'இரண்டாம் கட்டப் பேச்சுவார்த்தைக்காக இரானிய குழு இஸ்லாமாபாத் செல்லவில்லை' - இரான் அரசு ஊடகம்
பட மூலாதாரம், Iranian Parliament Speaker Office/ Handout/Anadolu via Getty Images
அமெரிக்காவுடன் பேச்சுவார்த்தை நடத்த இரான் தரப்பிலிருந்து இதுவரை எந்தவொரு குழுவும் இஸ்லாமாபாத்திற்குச் செல்லவில்லை என்று இரான் அரசு ஊடகம் தனது டெலிகிராம் பதிவில் தெரிவித்துள்ளது.
இரான் குழுவின் பயணம் அல்லது அதன் தேதிகள் குறித்து ஊடகங்களில் வெளியான செய்திகள் அனைத்தும் 'வதந்திகள்' என்று அந்த டெலிகிராம் பதிவில் குறிப்பிடப்பட்டுள்ளது.
அத்துடன், இரானிய அதிகாரிகளின் நிலைப்பாட்டையும் அந்தப் பதிவு உறுதிப்படுத்தியுள்ளது. இதில் முந்தைய பேச்சுவார்த்தைக்குழுவில் இடம்பெற்றிருந்தவரும் இரான் நாடாளுமன்ற சபாநாயகருமான முகமது பகர் காலிபாஃபும் அடங்குவார்.
அவர் ஏற்கனவே, "அச்சுறுத்தல்களுக்கு மத்தியில் நடத்தப்படும் எந்தவொரு பேச்சுவார்த்தையையும் இரான் ஏற்காது," என்று குறிப்பிட்டிருந்தார்.
மற்றொருபுறம், அமெரிக்க அதிபர் டொனால்ட் டிரம்ப் தனது நாட்டு குழு பாகிஸ்தான் செல்லும் என்று ஏற்கனவே தெரிவித்திருந்தார்
