Obiano's Tenure: Peter Obi na-akwanye ndị na-akatọ ọchịchị Obiano - Gọọmenti Anambra

Kemgbe ụbọchị Monde ka aha gọvanọ Willie Obiano na-ewu na soshal midia.

Ọtụtụ ji akara #ObianoHasFailed were na-ewepụta foto na-egosi ihe ndị Obiano na-emeteghị ọfụma.

Mana kọmishọna na-ahụ maka mgbasaozi na steeti ahụ bụ Don Adinuba gwara BBC Igbo na ọ bụ aka chịburu steeti ahụ bụ Peter Obi na-akwanye ndị na-akatọ Obiano.

O kwuru na Obi fooro ntutu taa imebi aha Obianọ.

Nke ahụ mere o ji enye ụmụokorobia enweghị aka ọrụ ego ka ha na-ede ihe ọjọ dị ịcheiche gbasara Obiano.

Mgbe anyị jụrụ ya maka foto mbuze ndị mmadụ na-etinye na Twitter iji gosi na o nweghị ihe a na-eme gbasara ya, Adinuba kwuru na okwu mbụze karịrị gọọmenti steeti.

Adinuba na-ekwukwa na gọọmenti Obiano ezipụla ozi enyemaka nye gọọmenti etiti nakwa ndị ọnụ na-eru n'okwu maka mbuze na-eme n'akụkụ dị iche iche n'Anambra.

Anyị jụkwara ya maka foto akwa okporoụzọ nke dị na MCC Onitsha ndị mmadụ na-ekwu na ọ na-ada ada, mana ọ zara na akwa okporoụzọ ahụ bụ mgbe Peter Obi nọ n'ọchịchị ka a rụrụ ya.

O kwuru na ha ga eleba ya anya n'oge na-adịghị anya.

Lee ụfọdụ ihe ndị mmadụ na-ekwu na soshal midia maka ọchịchị Obiano

@UchePOkoye kwuru na gọọmentị Anambara anaghị ekwe ka ụlọọrụ ntaakụkọ tinye ọnụ n'ihe na-eme na steeti ahụ.

@Geraldcake kwuru na obi adịghị ndị Anambara mma maka ọchịchị Obiano.

@Baron_Uzzy na @AfamDeluxo na-ajụ ihe mere ọdọ ụgbọelu Obiano kwere nkwa ịrụ.

@Otis04676836 gosiri foto mbuze na-ekwu na ebe ahụ bụ Amaọbia dị n'Ọka.

Mana @Centokoh kwuru na Anambara abụghị steeti kacha njọ na mpaghara ọdịda anyanwụ.

@iamveju kwukwara na okporoụzọ ndị Obi rụrụ esighi ike nke mere ha ji mebisia.

Akụkọ ndị ọzọ ga-amasị gị:

Ihe nkiri ga-amasị gị: