Imigumuko muri Kashmir yahitanye 18

Ahavuye isanamu, AP

Insiguro y'isanamu, Imigumuko yadutse uno munsi muri Srinagar no mu yindi mice ya Kashmir

Hamwe mu habereye imyiyerekano muri Kashmir hari umupolisi yishwe igihe imodokari yiwe yasunikirwa mu ruzi.

Abantu 18 nibo bamaze gupfa bahitanywe n'iyo myirekano yatanguye kuri uyu wa gatandatu.

Abenshi mu bapfuye bahitanywe n'amasasu y'abajejwe umutekano igihe abari mu kirwi batwarwa n'agashavu bagatera ibirindiro vy'igipolsi n'igisirikare.

Ako kaguma kakabuwe n'ubwicanyi bwakorewe umusore Burhan Wani, yari azwi cane nk'umwe mu ndongozi z'abaharanira agateka kabo.

Abantu baharurwa mu bihumbi n'ibihumbi bitabiriye igikorwa co kumushingura.