Reba mu mafoto: Ubwirakabiri bw'igice bw'Izuba bwo ku wa gatandatu

Insiguro ya video, Reba videwo: Ubwirakabiri bw'igice bwatumye ikirere cy'Ubwongereza cyijima ndetse n'ahandi hamwe ku isi
Igihe co gusoma: iminota 3

Ubwirakabiri bw'igice bw'Izuba bwabaye mu gitondo cyo ku wa gatandatu.

Amafoto yo mu bice bitandukanye byo ku isi - kuva mu Bwongereza kugera muri Espanye, ukava muri Greenland ukagera muri Sénégal - agaragaza ukuntu Ukwezi kwagiye guhinduka ubwo kwagendaga kunyura hagati y'Isi n'Izuba.

Bitewe n'ahantu umuntu aherereye, ubwo bwirakabiri bw'igice bwasaga nkaho Ukwezi kwari kurimo guhisha gacye cyangwa cyane Izuba.

Ahavuye isanamu, BBCWeatherWatchers/Hang Ross

Insiguro y'isanamu, Nk'uko byagenze: Ifoto ifatanyije y'ibyiciro ubwirakabiri bw'igice bwanyuzemo, kuva i Lyndhurst kugeza i Hampshire mu Bwongereza

Ahavuye isanamu, BBCWeatherWatchers/Monks Risborough

Insiguro y'isanamu, Ifoto iboneka neza mu buryo budasanzwe y'Izuba ryakingirijwe igice n'Ukwezi yo mu cyaro cya Monks Risborough, mu karere ka Buckinghamshire, mu Bwongereza

Ahavuye isanamu, Getty Images

Insiguro y'isanamu, Bamwe mu batuye mu cyaro cy'i Keele, mu karere ka Staffordshire, mu Bwongereza, bakoresheje ibirinda amaso kugira ngo barebe ubwo bwirakabiri bw'igice

Ahavuye isanamu, John Ward

Insiguro y'isanamu, Ukwezi guca iruhande rw'Izuba, mu gihe indege iboneka imbere, kuri iyi foto yo mu mujyi wa Windsor, mu karere ka Berkshire, mu Bwongereza

Ahavuye isanamu, EPA

Insiguro y'isanamu, Abareba mu kirere bifashishije indebakure yihariye, aha ni mu kigo cy'ubumenyi bw'ikirere cyitwa Teide Observatory, cy'i Tenerife muri Espanye

Ahavuye isanamu, PA Wire

Insiguro y'isanamu, Iyi nyoni y'inkorano yo mu cyuma izwi nka Liver Bird, y'i Liverpool mu Bwongereza, iraboneka iruhande rwayo hari ubwirakabiri bw'igice

Ahavuye isanamu, Paul Cook

Insiguro y'isanamu, Ubwirakabiri bw'igice umuntu ashobora kububona arebeye muri aya mashami y'igiti, kuri iyi foto yafatiwe i Framlingham Castle, mu karere ka Suffolk, mu Bwongereza

Ahavuye isanamu, BBCWeatherWatchers/RoyC

Insiguro y'isanamu, Iyi foto yo mu mujyi wa Weston-super-Mare mu Bwongereza igaragaza ubwirakabiri bw'igice mu kirere cy'ubururu kiboneka neza

Ahavuye isanamu, EPA-EFE/REX/Shutterstock

Insiguro y'isanamu, Ubwirakabiri bw'igice bw'Izuba uko bwabonetse i Dakar mu murwa mukuru wa Sénégal

Ahavuye isanamu, Getty Images

Insiguro y'isanamu, Ukwezi gukingirije igice kinini cy'Izuba, muri iyi foto y'ubwirakabiri bw'igice yo muri Greenland