Hotunan zanga-zangar Ranar Ma'aikata a fadin duniya

A kowace shekara ana amfani da Ranar Ma'aikata Ta Duniya don yin wasu abubuwa - a wannan shekarar wasu sun yi macin ranar ne a zahiri wasu kuma sun yi a kan intanet.

Ga dai hotunan yadda abin ya kasance.

Asalin hoton, Aris Messinis / AFP

Bayanan hoto, Mambobin Kungiyar Kwadago ta Girka PAME, sun yi zanga-zanga a gaban Majalisar Dokokin kasar a cikin yanayi na yin nesa-nesa da juna da kuma rufe fuskokinsu da takunkumi

Asalin hoton, Aris Messinis / AFP

Bayanan hoto, Gwamnatin Girkar ta roki kungiyoyi su dakatar da maci da kamar mako guda, amma kungiyar kwadago da ke jagorantar lamarin ta GSEE ta yi kira ga a tafi yajin aiki na gama-gari raa Ranar Ma'aikata

Asalin hoton, Bulent Kilic / AFP

Bayanan hoto, A Turkiyya, an kama masu zanga-zanga da yawa wadanda ke yin maci a Dandalin Taksim da ke birnin Istanbul a Ranar Ma'aikata duk da dokar kulle da gwamnati ta sanya

Asalin hoton, Maja Hitij / Getty Images

Bayanan hoto, An sanya dokar hana taron fiye da mutum 20 a Jamus, kuma hakan ya sa masu zanga-zangar Ranar Ma'aikata Ta Duniya suka dinga macin cikin tagawar da ba ta fi ta mutum ashirin-ashirin ba, maimakon yadda aka saba yi na mutane da yawa

Asalin hoton, Angelo Carconi / EPA-EFE

Bayanan hoto, Mutane sanye da takunkumi suna tattaki a Dandalin Piazza San Giovanni albarkacin Ranar Ma'aikata Ta Duniya a birnin Rome da ke Italiya

Asalin hoton, Angelo Carconi / EPA-EFE

Bayanan hoto, An daura jan kyalle a jikin dirkar fitila a Rome inda titunan da aka saba yin zanga-zangar Ranar Ma'aikata suka kasance fayau ba kowa

Asalin hoton, Murad Sezer / Reuters

Bayanan hoto, A Thessaloniki na Girka, wata mata tana rike da takarda mai dauke da rubutun da ke cewa: ''Ba mu yarda da yi wa mutane sata don ribar kasa ba''

Asalin hoton, Thomas Kronsteiner/Getty Images

Bayanan hoto, A birnin Vienna na Austria kuwa, masu zanga-zanga ne suka rike kyallaye suka gudanar da zanga-zanga a fadin birnin

Asalin hoton, Thomas Kronsteiner / Getty Images

Bayanan hoto, Wasu daga cikin masu zanga-zangar na birnin Vienna kuma sun yi wa titin fenti da jan launi inda suka yi alamar da za su bi wajen yin nesa-nesa da juna. Suna yin macin ne don nuna adawa da tafiyar hawainiyar da gwamnati ke yin kan yaki da yaduwar korona

Asalin hoton, Billy H.C. Kwok / Getty Images

Bayanan hoto, A Hong Kong kuwa 'yan sandan kwantar da tarzoma ne suka killace wajen da masu zanga-zanga suka so mamayewa

Asalin hoton, Quique Garcia / EPA-EFE

Bayanan hoto, Mambobin kungiyoyin kwadago a Barcelona da ke Sifaniya sun yi nasu macin a gaban wata cibiyar gaggawa ta lafiya, suna kira da a samar da yanayin aiki mai kyau da kuma kayayyakin kariya

Dukkan hotunan na da hakkin mallaka