханзаада Эндрю менен жыныстык кылмыштар үчүн соттолгон америкалык финансист Жеффри Эпштейндин достугу, ошондой эле ханзаада Гарринин падышалык үй-бүлөдөгү жашоодон көңүлү калганы.

Сүрөттүн булагы, PA Media

Сүрөттүн түшүндүрмөсү, Ханыша Елизавета II менен 60 жылдан ашуун бирге жашаган принц Филипп 99 жашында, 2021-жылдын 9-апрелинде каза болгон. Ковид пандемиясынан улам королева сөөк коюу аземинде жалгыз отурууга аргасыз болгон.

Сүрөттүн булагы, DUCHESS OF CAMBRIDGE

Сүрөттүн түшүндүрмөсү, Королеванын артында төрт баласы, сегиз небереси жана 12 чебереси калды.