Amwe mu mafoto yaranze Afurika muri iki cyumweru: Tariki ya 5-11 Gicurasi 2023

Ahavuye isanamu, TCHANDROU NITANGA/AFP

Insiguro y'isanamu, Abatimbo (abavuza ingoma b'Abarundi) ubwo ku wa gatanu ushize bari barimo guha ikaze umunyamabanga mukuru w'umuryango w'abibumbye (ONU/UN), António Guterres, aha ni ku kibuga cy'indege cy'i Bujumbura, aho yari yaje mu nama y'akarere ku mahoro n'umutekano.

Ahavuye isanamu, Reuters

Insiguro y'isanamu, Ku wa kabiri, i Goma mu burasirazuba bwa DR Congo, aba bacanye za buji mu kiriyo cyo kwibuka abantu babarirwa mu magana baherutse gupfira mu myuzure muri iki gihugu.

Ahavuye isanamu, CLEMENT DI ROMA/AFP

Insiguro y'isanamu, Mu gihugu gituranyi, mu Rwanda, ku wa gatanu abaturage bo mu cyaro cya Mubirizi baracukura, mu gihe bashakisha ibisigazwa by'imibiri nyuma yuko hatahuwe imva yashyizwemo abantu mu kivunge...

Ahavuye isanamu, CLEMENT DI ROMA/AFP

Insiguro y'isanamu, Kuva mu kwezi kwa Werurwe (3) uyu mwaka, abategetsi bo muri icyo cyaro bavuga ko bamaze kubona imirambo irenga 1,110 y'abishwe muri jenoside yabaye mu Rwanda mu 1994 - hano umutegetsi wo muri iki cyaro aregeranya amwe mu magufa.

Ahavuye isanamu, Gerald Anderson/Getty Images

Insiguro y'isanamu, Ku wa kabiri, aba banyeshuri barimo kugenda mu nzira ya gariyamoshi mu gace gatuwe mu bucucike ka Kibera mu murwa mukuru Nairobi wa Kenya.

Ahavuye isanamu, ZOHRA BENSEMRA/Reuters

Insiguro y'isanamu, Abana babiri b'abakobwa bo mu miryango yahunze imirwano iherutse kwaduka muri Sudan, ku wa gatatu bari barimo guseka bari kumwe mu ngorofani, mu cyaro cya Koufroun cyo muri Tchad kiri ku mupaka...

Ahavuye isanamu, ZOHRA BENSEMRA/Reuters

Insiguro y'isanamu, Ariko ibintu bimeze nabi kuri bamwe mu bari hano i Koufroun. Hano impunzi z'Abanya-Sudani zirimo kwitaza umusirikare ubanguye inkoni agerageza gushyira ibintu ku murongo, mu gihe imfashanyo yatanzwe n'umuryango ufasha wo muri Turukiya yari itangiye gushira ku cyumweru.

Aya mafoto yose akoreshwa bitangiwe uruhushya.