அமெரிக்கா சீனா வர்த்தகப்போர்: இறங்கி வந்த டொனால்ட் டிரம்ப் - கூடுதல் வரி விதிப்பு தள்ளிவைப்பு

பட மூலாதாரம், Getty Images

வாசிக்கும் நேரம்: 2 நிமிடங்கள்

சீனப் பொருட்களுக்கு விதிக்கப்பட்ட கூடுதல் இறக்குமதி வரி விதிப்பை 2 வாரங்களுக்குத் தள்ளி வைப்பதாக அமெரிக்க அதிபர் டொனால்ட் டிரம்ப் அறிவித்துள்ளார்.

250 பில்லியன் அமெரிக்க டாலர்கள் மதிப்பிலான இந்த வரியை நல்லெண்ண அடிப்படையில் தள்ளி வைப்பதாக அவர் ட்வீட் செய்துள்ளார்.

அக்டோபர் 1ஆம் தேதியிலிருந்து அமலுக்கு வருவதாக இருந்த இந்த 5 சதவீத கூடுதல் வரியை இரண்டு வாரங்களுக்குத் தள்ளி வைப்பதாக டொனால்ட் டிரம்ப் அறிவித்துள்ளார்.

பேச்சுவார்த்தை

சீனா கேட்டுக்கொண்டதைத் தொடர்ந்து இந்த முடிவை எடுத்துள்ளதாகக் கூறுகிறார் டிரம்ப். சீனாவும் அமெரிக்கா பொருட்கள் சிலவற்றுக்கான இறக்குமதி வரியை ரத்து செய்கிறது.

இரண்டு நாடுகளுக்கும் இடையே வர்த்தகப் போர் கடந்த சில மாதங்களாக நடந்து வருகிறது.

இதனை முடிவுக்குக் கொண்டு வர இரு தரப்பு பேச்சுவார்த்தை நடைபெற்றது. ஆனால், அதில் எந்த முடிவும் எட்டப்படவில்லை.

X பதிவை கடந்து செல்ல
X பதிவை அனுமதிக்கலாமா?

இந்தக் கட்டுரையில் X வழங்கிய தகவல்கள் இடம் பெற்றுள்ளன. குக்கி மற்றும் பிற தொழில்நுட்பங்கள் பயன்படுத்தப்படக்கூடும் என்பதால் எந்த ஒரு பதிவேற்றத்துக்கும் முன்னதாக உங்கள் அனுமதியைக் கோருகிறோம். அதை ஏற்றுக்கொள்வதற்கு முன்பாக, நீங்கள் X குக்கி கொள்கை மற்றும் தனியுரிமைக் கொள்கையை அறிந்துகொள்ள விரும்பலாம். இந்த தகவலைப் படிக்க, `ஏற்றுக்கொண்டு தொடரவும்' என்பதைத் தேர்வு செய்யவும்.

எச்சரிக்கை: வெளியார் தகவல்களில் விளம்பரங்கள் இருக்கலாம்

X பதிவின் முடிவு

மீண்டும் ஒரு புதிய பேச்சுவார்த்தையைத் தொடங்க இரு அரசும் முடிவு செய்துள்ள வேளையில் இந்த வரி விதிப்பு தள்ளி வைக்கப்பட்டுள்ளது.

எப்போது தொடங்கியது?

கடந்த ஆண்டு ஏப்ரல் மாதம், சீனாவிலிருந்து இறக்குமதி செய்யப்படும் 1,300 பொருட்களின் மீது புதிய வரிகளை விதிக்க அமெரிக்கா திட்டமிட்டுள்ளதற்குப் பதிலடியாக அமெரிக்காவிலிருந்து இறக்குமதி செய்யப்படும் பொருள்களுக்கு வரி விதிக்கப் போவதாக அறிவித்தது சீனா.

Skip அதிகம் படிக்கப்பட்டது and continue reading
அதிகம் படிக்கப்பட்டது

End of அதிகம் படிக்கப்பட்டது

அமெரிக்க - சீன வர்த்தகப் போர் உங்களை எப்படி பாதிக்கும்?

காணொளிக் குறிப்பு, உங்கள் பர்சை பதம்பார்க்கும் அமெரிக்க சீன வர்த்தகப் போர்

சோயாபீன்ஸ், வாகனங்கள் மற்றும் ஆரஞ்சு பழச்சாறு உள்பட 106 அமெரிக்கப் பொருட்களின் மீது 25 சதவீதம் அதிக வரி விதிக்கப்போவதாக 2018ஆம் ஆண்டு சீனா தெரிவித்திருந்தது. 1,300 சீனப் பொருட்களுக்கு 25 சதவீத அதிக வரி விதிக்கும் விவரங்களை அமெரிக்கா அறிவித்த சில மணிநேரத்தில், பதிலடியாக இந்த நடவடிக்கை எடுக்கப்பட்டது.

பட மூலாதாரம், Getty Images

சீனாவின் நியாயமற்ற அறிவுசார் சொத்துரிமைக்கு எதிராக எடுக்கப்படும் நடவடிக்கைதான் தங்களின் அதிக வரி விதிப்பு முன்மொழிவு என்று வெள்ளை மாளிகை விளக்கம் அளித்து இருந்தது.

இரு நாடுகள் இடையேயிலான வர்த்தகப் போர் சர்வதேச அளவில் பொருளாதாரத்தில் எதிரொலித்தது.

இதனைத் தொடர்ந்து இரு நாடுகளும் பேச்சுவார்த்தையில் ஈடுபட்டன. ஆனால், முடிவு ஏதும் எட்டப்படவில்லை.

சீன நாள்

பட மூலாதாரம், Getty Images

அக்டோபர் 1ஆம் தேதி நவ சீனா உருவாக்கப்பட்ட நாள், அதனால் இறக்குமதி பொருட்களுக்கான வரி அமலாக்கபப்டுவதை தள்ளி வைக்க வேண்டுமெனச் சீனாவின் துணை பிரிமியர் லியூ ஹ கேட்டுக்கொண்டதை அடுத்து இந்த வரி விதிப்பைத் தள்ளி வைத்ததாக டிரம்ப் கூறி உள்ளார்.

Chennai மீனவ குப்பம் டூ ஆஸ்கர் - சிறுமி கமலியை உங்களுக்கு தெரியுமா?

YouTube பதிவை கடந்து செல்ல
Google YouTube பதிவை அனுமதிக்கலாமா?

இந்தக் கட்டுரையில் Google YouTube வழங்கிய தகவல்கள் இடம் பெற்றுள்ளன. குக்கி மற்றும் பிற தொழில்நுட்பங்கள் பயன்படுத்தப்படக்கூடும் என்பதால் எந்த ஒரு பதிவேற்றத்துக்கும் முன்னதாக உங்கள் அனுமதியைக் கோருகிறோம். அதை ஏற்றுக்கொள்வதற்கு முன்பாக, நீங்கள் Google YouTube குக்கி கொள்கை மற்றும் தனியுரிமைக் கொள்கையை அறிந்துகொள்ள விரும்பலாம். இந்த தகவலைப் படிக்க, `ஏற்றுக்கொண்டு தொடரவும்' என்பதைத் தேர்வு செய்யவும்.

எச்சரிக்கை: வெளியார் தகவல்களில் விளம்பரங்கள் இருக்கலாம்

YouTube பதிவின் முடிவு

பிற செய்திகள்:

சமூக ஊடகங்களில் பிபிசி தமிழ் :