Ogbonge fotos wey show events from around di world for di year 2022

    • Author, Ronke Alo
    • Role, Journalist

Many tins happun for di year 2022 - di ones wey good, bad and di ones wey shake di world.

Dis na selection of some of di most powerful fotos wey news agency photographers around di world take dis year.

Skip content and continue reading
Osinachi, Sammie Okposo, DJ Sumbody and odas wey dia deaths shake 2022

End of content

Wia dis foto come from, Shaun Botterill / FIFA / Getty Images

Wetin we call dis foto, Lionel Messi finally get im hands on di World Cup, as e lift di trophy for Argentina for di first time since di late Diego Maradona captain di team to victory for 1986. Argentina win di penalty shootout 4-2 against France afta one ogbonge game wey center on di much-anticipated confrontation between 35-year-old maestro Messi and French virtuoso Kylian Mbappe.

Wia dis foto come from, BRIAN SNYDER / Reuters

Wetin we call dis foto, Will Smith slap Chris Rock for face on stage for di Oscars for Hollywood, Los Angeles, afta di comedian make a joke about di actor wife, Jada Pinkett Smith. Di incident overshadow di awards ceremony. Smith later tok sorry to Rock, say im behaviour dey "unacceptable and inexcusable".

Wia dis foto come from, AFP

Wetin we call dis foto, Coronation of Misuzulu ka Zwelithini as Zulu King for South Africa for August 2022. Im become di new leader of di largest ethnic group for di kontri afta di death of King Goodwill Zwelithini wey reign for 50 years.

Wia dis foto come from, JOSEPH RIMKUS / Reuters

Wetin we call dis foto, Di US space agency, Nasa, launch di most powerful rocket dem go ever build - Artemis 1 - for November. Di 100m vehicle blast off on im debut flight from Florida Cape Canaveral - di start of a mission to send one unmanned capsule around di Moon.

Wia dis foto come from, Getty Images

Wetin we call dis foto, Tobi Amusan dey among di 12 women wey set new record and win 12 gold medals for di Commonwealth Games wey take place for Birmingham, United Kingdom for August 2022. She become World hurdles champion as she win gold for di Women's 100m Hurdles.

Wia dis foto come from, dia images / Getty Images

Wetin we call dis foto, Around di world women unite in protest against di Iranian goment as dem cut dia hair - as we see am here for Istanbul. Di protest follow di death Mahsa Amini wey die inside custody for Tehran. Amini na nee woman wey Iran morality police detain say she allegedly no wear her hijab ‘properly’.

Wia dis foto come from, Pedro Vilela / Getty Images

Wetin we call dis foto, Landslides and flooding wey heavy rain cause kill least 15 pipo for south-eastern Brazil. More than 28,000 pipo comot from dia homes for Minas Gerais state, wia rivers overflow and towns nearly go underwater.

Wia dis foto come from, Donwilson Odhiambo/Getty Images

Wetin we call dis foto, Thousands of Kenyans celebrate as dem swear-in William Ruto into office as Kenya Fifth President for Kasarani Stadium on 13 September, 2022 for Nairobi afta di general elections.

Wia dis foto come from, Jeff J Mitchell / Getty Images

Wetin we call dis foto, Pall bearers carry di coffin of Queen Elizabeth II, wey get di Imperial State Crown, into St. George Chapel for Windsor. Britain longest-serving monarch die peacefully for Balmoral Castle on 8 September, aged 96.

Wia dis foto come from, ROMAN PILIPEY/EPA-EFE

Wetin we call dis foto, Russian forces launch one full-scale invasion of neighbouring Ukraine for di end of February, attack locations across di kontri. Here, civilians cross di river dey use one makeshift bridge, as dem dey try escape from fight-fight for di frontline town of Irpin, near di capital Kyiv.
Skip content and continue reading
How Police officer allegedly shoot and kill lawyer on Christmas day for Lagos

End of content

Wia dis foto come from, Sergei Gapon/Anadolu Agency/Getty Images

Wetin we call dis foto, Pipo visit di site of di newly erupted Fagradalsfjall volcano for Iceland Meradalir valley, outside di town of Grindavik. Di volcano erupt on 3 August afta weeks of minor earthquakes for di area.

Wia dis foto come from, AFP via Getty Images

Wetin we call dis foto, Protesters wey dey demand di resignation of Sri Lanka President Gotabaya Rajapaksa swim for one pool inside di compound of Sri Lanka Presidential Palace for Colombo on July 9, 2022. Sri Lanka President Gotabaya Rajapaksa run comot for im official residence for Colombo before di protesters wey gada to demand im resignation storm di compound.

Wia dis foto come from, GUY PETERSON / AFP

Wetin we call dis foto, One mama hold her child, wey dey suffer from severe malnutrition for di intensive care unit of Bay Regional Hospital for Baidoa, Somalia. Afta four failed rainy seasons in a row, Somalia, Kenya and Ethiopia dey in di midst of di worst period of drought for di region for 40 years.