Amwe mu mafoto yaranze Afurika muri iki cyumweru: Tariki ya 14 kugeza ku ya 20 Mata 2023

Ahavuye isanamu, Anadolu Agency

Insiguro y'isanamu, Ku wa gatanu, Mercy Munene akikiye rumwe mu nkwavu zibarirwa mu magana yororeye mu isambu iri mu nkengero y'umurwa mukuru Nairobi wa Kenya.

Ahavuye isanamu, Getty Images

Insiguro y'isanamu, Ku cyumweru, i Johannesburg muri Afurika y'Epfo, ibi biryo biri mu masafuriya manini birimo gutekwa n'umuryango ufasha kugira ngo bizatangwe mu gisibo gitagatifu cy'idini ya Islam cya Ramadan.

Ahavuye isanamu, EPA

Insiguro y'isanamu, Ku wa kabiri, aba banyeshuri bari kugaragaza ubuhanga bwabo mu mikino ngororangingo, mu birori byo kwizihiza umunsi w'ubwigenge bwa Zimbabwe, mu mujyi wa Mount Darwin.

Ahavuye isanamu, Reuters

Insiguro y'isanamu, Ku wa gatandatu, Umunya-Kenya Hellen Obiri yiyumvisha ukuntu yari amaze kwegukana isiganwa ku maguru rya Boston Marathon ryo muri Amerika, rya kilometero 42, yirutse mu masaha abiri, iminota 21 n'amasegonda 38.

Ahavuye isanamu, EPA

Insiguro y'isanamu, Ku munsi wakurikiyeho, mu gihugu cya Panama cyo muri Amerika yo hagati, abantu bakomoka muri Afurika bitabiriye imbyino yo muri Congo muri iri serukiramuco.

Ahavuye isanamu, Getty Images

Insiguro y'isanamu, Ku wa gatanu, abarobyi bakoresheje amafarasi (amafarashi) n'ibikoresho bijya kumera nk'ingorofani (carts) mu gukura amafi yabo ku mwaro wa Yoff wo mu murwa mukuru Dakar wa Sénégal.

Ahavuye isanamu, AFP

Insiguro y'isanamu, Ku wa gatanu, uyu mucuruzi wo mu isoko ry'i Adjamé mu mujyi wa Abidjan muri Côte d'Ivoire, arimo gutegura imisatsi y'imikorano (wigs) yo gucuruza.

Ahavuye isanamu, Maxar Technologies/Getty Images

Insiguro y'isanamu, Ku wa mbere, ubwo urugamba rwo guhatanira ubutegetsi rwakomezaga hagati y'igisirikare cya Sudan n'umutwe witwara gisirikare witwa Rapid Support Forces (RSF), ifoto yafashwe n'icyogajuru igaragaza indege yashwanyutse iri ku kibuga mpuzamahanaga cy'indege cya Khartoum.

Ahavuye isanamu, Getty Images

Insiguro y'isanamu, Ku wa gatandatu, muri Uganda - aho umushinga w'itegeko rikaze ryo guhana abatinganyi ryarakaje impirimbanyi z'uburenganzira bwa muntu - uyu mutinganyi w'umugabo, mu buryo bwo kuryigomekaho, yerekanye ukuboko kwe gushushanyijeho (tattoo) amagambo avuga ngo "Ubutinganyi ni bwiza".

Ahavuye isanamu, EPA

Insiguro y'isanamu, No ku wa kabiri, nyuma y'imyuzure yapfiriyemo abantu yamaze iminsi, abatuye mu murwa mukuru Luanda wa Angola barimo kugerageza kongera kubaho mu buzima busanzwe.

Aya mafoto akoreshwa bitangiwe uruhushya.