Shirye-shiryen Kirsimati da yawon buɗe ido a kan raƙumi cikin hotunan Afirka

Lokacin karatu: Minti 3

Wasu daga cikin zaɓaɓɓun hotuna daga Afrika da na ƴan nahiyar a wasu sassan duniya

Asalin hoton, Rajesh Jantilal / AFP

Bayanan hoto, Ɗan wasan ninƙayar Afirka ta Kudu, Mthobisi Mlambo, sanye da kayan Santa a wani wasa da aka yi a Durban.

Asalin hoton, Legnan Koula / EPA

Bayanan hoto, A kasuwannin Abidjan na Ivory Coast ana ci gaba da sayar da kaya masu alaƙa da bikukuwan kirsimati, gabanin shagulgulan ranar bikin da ke tafe.

Asalin hoton, Mohamed Elshahed / Getty Images

Bayanan hoto, A ranar Asabar ƴan wasan tsere daga sassan duniya sun fafata a gasar Marakez, a Giza na ƙasar Masar.

Asalin hoton, Sayed Hassan / Getty Images

Bayanan hoto, Wani mai yawon buɗe ido a kan raƙumi a wajen tseren na Masar.

Asalin hoton, Mahmoud Elkhwas / Getty Images

Bayanan hoto, Duk dai a ranar wani ma'aikaci yana tara tubali domin gina abin da aka yi wa laƙabi da farin tsauni, kusa da birnin Minya da ke kudancin Masar.

Asalin hoton, Kim Ludbrook / EPA

Bayanan hoto, A ranar Litinin masu wasannin hawa sama sun ƙayatar da jama'a a birnin Johannesburg na Afirka ta Kudu.

Asalin hoton, Daniel Irungu / EPA

Bayanan hoto, Wata mai tallar kayan ƙawa sanye da kayanta da aka ɗinka su da haɗakar farantai da cokula, a wajen bikin baje kolin al'adu na kudancin Sudan karo na 11, a Nairobi babban birnin ƙasar Kenya a ranar Laraba.

Asalin hoton, Daniel Irungu / EPA

Bayanan hoto, Ƴanmatan ƙabilar Maasai sun sha kwalliya a wajen buɗe wasanni Olympics a Kajiado na ƙasar.

Asalin hoton, Daniel Irungu / EPA

Bayanan hoto, Ƙauyen Mbirikani Manyatta ya karɓi kofin wasannin Olympics na Maasai, na bana.