Nurulloh Muhammad Raufxonning "Bu kunlar"i. 1-qism

Yozuvchining rasmiy web sahifasi - nurullohuz.com da chop etilgan asar O‘zbekiston haqida hozirga qadar mamlakat ichkarisida yozilgan asarlardan o‘zining tanqidiyligi bilan ajralib turadi.

Adibning o‘zi "hujjatli siyosiy-ijtimoiy hikoyalar" deb atagan asarda O‘zbekistondagi o‘zgacha fikrlovchilar, jumladan, dindorlar va siyosiy muxolifatga qarshi repressiyalar qoralanadi, mamlakatning yangi tarixidagi fojiali voqealar borasida hukumatning rasmiy nuqtai nazari savol ostiga olinadi.

Muallif prezident Islom Karimovni, o‘z ta‘biricha, xalqni "Olloh bergan erkinliklardan mahrum qilish", "shafqatsizlik va hokimiyatni saqlab qolish yo‘lida hech narsadan qaytmaslik"da ayblaydi.

"Bu kunlar"ning e‘lon qilinishi muallif Turkiyaga ijodiy safar qilgan pallaga to‘g‘ri kelgan.

Pahlavon Sodiq Nurulloh Muhammad Raufxon bilan Istanbulda uchrashgan.