IKIBIRIRAHO, Ishirahamwe ry'Ubumwe bwa Afrika - Ishirahamwe rya Sahel: Ndayishimiye yakiriwe na Ibrahim Traoré i Ouagadougou

Amakuru y'ikibiriraho

Chançard Abimana, Didier Bikorimana na Gisèle Berwa

1. Iminota 36 irahezeIslamabad: Umutekano wakajijwe ku bw'ibiganiro hagati ya Iran Na US, nubwo bishobora no kutaba

   Mu murwa mukuru Islamabad muri Pakistan, umutekano urakajijwe cyane. Insinga za senyenge zashyizwe ku mihanda myinshi ijya mu gace k’abadipolomate mu mujyi.

   Polisi, igisirikare n’izindi nzego z’umutekano bitwaje intwaro bari gucunga umutekano, aho abapolisi ibihumbi bazanywe baturutse mu ntara ya Punjab. Ibiro bya leta byafunzwe, kandi za kaminuza nyinshi ziri gutanga amasomo hifashishijwe ikoranabuhanga (online).

   Ariko nubwo umujyi ugaragara nk’uwiteguye, haracyari ibibazo byinshi ku bijyanye n’ibi biganiro.

   Pakistan ntiratangaza byinshi ku mugaragaro, kandi inyuma y’amarido, abantu bake ni bo bemera gutanga amakuru arambuye

   Igihe ibiganiro byaberaga muri Pakistan mu minsi umunani ishize, Iran na bwo yasize benshi mu gihirahiro ku bijyanye no kumenya niba iza kubyitabira kugeza ku munota wa nyuma.

   Baribaza bati: "Ese ibi ni ugusubiramo ibyabaye mbere cyangwa ni ikimenyetso cy’uko ibiganiro bishobora kutazaba?"

   Amerika yamaze kwemeza ko intumwa zayo zizaba ziyobowe na Visi Perezida JD Vance, mu gihe Iran abategetsi bayo nta cyo baratangaza ku kwitabira.

   Izindi nkuru wasoma:

   Ibiganiro by'Amerika na Iran: Ibisubizo ku bibazo bine by'ingenzi

   Trump avuga ko adashobora kwemerera Irani ko 'itera ubwoba' Amerika

2. Haciye isaha 1Netanyahu yamaganye umusirikare wa Israel washwanyaguje ishusho ya Yezu

   Minisitiri w’intebe wa Israel yamaganye “mu buryo bukomeye cyane” kwangiza “ishusho y’ikirango cya Gatolika” byakozwe n’umusirikare wa Israel mu majyepfo ya Liban.

   Ni nyuma y’ifoto yakwiriye ku mbuga nkoranyambaga yerekana umusirikare wa Israel arimo gusenya ishusho ya Yezu Kristu akoresheje inyundo.

   Mu butumwa yashyize kuri X, Netanyahu yavzue ko “Abisiraheli benshi cyane batunguwe kandi bababazwa” no kubona ibyo uwo musirikare yakoze.

   Yavuze ko abakuriye igisirikare barimo gukora iperereza kuri ibi, kandi ko hazafatwa “ingamba zikomeye ku myifatire” y’uwabikoze.

   Yongeyeho ati: “Israel ni ho hantu honyine mu Burasirazuba bwo Hagati hari ubwisanzure mu kwemera kuri bose. Tubabajwe n’ibyabaye no kubabaza kwose byaba byateye”.

   Mbere y’itangazo rya Netanyahu igisirikare cya Israel cyari cyatangaje ifoto y’ibyabaye, kivuga ngo iyo migirire “ntiyajyanye n’indangagaciro” zacyo “n’imyifatire iba yitezwe mu musirikare” wabo. Igisirikare cyari cyavuze ko ikigikorwa kiza gukorwaho iperereza.

   Mbere, ambasaderi wa Amerika muri Israel, Mike Huckabee, yari yavuze ko kiri gikorwa kiri butere ingaruka “zihuse, kandi zikomeye muri rubanda”.

3. Haciye amasaha 2Ibrahim Traoré yakiriye Ndayishimiye i Ouagadougou

   Perezida Evariste Ndayishimiye w’Uburundi ari mu rugendo “rw’akazi n’ubucuti” muri Burkina Faso nk’uko bimenyeshwa n’ibiro vyiwe.

   Ibiro vya Prezida wa Burkina Faso bivuga ko Ibrahim Traoré nk’umukuru w’ishirahamwe ry’ibihugu vy’akarere ka Sahel (Confédération des États du Sahel) yakiriye Ndayishimiye bijanye n’ukubana kw’iryo shirahamwe hamwe n’ishirahamwe ry’Ubumwe bwa Africa.

   Ndayishimiye ubu ni we arongoye ishirahamwe ry’Ubumwe bwa Afrika mu kiringo c’umwaka umwe.

   Uru rugendo ruje inyuma y’utwigoro tw’ishirahamwe ry’ubumwe bwa Afrika two kunagura umubano n’ibihugu vyo mu burengero bwa Afrika vyakuwe muri iryo shirahamwe kubera gutembagaza ubutegetsi mu myaka iheze.

   Ivyo bihugu vya Burkina Faso, Mali na Guinea vyashinze rirya shirahamwe Confédération des États du Sahel ubu rikuriwe na Traoré.

   Muri raporo yayo yo mu kwezi guheze, inama ijejwe umutekano y’ishirahamwe ry’Ubumwe bwa Afrika yamenyesheje ko n’aho habaye inama zo mw’ibanga, iryo shirahamwe “rigifise ikibazo co gusubirana igihagararo caryo” mu bihugu vyabayemwo gutembagaza ubutegetsi.

   Iyo nama y’ishirahamwe ry’Ubumwe bwa Africa ivuga ko muri bimwe muri ivyo bihugu – harimwo na Burkina Faso – abakozi baryo bankiwe kuhagera.

   Mali, Guinea, na Burkina Faso, vyakuwe mw’ishirahamwe ry’Ubumwe bwa Africa inyuma yo gutembagaza ubutegetsi mu 2021 na 2022.

   Mu minsi iheze, Perezida Ibrahim Traore wa Burkina Faso aherutse gutangaza ko igihugu ciwe kidakeneye demokarasi kuko yica.

   Urugendo rwa Ndayishimiye muri Burkina Faso ruje inyuma y’utwo twigoro tw’ishirahamwe ry’Ubumwe bwa Afrika mu kunagura imigenderanire n’ivyo bihugu.

4. Haciye amasaha 4Ibiciro by’igitoro byazamutse nyuma y’uko Trump avuze ko bafashe ubwato bwa Iran

   Ibiciro by’ibitoro ku isoko mpuzamahanga byazamutseho hejuru ya 5% nyuma y’uko Perezida Donald Trump atangaje ko ingabo za Amerika zafashe ubwato bw’ubwikorezi bwa Iran.

   Igiciro fatizo cy’akagunguru (kaba karimo hafi 159L) k’ibitoro (Brent) ku isoko mpuzamahanga cyazamutse kugera kuri 95$ .

   Iri zamuka ryasubije inyuma kumanuka kw’ibiciro kwari kwabayeho kuwa gatanu ubwo Iran yatangazaga ko “ifunguye byuzuye” umuhora wa Hormuz mu gihe gisigaye cy’agahenge.

   Gusa ku wa gatandatu Iran yavuze ko ishobora gufunga uwo muhora nanone ndetse ko n’ubwato buwegera bushobora kuraswa.

   Iyi nzira ni ingenzi kuko icamo hafi 20% y’ibitoro bijya kugurishwa ku isi.

   Amasoko y’ingufu yarahungabanye kuva Amerika na Israel byatera Iran ku wa 28 Gashyantare(2) maze mu kwihimura Iran igafunga uwo muhora.

   Izamuka ry’ibiciro by’ibitoro nk’ingaruka z’iyi ntambara muri iki gihe ryageze ku bihugu byo mu karere aho byinshi byazamuye ibyo biciro ku rugero bitagezeho mbere.

   Trump yavuze ko intumwa z’igihugu cye na Iran kuri uyu wa mbere basubira mu biganiro muri Pakistan. Umwe mu bategetsi muri White House avuga ko izo ntumwa ziba zikuriwe na Visi perezida JD Vance.

   Gusa ikinyamakuru cya leta ya Iran kivuga ko Tehran “nta migambi ifite yo kwitabira” ibyo biganiro, nubwo abategetsi ubwabo bataravuga aho bahagaze.

5. Haciye amasaha 4Impunzi z'Abanye-Congo ziri i Burundi zizatangura gutahukanwa ku wa kane

   Reta y'Uburundi hamwe n'ishirahamwe mpuzamakungu ryitaho impunzi HCR bamenyesheje ko bagiye gutangura gutahukana ku bushake impunzi z'abanyekongo guhera itariki 23 z'uku kwezi kwa Ndamukiza.

   Uwo mugambi ubaye mu gihe hari utwigoro two kugarukana amahoro mu buseruko bwa Republika ya Demokarasi ya kongo, n'aho umutekano ubandanya uhungabana mu turere tumwe tumwe tw'ico gihugu.

   Abategetsi bashimangira ko gutahuka kwose kuzoba ku bushake bw’umuntu ku giti ciwe, ata gahato kazokoreshwa.

   Muri iki gice ca mbere, hazoshirwa imbere imigwi igeramiwe, harimwo imiryango ifise abana baja kw'ishure, na cane cane abitegurira ibibazo vya reta, abantu bagendana ubumuga canke izindi ngorane zidasanzwe , hamwe n’abakozi bamwe bamwe ba leta.

   Gutahuka kuzokorwa ku bice vyihariye vyo mu ntara ya Kivu y’Epfo, harimwo igisagara ca Uvira n’ibice bigikikije nka Fizi, Mboko hamwe n’Ikiyaya ca Rusizi.

   Abategetsi bavuga ko iyo ngingo yashizweho yitondewe kubera hakiri ikibazo c’umutekano mu tundi turere.

   Impunzi zihitamwo gutaha zizoronswa imfashanyo y'amahera (30$) imbere y'uko zihaguruka hamwe n'izindi mfashanyo bashitseyo, harimwo imfashanyo y'ibifungurwa, uburaro bw'agateganyo hamwe n'imfashanyo y'amafaranga.

   Ico gikorwa kizogenda buhoro buhoro, abategetsi bagasaba impunzi kwisunga gusa amakuru ava mu nzego zemewe gusa kugira hirindwe ibihuha.

   Mu Burundi haharurwa impunzi zishika ibihumbi mirongo z'Abanyecongo, benshi mu bavugwa ni abahunze indwano zo mu mpera z'umwaka uheze imbere y'ifatwa ry'igisagara ca Uvira. Ubu bari mu nkambi za Cishemere na Busuma.

   Izindi nkuru wosoma:

   U Burundi na OMS mu iperereza ku ndwara itaramenyekana imaze kwica abantu batanu

   Ikiguzi gikomeye c'intambara ya Congo ku bana bahunze bonyene kandi barera batoyi babo

6. Haciye amasaha 4MONUSCO irashima 'intambwe zatewe' mu biganiro mu Busuwisi mu gihe FARDC na M23 bashinjanya ibitero

   Ingabo z’Umuryango w’Abibumbye ziri mu butumwa bw’amahoro muri Repubulika ya Demokarasi ya Congo (MONUSCO) zivuga ko zishima “intambwe zatewe i Montreux” mu Busuwisi mu biganiro hagati ya leta ya DRC n’umutwe w’inyeshyamba uyirwanya wa M23, byabaye hagati y’itariki ya 13 na 18 z’uku kwezi kwa Mata (4).

   MONUSCO, nk’indorerezi, na yo yari iri muri ibyo biganiro byo muri gahunda ya Doha, ku buhuza bwa leta ya Qatar, Amerika, umuryango w’Ubumwe bw’Afurika, hamwe n’Ubusuwisi nk’igihugu cyakiriye ibyo biganiro.

   Mu itangazo yasohoye ku cyumweru, MONUSCO yavuze ko inyuzwe n'"intambwe zerekeza ku isinywa ry’Inyandiko ku igezwa ry’ubutabazi [aho bucyenewe] no kurindwa kwo mu mategeko, ndetse irashishikariza impande [bireba] gukomeza umuhate wazo mu rwego rwo kugera kuri ayo masezerano vuba, hagamijwe kurangiza akababaro k’abaturage b’abasivile bagirwaho ingaruka n’intambara”.

   MONUSCO yanashishikarije izo mpande gusohoza ingamba zo kongera kubaka icyizere, "cyane cyane irekurwa n'ihererekanya ry'imfungwa, ku bufatanye na komite mpuzamahanga ya Croix-Rouge (CICR), igira uruhare muri iyi gahunda bijyanye n'uburyo bw'imikorere bwashyizweho".

   MONUSCO ivuga ko yiteguye gukoresha ubushobozi bwayo bw’ibikoresho na tekinike mu gufasha ubutumwa bwa mbere bwo kugenzura iyubahirizwa ry’agahenge, hagamijwe gufasha ishyirwa mu ngiro rya gahunda z’amahoro ziriho ubu.

   Ndetse no gufasha ishyirwa mu ngiro ry'intego zashyizweho n'umwanzuro 2773 wa ONU wo mu 2025 – utegeka u Rwanda kuvana ingabo ku butaka bwa DRC no kureka gufasha M23, ibirego u Rwanda ruhakana – hamwe n'intego ziteganywa n’umwanzuro 2808 wo mu 2025 wongerera igihe MONUSCO kugeza mu mpera y’uyu mwaka.

   MONUSCO itangaje ibi mu gihe ingabo za DRC (FARDC) n’inyeshyamba za M23 bashinjanya kongera kugabanaho ibitero nyuma y’ibyo biganiro byo mu majyepfo ashyira uburengerazuba bw'Ubusuwusi, muri iyi ntambara yongeye kwaduka mu mpera y’umwaka wa 2021 nubwo imaze imyaka hafi 30 ihagarara ikongera ikubura.

   Izindi nkuru wasoma:

   DR Congo: Ibyo wamenya ku Munyamerika wagizwe umukuru mushya wa MONUSCO

   M23 yahakanye kuva mu birindiro ivuga ko irimo 'guhinduranya ingabo' ku rugamba

   Gutorera umuti intambara nk'iyo mu buseruko bwa RD Congo si ikintu co kwihuta – intumwa ya Amerika

7. Haciye amasaha 4Bwa mbere Tanzania yatoye uzayihagararira muri Miss World 2026

   Ku nshuro ya mbere muri Tanzania hatowe umukobwa uhiga abandi mu buranga ngo azahagararire iki igihugu muri Miss World Tanzania 2026.

   Latricia Ian w'imyaka 24 niwe warushije abandi 19 barushanwaga mu muhango warangiye mu masaha ya kare cyane kuri uyu wa mbere i Dar es Salaam.

   Nyuma yo gutsinda, Latricia yegukanye ibihembo byose hamwe by'agaciro ka miliyoni 100 z'amashilingi ya Tanzania.

   Ibyo bihembo birimo imodoka ya Mercedes-Benz A-Class, igihembo cya miliyoni 10 z'amashilingi, ubwishingizi bw’ingendo.

   Latricia yanditse amateka yo kuba umukobwa wa mbere uzaba ahagarariye iki gihugu muri ririya rushanwa rya Miss World.

   Latricia yambitswe iri kamba na Miss World Opal Suchata Chuangsri wo muri Thailand, afatanyije na Miss World Africa Hasset Dereje Admassu wo muri Ethiopia.

   Irushanwa rya Miss World riteganyijwe kubera muri Vietnam kuva ku wa 9 Kanama(8) kugeza ku wa 5 Nzeri(9)2026, rikazaba ari ubwa 75 rigiye kuba.

   Mu irushanwa nkiri muri 2025 Tanzania ntiyagize uyihagararira, naho muri 2017 uwari Miss w'icyo gihugu Julitha Kabete wanagombaga guhagararira Tanzania ntiyabigezeho kuko abariteguraga imbere mu gihugu igihe cyabasize batujuje ibisabwa.

   Izindi nkuru wasoma:

   Fatima Bosch wo muri Mexique yatsindiye ikamba rya Miss Universe nyuma yo gushwana n'utegura irushanwa

   Impanuro za Angeline Ndayishimiye 'Première Dame' w'Uburundi ku batowe mu ihiganwa rya Miss Burundi 2025

   Menya uno mutamakazi w'imyaka 81 yinjiye mw'ihiganwa ry'ubwiza kw'isi, Miss Universe

8. Haciye amasaha 6US: Umugabo yishe arashe abana be barindwi, n'undi umwe utari uwe, muri Louisiana

   Umugabo yishe abana be barindwi hamwe n’undi mwana utari uwo mu muryango we, mu irasa rikomeye ryabereye mu mujyi wa Shreveport, muri leta ya Louisiana - imwe mu zigize Amerika, mu cyo polisi yasobanuye ko ari "ihungabanya ry'umutekano wo mu rugo".

   Nkuko CBS, ikorana na BBC muri Amerika, ibitangaza, abo bana bari bafite imyaka iri hagati y’umwaka umwe na 14.

   Abapolisi bavuze ko iraswa ryatangiye ahagana saa kumi n’imwe za mu gitondo ku cyumweru, ku isaha yaho.

   Ukekwaho icyaha yarashe abantu 10 mbere yo guhunga, nk’uko Chris Bordelon, umuvugizi wa polisi ikorera i Shreveport, yabitangaje. Polisi yahise imukurikirana iramwica.

   Abagore babiri, barimo nyina w’abo bana, bari mu bitaro bararembye cyane.

   Ukekwaho icyaha yamenyekanye ko ari Shamar Elkins, nkuko Leigh Anne Evensky, umuyobozi ushinzwe itumanaho mu biro by'umukuru w'akarere ka Shreveport, yabibwiye BBC.

   Ukekwaho icyaha yarashe umugore mu muhanda mbere yo kujya mu rugo ruri hafi aho, aho yishe abo bana umunani, “umwe muri bo utari uwo mu muryango we”.

   Polisi yavuze ko umwe mu bishwe yari yirutse ajya mu rugo ruri hafi aho maze ahamagara abategetsi. Polisi yavuze ko uwo mugabo witwaje imbunda yakoze ibi wenyine. Bordelon yavuze ko umwana wa cyenda yasimbutse ava ku gisenge cy’inzu, ubu akaba ari mu bitaro.

   Mu ijambo yavuze ku cyumweru, umuyobozi w’umujyi wa Shreveport, Tom Arceneaux, yagize ati: “Ibi ni ibintu bibabaje - wenda bya mbere bibabaje cyane twigeze tugira i Shreveport.

   "Dufite imiryango ibabaye, dufite abapolisi bababaye, n’abakozi b’ibiro by’abapima imirambo bababaye.

   "Ibi byagize ingaruka ku muryango mugari wose, bityo twese twifatanyije n’iyi miryango mu kababaro.”

   Iri ni ryo raswa rya mbere ryiciwemo abantu benshi muri Amerika kuva muri Mutarama (1) mu 2024, ubwo abantu umunani bicirwaga mu mujyi wa Joliet, muri leta ya Illinois, nkuko bivugwa na Gun Violence Archive (GVA), umuryango udaharanira inyungu ukurikirana ihohoterwa rikoresheje imbunda muri Amerika.

   Mu kiganiro n’abanyamakuru cyabaye ku cyumweru, Bordelon yavuze ko abapfuye ari abana ndetse ko abapolisi basanze iki kibazo gifitanye isano n'amakimbirane "yo mu rugo".

   Nyuma y’iryo raswa, ukekwaho icyaha yambuye umuntu imodoka ku ngufu agerageza guhunga, gusa abapolisi bamukurikiranye bamugeraho ageze kuri Paruwasi ya Bossier, maze baramurasa, ubu akaba yapfuye.

   Izindi nkuru wasoma:

   Bariko bahagarikwa mu kivunga mu ruhigi rw'abimukira muri Amerika.

   Umufaransakazi w'imyaka 86 yafunzwe na ICE nyuma yo kwimukira muri US kongera guhura n'umukunzi wa cyera

9. Haciye amasaha 6M23 na FARDC barashinjanya ibitero nyuma y’ubwumvikane mu Busuwisi

   Igisirikare cya leta ya RD Congo n’umutwe wa AFC/M23 barashinjanya ibitero byabaye nyuma y’uko intumwa z’impande zombi zihuriye mu Busuwisi zikumvikana kwirinda ibitero ibyo ari byo byose.

   AFC/M23 ivuga ko kuva mu rukerera rwo kuri uyu wa mbere ingabo za leta ya Kinshasa zakomeje kurasa uduce dutuwe mu turere twa Minembwe na Mikenke zikoresheje ‘drones kamikazes’ – drone zihita ziturikira aho zirashwe.

   Lawrence Kanyuka uvugira AFC/M23 yatangaje ko izo ngabo zakoze ibitero kandi ku duce twa Mitimingi muri Masisi byateye gusenya no guhunga kw’abaturage.

   Mu itangazo, igisirikare cya FARDC kivuga ko mu ijoro ryo ku wa gatandatu rishyira ku cyumweru uruhande rwa M23 na rwo rwarashe ibirindiro by’ingabo za leta n’ahatuye abasivile mu gace ka Mikenge na Kakenge mu ntara ya Kivu y’Epfo, ibitero igisirikare kivuga ko byishe abasivile.

   Igisirikare cya RD Congo cyavuze ko gifite uburenganzira bwo “gusubiza mu buryo bushoboka” kigamije kurinda abaturage.

   BBC ntiyashoboye kugenzura ibivugwa n’impande zombi kugeza ubu.

   Ibi bibaye nyuma y’uko ku wa gatanu ushize i Montreux mu Busuwisi intumwa z’impande zombi zumvikanye ku ngingo, nk’uko biri mu itangazo rya Leta Zunze Ubumwe za Amerika, zirimo;

   • Gufasha no korohereza ibikorwa by’ubutabazi ku baturage
   • Kwirinda ibitero byose byibasira abasivile n’ibikorwa bya gisivile
   • Ubugenzuzi bwagutse bw’agahenge bugomba gutangira mu cyumweru kimwe
   • Guhanahana imfungwa

10. Haciye amasaha 7Ukraine: Umukuru w'igipolisi yatanze imihoho inyuma y'aho abapolisi bivugwa ko bahunze ahariko hararasirwa abantu

    Umukuru w'igipolisi gishinzwe irondo muri Ukraine, Yevhen Zhukov, yatanze imihoho inyuma y'aho babiri mu bapolisi biwe bagirijwe guhunga igitero cahitanye abantu benshi ku mugwa mukuru Kyiv.

    Abantu batandatu barapfuye, abandi 14 barakomereka ku munsi wa gatandatu, nyuma y’aho umugabo arashe abantu bari mw'ibarabara mu karere ka Holosiivskyi mu bumanuko bwa Kyiv, imbere yo gufata abandi nk’imbohe mw'iduka rinini (supermarket) riri hafi y’aho. Mu nyuma yarishwe arashwe mu kurasana n’abapolisi.

    Kuva ico gihe, amasanamu yakwiragijwe ku mbuga ngurukanabumenyi yerekana abapolisi basiga abanyagihugu aho bari, bagahunga aho hantu.

    Umushikiranganji w'intwaro yo hagati mu gihugu wa Ukraine, Igor Klymenko, yavuze ko abo bapolisi bahagaritswe kandi ko amatohoza ariko arabandanya.

    Yanditse ku rubuga rwa Telegram ati: "'Gukorera no gukingira abanyagihugu' si ijambo gusa. Bitegerezwa no gushigikirwa n'ibikorwa bibereye vy'umwuga, na cane cane mu bihe bitoroshe, aho ubuzima bw'abantu buba buri mu bibazo."

    Izindi nkuru wosoma:

    Intambara yo muri Ukraine: Abategetsi b'Uburusiya bavuga ko bakoroye amadrone 586 mu masaha 24

    Intambara yo muri Ukraine: Menya ingene amarobo ariko akoreshwa ku rugamba

11. Haciye amasaha 8Iran ntizigera itanga ububasha ku muhora wa Hormuz, ni ko umunyepolitike akomeye yabwiye BBC

    “Nta na rimwe.” Uko ni ko umushingamateka akomeye wo muri Iran yavuze ko batazigera bemera kurekura ububasha bwabo ku muhora wa Hormuz.

    Ebrahim Azizi, yahoze arongoye umutwe wa Islamic Revolutionary Guards Corps (IRGC) wo mu ngabo za Irani, yabwiye BBC i Tehran ati: "Ni uburenganzira bwacu budasubirwamwo."

    "Irani ni yo izofata ingingo ku burenganzira bwo kuhaca, harimwo no gutanga uburenganzira ku bwato ku guca muri uwo muhora."

    Kandi avuga ko ivyo biri hafi gushirwa mu ngiro.

    Uwo mushingamateka asanzwe arongoye akanama k’umutekano w’igihugu n'imigenderanire mpuzamakungu, yagize ati:

    “Turiko turashikiriza integuro y'itegeko mu nama nshingamateka, dushingiye ku ngingo ya 110 y'ibwirizwa shingiro, irimwo ibidukikije, umutekano wo mu mazi n'umutekano w'igihugu, kandi igisirikare kizoshira mu ngiro iryo tegeko."

    Mu gihe impungenge zibandanya kwiyongera ko ukwugara uwo muhora w’ingenzi bishobora guteza ingorane z'ubutunzi kw'isi, biraboneka ko atari ikibazo c'igihe gito gishobora gutorerwa umuti mu munsi umwe.

    Intambara yahaye Irani ico ibona ko ari ikigwanisho gishasha - Azizi yavuze ko ico kigwanisho gikomeye Irani yashoboye gukoresha muri iyi ntambara ari "kimwe mu bikoresho vyacu vyo guhangana n'umwansi".

    Irani ubu ibona ko ubushobozi bwayo bwo kugenzura uruja n'uruza rw'abantu mu mazi, harimwo n'ubwato bw'ibitoro na gaze, atari gusa nk'ikintu co kwifashisha gusa mu biganiro biriho ubu, ahubwo nk'igikoresho izifashisha vy'igihe kirekire.

    Izindi nkuru wosoma:

    Menya impamvu nyamukuru ituma Iran yanga ibiganiro na Trump

    Trump avuga ko adashobora kwemerera Irani ko 'itera ubwoba' Amerika

12. Haciye amasaha 9Trump avuga ko Amerika yahagaritse ikanafata ubwato butwara imizigo bwa Iran

    Perezida Donald Trump yavuze ko Amerika yahagaritse mu Kigobe cy’Abarabu ubwato bwa Irani butwara imizigo, bijyanye n’igikorwa cyayo cyo kuzitira amato mu nyanja.

    Trump yanditse ku rubuga rwe Truth Social ko ubwo bwato bwitwa Touska bwafashwe n’ingabo z’Amerika zirwanira mu mazi, nyuma yo kudasubiza ubwo bwaburirwaga ngo buhagarare. Irani yavuze ko ibyo ari ihonyorwa ry’agahenge kandi ko izihorera vuba aha kuri icyo “gikorwa cy’ubwambuzi bw’amato bwitwaje intwaro”.

    Ibyo byatangajwe nyuma yuko ibiro bya perezida w’Amerika – byitwa White House – byemeje ko Visi Perezida w’Amerika JD Vance azayobora izindi ntumwa z’icyo gihugu mu cyiciro cya kabiri cy’ibiganiro ku kurangiza intambara bazagirana na Irani muri Pakistani.

    Tehran ntiremeza ubwitabire bwayo. Ibitangazamakuru bya leta ya Irani byatangaje ko abategetsi ba Irani batazitabira ibyo biganiro igihe cyose hakiriho ukuzitira amato kw’Amerika.

    Izindi nkuru wasoma:

    Trump avuga ko adashobora kwemerera Irani ko 'itera ubwoba' Amerika

    Igisirikare ca Irani casubiye kwugara Umuhora wa Hormuz – ibinyamakuru vya reta

    Ijwi rimwe gusa ryazibiye ingingo igabanya ububasha bwa Trump ku ntambara yo muri Irani

13. Haciye amasaha 9Mwaramutse neza!

    Ikaze kuri BBC Gahuzamiryango, aho tubagezaho amakuru yo mu karere no mu mahanga mu buryo bw'aka kanya.