Mu mafoto: Ababarirwa mu bihumbi bagiye mu myigaragambyo yo gushyigikira leta ya Ethiopia

Ahavuye isanamu, Getty Images

Abantu babarirwa mu bihumbi za mirongo ku cyumweru bagiye mu myigaragambyo mu murwa mukuru Addis Ababa wa Ethiopia yo kugaragaza ko bashyigikiye leta mu rugamba irimo n'ihuriro ry'imitwe y'inyeshyamba isumbirije kwerekeza muri uwo mujyi.

Imirwano ikomeje kuba kuva mu kwezi kwa cumi na kumwe mu 2020 hagati y'ingabo za leta ya Ethiopia n'inyeshyamba zo mu karere ka Tigray mu majyaruguru y'igihugu.

Ingabo za Eritrea na zo zirimo kurwana muri Tigray ku ruhande rwa leta ya Ethiopia. Impande zose ziri muri iyi ntambara zashinjwe gukora ubwicanyi ndengakamere.

Intambara yo muri Ethiopia yatumye abantu barenga miliyoni ebyiri bata ingo zabo, naho abagera ku 400,000 bo muri Tigray babayeho mu bihe nk'ibyo mu nzara, nkuko bivugwa n'umuryango w'abibumbye.

Ahavuye isanamu, Getty Images

Ahavuye isanamu, Google

Insiguro y'isanamu, Abigaragambya benshi bagaragaje ko barakajwe n'ibitangazwa n'ibitangazamakuru mpuzamahanga, babishinja gukwirakwiza amakuru y'ibinyoma ku ntambara yo mu gihugu cyabo

Ahavuye isanamu, Getty Images

Insiguro y'isanamu, Mu ijambo yagejeje kuri iyo mbaga, 'Mayor' wa Addis Ababa Adanech Abebe yanenze bikomeye inyeshyamba zo muri Tigray, ahamagarira abatuye uwo mujyi kugira uruhare rwa gitwari barwanya izo nyeshyamba

Ahavuye isanamu, Getty Images

Insiguro y'isanamu, Ingabo za leta ya Ethiopia n'abazishyigikiye bagowe no gusubiza inyuma inyeshyamba. Inyeshyamba zo muri Tigray ziherutse gufata imijyi ibiri ikomeye iri mu ntera igera kuri kilometero hafi 300 uvuye mu murwa mukuru Addis Ababa

Ahavuye isanamu, Getty Images

Insiguro y'isanamu, Minisitiri w'intebe wa Ethiopia Abiy Ahmed akomeje kotswa igitutu kubera ko intambara yakajije umurego, ndetse mu cyumweru gishize yasabye abaturage gufata intwaro "bagahamba" inyeshyamba

Ahavuye isanamu, Getty Images

Insiguro y'isanamu, Nubwo habayeho uku gushyigikira leta, uyu mwaka umwe intambara imaze usize Abanya-Ethiopia babarirwa muri za miliyoni bacyeneye imfashanyo yihutirwa, ndetse hakomeje kwiyongera igitutu cy'amahanga asaba ko habaho agahenge

Aya mafoto yose akoreshwa bitangiwe uburenganzira.