Learning English

ኣቕራቢ ቋንቋ ትግርኛ
ሰላም፤ እንቋዕ ናብ መደብ Essential English Conversation ብድሓን መጻእኩም። እዚ ንተምሃሮ ቋንቋ እንግሊዘኛ ኣዝዩ ኣድላዪ ዝዀነ መደብ’ዩ። ኣነ... እበሃል፣ ኣብ’ዚ ክፋል’ዚ ንሰባት ዕድሚኦም ክንደይ ምዃኑ ከመይ ኢልና ከም እንውከሶም ክትመሃሩ ኢኹም።

ሕጂ ክልተ ሰባት ንሓድሕዶም ብዛዕባ ዕድሚኦም ክተሓተቱ ከለዉ ስምዑዎም።

Gina
How old are you?

Tom
I’m thirty-five. How about you?

Gina
I’m twenty-three.

ኣቕራቢ ቋንቋ ትግርኛ
ክብድ ዝብል እንተመሲሉ ኣይትሻቐሉ። እዚ ምይይጥ ከፋፊልና ብምቕራብ ንኽትለማመዱሉ ክንሕግዘኩም ኢና።
ብመጀመርታ ጂና ንቶም ‘ዕድሜኻ ክንደይ’ዩ?’ ኢላ ሓተተቶ። ‘How old are you?’ ንቕድም ነቲ ሓረግ ጽን ኢልኩም ስምዑዎ፡ ድሓር ድገሙ።

How old are you?

ኣቕራቢ ቋንቋ ትግርኛ
ቶም ከኣ ‘ኣነ ዕድመይ ሰላሳን-ሓሙሽተን’ዩ’ በለ ‘I’m thirty-five’. ዕድሜና ክንነግር ከሎና ‘I’m…’ ዝብል መግልጽ-ሓሳብ ንጥቀም። ብኣሃዛት ምግላጽ ቀሊል’ዩ። ድሕሪ ዓሰርተ-ሓደ፡ ዓሰርተ-ክልተ ‘eleven and twelve’ እቶም ካብ 13 ክሳብ 19 ዘሎዉ ኣሃዛት ብ ‘teen’ ኢዮም ዝውድኡ። ስለዚ ከምዚ ዝስዕብ ንብል...

ዓሰርተ-ሓደ Eleven
ዓሰርተ-ክልተ Twelve
ዓሰርተ-ሰለስተ Thirteen
ዓሰርተ-ኣርባዕተ Fourteen
ዓሰርተ-ሓሙሽተ Fifteen
ዓሰርተ-ሽድሽተ Sixteen
ዓሰርተ-ሸውዓተ Seventeen
ዓሰርተ-ሸሞንተ Eighteen
ዓሰርተ-ትሽዓተ Nineteen

ኣቕራቢ ቋንቋ ትግርኛ
25 ንምግላጽ ‘ዕስራ’ ምስ ‘ሓሙሽተ’ ምስ እነላግቦም ‘ዕስራን-ሓሙሽተን’ ‘twenty-five’ ክንብል ንኽእል። ብተመሳሳሊ ኣገባብ፡ 47 ንምግላጽ ‘ኣርብዓ’ ምስ ‘ሸውዓተ’ ኣላጊብና ‘ኣርብዓን-ሸውዓተን’ ‘forty seven’ ክንብል ንኽእል።
ኣሃዛት ዕስራ ክሳብ ተስዓ ከም’ዞም ዝስዕቡ’ዮም...

ዕስራ Twenty
ሰላሳ Thirty
ኣርብዓ Forty
ሓምሳ Fifty
ስሳ Sixty
ሰብዓ Seventy
ሰማንያ Eighty
ተስዓ Ninety

ኣቕራቢ ቋንቋ ትግርኛ
ኣስዒቡ ቶም “ኣነ (ዕድመይ) ሰላሳን-ሓሙሽተን’ዩ” በለ። ‘I’m thirty-five.’ ንቕድም ስምዑ ድሓር ድገሙ።

I’m thirty-five.

ኣቕራቢ ቋንቋ ትግርኛ
ቶም ነቲ ሕቶ ትቕብል ኣቢሉ ‘ንስኺ ኸ?’ ‘How about you?’ ኢሉ ብምሕታት መለሰ።
ንቅድም ስምዑ ድሓር ድገሙ።

How about you?

ኣቕራቢ ቋንቋ ትግርኛ
ኣብ መጨረሽታ ጂና ን ቶም ዕድሚኣ ዕስራን ሰለስተን ምዃኑ ነገረቶ። ‘I’m twenty-three’. ንቕድም ሰሚዕኩም ድሓር ድገሙ።

I’m twenty-three.

ኣቕራቢ ቋንቋ ትግርኛ
ጽቡቕ! ከም መፈተንታ’ምበኣር ኻልኦት ሰባት ብዛዕባ ዕድሚኦም ክዛረቡ ከለዉ ስምዑዎም።

How old are you?

I’m seventeen. How about you?

I’m sixteen.

How old are you?

I’m fifty-eight. How about you?

I’m seventy-four.

ኣቕራቢ ቋንቋ ትግርኛ
ግርም! ዝተማሃርኩምዎ ክሳብ ክንደይ ከም እትዝክሩ እስከ ንርአ። ነቶም ሓረጋት ብቋንቋኹም ምስ ሰማዕኩም ናብ እንግሊዘኛ ተርጕምኩም ኣቕርቡዎም።

ክንደይ’ዩ ዕድሜኻ?
How old are you?

ኣነ ዕድመይ ሰላሳን-ሓሙሽተን’ዩ። ንስኺ ኸ?
I’m thirty-five. How about you?

ኣነ ዕድመይ ዕስራን-ሰለስተን’ዩ።
I’m twenty-three.

ኣቕራቢ ቋንቋ ትግርኛ
ጽቡቕ! ናይ ሎሚ ቀንዲ መግለጽ-ሓሳባት ንምኽላስ ንብምልኡ’ቲ ምይይጥ ደጊምኩም ስምዑዎ።

Gina
How old are you?

Tom
I’m thirty-five. How about you?

Gina
I’m twenty-three.

ኣቕራቢ ቋንቋ ትግርኛ
ግርም! ሕጂ’ምበኣር ብእንግሊዘኛ ንሰባት ዕድሚኦም ክንደይ ምዃኑ ክትውከሱዎም ትኽእሉ። ንዝተማሃርኩምዎ ደጋጊምኩም ምልምማድ ኣይትረስዑ። መሓዛ ኣናዲኹም ብእንግሊዘኛ ዕድሚኦም ክንደይ ምዃኑ ተወከሱዎም።

ኣብ ዝቕጽል መደብ Essential English Conversations የራኽበና። Bye for now!