IKIBIRIRAHO, Trump avuga ko azongera igihe cy'agahenge na Iran kugeza ibiganiro birangiye

Amakuru y'ikibiriraho

Chançard Abimana na Didier Bikorimana

1. Iminota 39 irahezeZelensky yavuze ko kuba intumwa za Amerika zitagiye i Kyiv ari 'agasuzuguro'

   

   Ahavuye isanamu, Getty Images

   Prezida wa Ukraine Volodymyr Zelensky yavuze ko kubona intumwa za Amerika Steve Witkoff na Jared Kushner zaragiye i Moscow ariko ntizijye i Kyiv ari "agasuzuguro".

   Abo bagabo babiri baragendeye umurwa mukuru w'Uburusiya mu mpera z'umwaka uheze, mu gihe ibiganiro vyo guhagarika intambara muri Ukraine vyari biriko vyihuta, bongera barasubirayo mu kwa mbere.

   Witkoff, amaze kuja i Moscow incuro umunani, yarahuye kenshi na Prezida Vladimir Putin.

   Ariko we na Kushner ntibarigera baja i Kyiv nk’abategetsi bo mu rwego rwa reta.

   Mu kiganiro yagiranye n'ikinyamakuru co muri Ukraine, Zelensky yavuze ati: “Ni agasuzuguro kuja i Moscow ntuze i Kyiv, ni agasuzuguro gusa.”

   Yongeyeko ati: “Ndazi ko hari ingorane nyishi z’ivy’ugutembera… Nimba badashaka kuza, dushobora guhurira mu bindi bihugu.”

   Witkoff, yahoze ari umugwizatunga mu vy’inyubako, ni intumwa idasanzwe ya Prezida Donald Trump, mu gihe Kushner ari umukwe w'uwo Prezida wa Amerika.

   Mbere muri kuno kwezi kwa kane, Zelensky yavuze ko abo bagabo babiri bategekanya kugendera Ukraine, ariko urwo rugendo ntirwigeze ruba kubera intambara ya Amerika-Israel na Iran.

   Inama ya nyuma y'impande zitatu hagati y'Uburusiya, Amerika na Ukraine yabaye hagati mu kwezi kwa kabiri.

   Izindi nkuru wosoma

   Intambara yo muri Ukraine: Menya ingene amarobo ariko akoreshwa ku rugamba

   Intambara yo muri Ukraine: Abategetsi b'Uburusiya bavuga ko bakoroye amadrone 586 mu masaha 24

2. Haciye isaha 1Abasirikare ba Israel bahanwe kubera gusenya ishusho ya Yezu muri Liban

   

   Ahavuye isanamu, Reuters

   Umusirikare wa Israel wabonetse akubita inyundo ishusho ya Yezu muri Liban hamwe n’uwamufashe amashusho bahanishijwe gufungwa iminsi 30, nk’uko byatangajwe n’igisirikare cya Israel.

   Iki gisirikare cyavuze ko nyuma y’iperereza abo basirikare babiri – batatangajwe amazina – “bakuwe mu nshingano z’urugamba”.

   Abandi basirikare batandatu bari bari aho byabereye ntibagire icyo babikoraho cyangwa ngo bavuge ibyabaye bazahanwa ukwabo, nk’uko igisirikare cya Israel cyabivuze.

   Uko kwibasira iyo shusho byabereye mu gace ka Debel mu majyapfo ya Liban, ni ikintu cyamaganwe cyane nyuma y’uko amashusho yacyo akwiriye ku mbuga muri iki cyumweru.

   Minisitiri w’intebe wa Israel Benjamin Netanyahu yavuze ko abisilaheli “benshi batunguwe kandi bababajwe” no kubona ibyabaye.

   Abatuye hariya bavuga ko iriya shusho yari ku musaraba wayo imbere y’urugo rw’umuturage i Debel, kamwe mu duce ducye aho abaturage batahunze muri iyi ntambara Israel ivuga ko irwanamo na Hezbollah.

   

   Ahavuye isanamu, IDF

   Nyuma ya kiriya gikorwa, Padiri Fadi Flaifel ukuriye paruwasi ya Debel yabwiye BBC ko bamaganye “gusenya umusaraba, ibimenyetso bitagatifu byacu, n’ibindi birango by’idini byose”.

   Yongeyeho ko ibintu nk’ibi atari ubwa mbere bibaye.

   Israel yatangiye ibitero byayo muri Liban mu ntangiriro z’ukwezi gushize, abantu barenga miliyoni imwe bamaze guhunga naho abarenga 2,290 bamaze gupfa harimo abana 177 nk’uko abategetsi ba Liban babivuga.

   Israel ivuga ko abasirikare bayo 13 bamaze gupfa naho abasivile babiri nabo bishwe n’ibitero bya Hezbollah muri icyo gihe.

3. Haciye isaha 1Trump avuga ko azongera igihe cy'agahenge na Iran kugeza ibiganiro birangiye

   

   Ahavuye isanamu, Bloomberg via Getty Images

   Perezida w’Amerika Donald Trump avuga ko azongera igihe cy’agahenge na Iran kugeza ibiganiro hagati y’ibihugu byombi bikomeje.

   Perezida w’Amerika avuga ko kuzibira kw’Amerika kw’ibyambu bya Iran na ko kuzakomeza kugeza Iran igaragaje “icyifuzo gihuriweho”.

   Mu butumwa yatangaje ku mbuga nkoranyambaga, Trump yavuze ko yafashe icyo cyemezo cyo kongera agahenge ku busabe bw’abategetsi ba Pakistan, iki gihugu kikaba ari umuhuza hagati y’ibihugu byombi.

   Aho ibiganiro by’Amerika na Iran bihagaze hari hakomeje kudasobanuka, mu gihe agahenge kariho muri iki gihe mbere kari kitezwe kurangirana n’iki cyumweru.

   Visi Perezida w’Amerika JD Vance ntiyahagurutse muri Amerika yerekeza mu murwa mukuru Islamabad wa Pakistan nkuko byari byitezwe ku wa kabiri, aguma i Washington, ndetse ibiro bya perezida w’Amerika – White House – byamaze kubwira abanyamakuru ko atakigiyeyo.

   Umuvugizi wa minisiteri y’ububanyi n’amahanga ya Iran yabwiye BBC ko Iran na yo yari itarafata icyemezo cyo kohereza intumwa muri Pakistan mu biganiro n’Amerika.

   Intambara y’Amerika-Israel na Iran yatangiye ku itariki ya 28 Gashyantare (2) uyu mwaka, ubwo Amerika na Israel byagaba ibitero byo mu kirere kuri Iran, na yo yihorera igaba ibitero by’ibisasu bya misile n’indege nto z’intambara zitajyamo umupilote (drone) ku ngabo z’Amerika no ku bihugu by’inshuti z’Amerika mu karere k’uburasirazuba bwo hagati.

   Izindi nkuru wasoma:

   Kubera iki kandi ni gute Amerika yugaye ikivuko ca Irani mu muhora wa Hormuz?

   Trump avuga ko adashobora kwemerera Irani ko 'itera ubwoba' Amerika

   Ijwi rimwe gusa ryazibiye ingingo igabanya ububasha bwa Trump ku ntambara yo muri Irani

4. Haciye isaha 1Mwaramutse neza!

   Ikaze kuri BBC Gahuzamiryango, aho tubagezaho amakuru yo mu karere no mu mahanga mu buryo bw'aka kanya.