په ایران کې د نسکورې شوې ایف-۱۵ جنګي الوتکې د پیلوټ موندلو د عملیاتو په ترڅ کې د امریکایي چورلکو پر لور د سپکو وسلو د ډزو انځورونه ثبت شوي دي، چې پکې د امنیتي کسانو او لږ تر لږه د یوه ملکي وګړي لخوا د ښکار ټوپک کارېدل ښکاري.
امریکایي چارواکو د این بي سي شبکې ته ویلي چې د ژغورنې عملیاتو پر مهال دوې پوځې چورلکې د سپکو وسلو تر ډزو لاندې راغلې دي.
سي بي اېس چې په امریکا کې د بي بي سي همکاره رسنۍ ده، خپل راپور کې وايي، هغه چورلکه چې د نسکورې شوې ایف-۱۵ ژغورل شوی پیلوټ یې لېږداوه، د لاسي وسلو تر برید لاندې راغله، څو تنه عمله ټپیان شول، خو چورلکه په خوندي توګه کېناسته.
د عملې دویم غړي چې د وسلو سیسټم افسر دی، لټون لا هم له دواړو لوریو روان دی.
د کهګیلویه او بویراحمد ولایت مرستیال والي ویلي: ''د نادرکه شوي پیلوټ د پېژندنې او نیولو لپاره د امنیتي، انتظامي او ولسي ځواکونو هڅې دوام لري.''
امریکایي سرچینې وایي چې ټولوټپیانولومړنۍ درملنه ترلاسه کړې او د لا نورو طبي مرستو لپاره به ولېږدول شي.
د ژغورنې د عملیاتو انځورونه، چې په خوزستان او کهګیلویه او بویراحمد کې د نوروز د رخصتیو په وروستیو ورځو کې ثبت شوي، خورا ډېر لاس پر لاس شوي او پراخ غبرګونونه یې راپارولي دي.
ډېرو خلکو داپوښتنه راپورته کړې چې څنګه د امریکا هوايي ځواک داسې ښکاري چې پرته له جدي خنډه خپل عملیات ترسره کوي، او د ایران د هوايي دفاع وضعیت یې تر پوښتنې لاندې راوستی دی.