Amwe mu mafoto yaranze Afurika muri iki cyumweru: Tariki ya 7 kugeza 13 Mata 2023

Ahavuye isanamu, URUGWIRO VILLAGE/TWITTER

Insiguro y'isanamu, Perezida Paul Kagame na Madamu we Jeannette bacana "urumuri rw'icyizere" rutangiza icyumweru cy'icyunamo mu kwibuka ku nshuro ya 29 jenoside yabaye mu Rwanda mu 1994, aha ni ku rwibutso rwa jenoside rwa Kigali ku Gisozi, ku wa gatanu ku itariki ya 7 Mata

Ahavuye isanamu, AFP

Insiguro y'isanamu, Ku cyumweru cya Pasika, uyu mugeni arimo kubyina ubwo yari ageze aho abageni bari gusezeranywa ari benshi mu idini rya Pantekoti, mu majyepfo y'umujyi wa Johannesburg muri Afurika y'Epfo.

Ahavuye isanamu, Reuters

Insiguro y'isanamu, Kuri icyo cyumweru kandi, abageni barenga 800 bo mu idini rya Pantekoti bateraniye i Kgabalatsane, muri Afurika y'Epfo, mu muhango wo gusezerana

Ahavuye isanamu, AFP

Insiguro y'isanamu, Ku munsi wari wabanje, aba bagabo barimo gusangira ifunguro rya Iftar mu murwa mukuru Khartoum wa Sudan, mu kwezi gutagatifu kwa kisilamu kwa Ramadan

Ahavuye isanamu, Reuters

Insiguro y'isanamu, Ku wa gatanu mutagatifu, uyu muturage wo mu murwa mukuru Nairobi wa Kenya arareba ibirimo kubera hanze

Ahavuye isanamu, AFP

Insiguro y'isanamu, Joseph Browlins, w'imyaka 14, ni umwe mu itsinda ry'abanyagatolika b'i Nairobi bari barimo kwigana ibambwa ku musaraba rya Yezu Kristu

Ahavuye isanamu, AFP

Insiguro y'isanamu, Ni na ko byagenze muri Nigeria, aho uyu mugabo wo mu idini gatolika arimo kwigana Yezu, yambaye ikamba, mu muhango wabereye mu mujyi wa Lagos