انځورونه: د طالبانو په لاس له ویجاړ شوي بودا سره "یوه شپه"

د افغانستان په بامیان دره کې له شګلنې ډبرې توږل شوې لرغونې مجسمې یو وخت په نړۍ کې د بودا تر ټولو دنګې مجسمې وې، خو ۲۰ کاله مخکې چې طالبانو والوځولې، د تل لپاره له منځه ولاړې.

د سې شنبې په شپه هلته په محلي څراغونو رڼاګانې جوړې شوې وې او د ۲۰۰۱ کال مارچ میاشت کې د دغو ویجاړو شویو سلګونه کاله لرغونو مجسمو په مناسبت یې مراسم جوړ کړي وو.

دا مجسمې د شپږمې میلادي پېړۍ په لومړی او اومې پېړۍ کې له لویو ډبرو توږل شوې چې هغه وخت بودېزم په سیمه کې دود شوی دین و.

د "یوه شپه له بودا سره" په نامه د مراسمو همغږې کوونکې زهرا حسیني ویلي: "موږ نه غواړو چې خلک دې دلته رامنځ ته شوی وېروونکی جرم هېر کړي".

.