Balogun Market Fire: Ụlọahịa abụọ adala n'ihi ọkụ n'agba na Balogun

Aha onyonyo, Balogun Market Fire: Ọkụ agbatuola ụlọahịa abụọ n'ahịa Balogun Legọs

Ọnụ na-ekwuru ndị orụ gbatagbata na Legọs bụ Nosa Okunbor gwara BBC na ụlọahịa abụọ adala n'ihi ọkụ gbara n'Anambra Plaza dị na Balogun na Legọs.

Anya hụrụ ka o si mee sị na ọkụ a malitere mgbe o ji ọkara gafee elekere itoolu nke ụtụtụ a.

Ọkụ a butere ọgbaghara n'ahịa Balogun ebe ndị mmadụ na-agbalị ịzọpụta ngwaahịa ha.

Onyeisi ndị ọrụ gbatagbata bụ Lasema Oluwafemi Oke-Osanyitolu sị na Amabeghị ihe butere ọkụ a kama na onwereike ịbụ ọnọdụ ihueluigwe.

Ebe foto si, Twitter/@Gboyegakosile

Ọ sị na ndị ọrụ ya nakwa ndị ọrụ mgbanyụọkụ na-agba mbọ imenyụ ọkụ ahụ ma rịọ ka onye ọbụla dere duu.

Cheta na nke a ga-eme ya ugboro abụọ n'ime ọnwa atọ ọkụ na-agba na Balogun dị na Legọs Island.

Kirie ihe a ka ị chọpụta ụlọọrụ ndị mgbanyụ ọkụ dị nso n'ebe ị nọ.

Akụkọ ndị ga-amasị gị:

Skip Akachasị Gụọ and continue reading
Akachasị Gụọ

End of Akachasị Gụọ