1974 - 2026: DR Congo igiye mu gikombe cy'isi nyuma y'imyaka irenga 50 aho yaherukaga yitwa Zaïre

Ibisamagwe (Leopards) bya Repubulika ya Demokarasi ya Congo byahesheje iki gihugu umwanya mu mikino ya nyuma y'igikombe cy'isi nyuma yo gutsinda Reggae Boyz ya Jamaica igitego kimwe ku busa i Guadarajara muri Mexique.

Uyu wari umukino wa kamarampaka wo kubona ikipe za nyuma zibona 'ticket' y'iyi mikino ya nyuma y'igikombe cy'isi izatangira mu mezi abiri n'igice ari imbere.

Iminota 90 y'umukino yarangiye amakipe yombi anganye ubusa ku busa, mu gice cy'inyongera ku munota wa 100 kuri 'corner' (ya gatanu ya DR Congo) myugariro Axel Tuanzebe yatsinze igitego n'itako, nyuma yo kugenzurwa n'umusifuzi kiremezwa.

DR Congo ni yo izaba ihagarariye akarere ka Afurika y'iburasirazuba no hagati mu gikombe cy'isi cy'uyu mwaka kizabera mu mijyi itandukanye muri Mexique, Amerika na Canada.

Mu rugendo rugana hano DR Congo yerekanye ko ari ikipe ikomeye kuko yakuyemo ibihangange bya Afurika nka Nigeria na Cameroun nubwo yabanje kugorwa cyane n'imikino yo mu matsinda.

Mbere y'umukino wo mu ijoro ryo ku wa kabiri, Perezida Félix Tshisekedi yari yahaye ubutumwa bwo guha imbaraga iyi kipe ayibwira ko itwaye "ishema ry'Abanyekongo barenga miliyoni 100, n'icyizere cy'abaturage bizera impano yanyu, ubutwari bwanyu n'ubwitange bwanyu"

Yaherukaga mu Budage bw'Uburengerazuba

Iyi kipe y'igihugu ubu irangajwe imbere na captain Chancel Mbemba, si ubwa mbere igeze aha.

Mu 1974, ubwo yitwaga Zaïre kandi itegekwa na Mobutu Sese Seko, yagiye bwa mbere mugikombe cy'isi cyabereye mu Budage bw'Uburengerazuba, icyo gihe ni cyo gihugu cyonyine cya Afurika cyari cyaserutse.

Leopards yari iyobowe na Captain Mwamba Kazadi, umwe mu bakinnyi bakomeye bicyo gihe, yari yabonye itike itsinze Maroc, ariko igezeyo byari byarayikomereye mu itsinda yari iri kumwe na Ecosse/Scotland na Yugoslavia na Brazil.

Zaïre yatsinzwe imikino yayo itatu, harimo uwo yahuriyemo n'akaga ubwo Yugoslavia yayitsindaga ibitego 9 ku busa.

Nubwo ubu ibyishimo n'ishema ari byinshi ku bakunzi b'ikipe y'igihugu ya Congo, akazi gakomeye kari mu gikombe cy'isi nyirizina kizatangira mu kwezi kwa gatandatu.

DR Congo ubu yinjiye mu itsinda ririmo Portugal, Colombia na Uzbekistan. Ndetse umukino wayo wa mbere izawukina na Portugal kuri NRG Stadium mu mujyi wa Houston muri leta ya Texas muri Amerika.

Umugabane wa Afurika mu gikombe cy'isi cy'umwaka utaha izahagararirwa n'amakipe icyenda ari yo;