د عکسونو البوم: کابل کې د طالبانو ځانمرګي بریدونه

د کابل په بېلابېلو سیمو کې د طالبانو خونړیو چاودنو او نښتو په ښار کې یوځل بیا چوپتیا خپره کړې وه. طالبانو د ښار په لوېدیځ کې د پولیسو پر یوې حوزې او د ښار په ختیځ کې پر یوه امنیتي مرکز بریدونه وکړل چې لږترلږه ۱۶ کسان یې ووژل.

د عکس سرچینه، Ishaq Anas

د عکس تشریح، د کورنیو چارو وزارت ویاند نجیب دانش بي بي سي ته وویل، لومړی دوو ځانمرګو برید کوونکو پر شپږمې حوزې برید پیل کړ

د عکس سرچینه، Ishaq Anas

د عکس تشریح، د ښاغلي دانش په وینا، یو موټربم برید د پولیسو د مرکز په دروازه کې وشو او بیا دویم بریدګر له امنیتي ځواکونو سره په نښتې بوخت شو

د عکس سرچینه، Ishaq Anas

د عکس تشریح، دانش زیاتوي، دویم بریدګر په نښته کې ووژل شو

د عکس سرچینه، Ishaq Anas

د عکس تشریح، کابل کې د دواړو بریدونو د وژل شویو شمېر ۱۶ او د ټپیانو شمېر شاوخوا ۵۰ کسان وو

د عکس سرچینه، Ishaq Anas

د عکس تشریح، د کابل پولیس وايي، پر شپږمې امنیتي حوزې برید کې ۱۵ کسان وژل شوي او نژدې ۵۰ کسان ټپیان دي چې ډېری یې ولسي وګړي دي.

د عکس سرچینه، Ishaq Anas

د عکس تشریح، د کورنیو چارو وزارت مرستیال ویاند وايي، طالبانو د کابل ختیځ (احمد شاه بابا مېنه) کې پر شپږمې امنیتي حوزې له برید سره هم مهاله، د ملي امنیت پر یوه مرکز برید وکړ.

د عکس سرچینه، Ishaq Anas

د عکس تشریح، امنیتي سرچینې وايي، په دې برید کې هم یوه بریدګر له چاودېدونکو توکو ډک موټر پر مرکز جنګولی او دویم بریدګر له ساتونکو سره نښته کړې ده

د عکس سرچینه، Ishaq Anas

د عکس تشریح، طالبانو د دواړو بریدونو پړه ومنله، چې په وینا یې کابل کې یې پر درو ځایونو بریدونه وکړل: شپږمه امنیتي حوزه، ختیځ کې د امنیت پر مرکز او د پوځ د جلب او حذب پر مرکز