Offa: Saraki ga-aza ma a kpọọ ya n'ụzọ ziri ezi - Onye ndụmọdụ Saraki

Ebe foto si, Bukola Saraki/Twitter

Nkọwa foto, E boro Saraki ebubo ohi,mpụ na ihe ndịọzọ
Oge e ji agụ akụkọ nkeji 2

Onye ndụmọdụ Saraki n'ihe gbasara iwu na ọchịchị bụ Kingsley Amaku ekwuola na ha enwetebeghị ozi ndị uweojii, na ọ bụ n'akụkọ ka ha nụrụ ya.

Amaku gwara BBC Igbo n'ekwentị na ha ga aza ndị uweojii ebubo a ma ha kpọọ ya oku n'ụzọ ziri ezi.

N'ọnụ ya "Ọ bụ onye mere ihe ọjọọ na-atụ egwu, Saraki emeghị ihe ọjọọ, ọ na-eche ozi ndị uweojii n'ụzọ ziri ezi".

Ebe foto si, @policeNG

Nkọwa foto, Ụgọala bu akara aha Saraki

Cheta na ụmụ nwoke ise kpọrọ Saraki aha na nyocha a na-eme gbasara ohi ụlọakụ n'obodo Offa kpụrụ ndụ mmadụ ruru 33 n'ọnwa Eprelu epuola mpi ọhụrụ.

Nke a mere ka ndị uweojii kpọọ Bukola Saraki oku ị bịa zara ọnụ ya maka ebubo ahụ mmadụ ise n'ime ndị anwụchiri boro ya.

Ndị uweojii kwuputara nke n'akara soshal midia ha nke Twitter.

Ha kwuru sị na site nyocha e mere na ha na-akpọ Bukola Saraki oku ka ha nwee nzụkọ iji zara ọnụ ya maka ebubo eboro ya.

Skip X post, 1
Hapụ X ihe dị na ya?

Edemede a nwere ihe ndị si na X. Anyị na-achọ ka i nye anyị ikike tupu e tinye ihe ọbụla, dịka akụrụngwa cookies na tekịnụzụ ndị ọzọ nwereike ịdị na ya. I nwereike ịgụ X iwu cookie na iwu nzuzo tupu ị nabata ya. Iji kirie ihe nọ n'ime ya, họrọ 'nabata na gaa n'ihu'.

Warning: Third party content may contain adverts

End of X post, 1

Ụmụnwoke ise a bụ ndị ndụ otu ndịohi dị ịcheche, kwuru na Bukola Saraki nakwa Abdulfatah Ahmed bụ gọvanọ na-achị Kwara steeti na-ebunye ha ego na egbe ha ji aga ohi.

Skip Akachasị Gụọ and continue reading
Akachasị Gụọ

End of Akachasị Gụọ

Dika ụlọọrụ ntaakụkọ Sahara Reporters kwuru, ndị ohi ahụ anwụchiri bụ kwa ndị na-eyi mmadụ egwu n'ihe gbasara ndọrọndọrọ ọchịchị.

Ha sị na aha otu ha bụ "Youth Liberation Movement" maọbụ "Good Boys".

Ebe foto si, @PoliceNG

Nkọwa foto, Ụfọdụ ndị ohi a ka a na-egosi ha ọha

Yusuf Olaniyonu bụ onye na-ekwuchitere Bukola Saraki onụ gwara BBC na ha ga-azaghachi oku n'oge adịghị anya.

Ndị ọzọ nọ na soshal midia akatọla oku a na-ekwu na ndịuweojii kwesiri ị kwanyere ọkwa Saraki dịka onyeisi ndị Sineti ugwu.

Ha sị na e kwesiri ị kpọ ya oku n'ụzọ ziri ezi n'abụgị n'elu soshal midia.

Skip X post, 2
Hapụ X ihe dị na ya?

Edemede a nwere ihe ndị si na X. Anyị na-achọ ka i nye anyị ikike tupu e tinye ihe ọbụla, dịka akụrụngwa cookies na tekịnụzụ ndị ọzọ nwereike ịdị na ya. I nwereike ịgụ X iwu cookie na iwu nzuzo tupu ị nabata ya. Iji kirie ihe nọ n'ime ya, họrọ 'nabata na gaa n'ihu'.

Warning: Third party content may contain adverts

End of X post, 2

Akụkọ ga-amasị gị