Amwe mu mafoto yaranze Afurika muri iki cyumweru

Amwe mu mafoto yaranze umugabane w'Afurika, n'afite aho ahuriye na wo.

Ahavuye isanamu, Jacoline Schoonees/Reuters

Insiguro y'isanamu, Ku wa kabiri, Afurika y'Epfo yagaragaje urugwiro, ubwo ababyinnyi gakondo bakiraga Minisitiri w'ububanyi n'amahanga w'Uburusiya Sergei Lavrov, mbere y'inama y'itsinda ry'ubukungu rya BRICS, yabereye i Johannesburg.

Ahavuye isanamu, Alet Pretorius/Reuters

Insiguro y'isanamu, Perezida w'Ubushinwa Xi Jinping na we yitabiriye iyo nama ya BRICS, aha yari arimo kwambikwa umudari w'icyubahiro w'Afurika y'Epfo, awambikwa na Perezida Cyril Ramaphosa.

Ahavuye isanamu, Hannah Peters/Getty Images

Insiguro y'isanamu, Ku wa kabiri, Umunya-Kenya Faith Kipyegon yegukanye undi mudari wa zahabu mu gusiganwa ku maguru mu ntera ya metero 1500, muri shampiyona y'imikino ngororangingo ku rwego rw'isi.

Ahavuye isanamu, Aleksandra Szmigiel/Reuters

Insiguro y'isanamu, Ikipe ya Ethiopia yegukanye imidari yose itatu mu isiganwa muri metero 10,000 ryo ku wa gatandatu ryarangiye mu buryo butunguranye, ubwo Sifan Hassan, Umunya-Ethiopia ufite n'ubwenegihugu bw'Ubuholandi, yagwaga habura metero nkeya uvuye ku murongo usorezwaho isiganwa.

Ahavuye isanamu, AFP

Insiguro y'isanamu, Ku wa kane, Black Mailer, umuhanzi wo mu njyana ya reggae wo muri Niger, arimo gufata amajwi y'umuzingo (album) w'indirimbo zo gushyigikira igisirikare cya Niger, ubu kiri ku butegetsi nyuma yo guhirika Perezida watowe.

Ahavuye isanamu, KB Mpofu/Reuters

Insiguro y'isanamu, Zimbabwe ishobora kubona impinduka mu butegetsi vuba aha? Ku wa gatatu, aba bakozi b'akanama k'amatora bari barimo kubara amajwi bakoresheje urumuri rw'itoroshi.

Ahavuye isanamu, Luis Tato/AFP

Insiguro y'isanamu, Ku wa gatanu, abasore bo mu bwoko bw'aba Maasai bo muri Kenya begereye umusaza, mu muhango gakondo uzwi nka 'Eunoto' ubinjiza mu cyiciro cy'abakuze.

Ahavuye isanamu, Alberto Pizzoli/AFP

Insiguro y'isanamu, Ku wa gatatu, i Vatican, abanyagatolika bavuye muri Burkina Faso begereye Papa Francis.
Insiguro y'isanamu, Aba Banya-Ethiopia bo mu karere ka Tigray barizihiza ijyanwa mu ijuru rya Bikira Mariya, mu iserukiramuco ngaruka mwaka rizwi nka Ashenda...

Ahavuye isanamu, Yanick Folly/Getty Images

Insiguro y'isanamu, ... mu gihe ku wa kabiri aba bana bo muri Bénin, mu cyaro kiri hafi y'umujyi wa Cotonou, batwaye ubwato.

Aya mafoto yose akoreshwa bitangiwe uruhushya.