Madonna yemeye gutunga amahasa y'abakobwa bo muri Malawi

Ahavuye isanamu, AP

Insiguro y'isanamu, Umuririmvyi Madonna

Umuririmvyi Madonna yavuze ko agiye gutunga amahasa y'abana b'abakobwa b'imyaka ine, Esther na Stella baturuka mu gihugu ca Malawi, niko itororokanirizo ry'amakuru AFP ryatangaje.

Sentare yo muri ico gihugu gikenye co mu bumanuko bwa Afrika yemeje icipfuzo c'uwo muririmvyi akomeye w'umuziki wo mu bwoko bwa pop, co kurera abo bana babiri, bagiye kwiyongera ku bandi asanzwe atunze nabo nyene yakuye muri ico gihugu ca Malawi.