‘. . . ንርስቲ ይዋግኣላ’ንስቲ!’ - ኣዛነይቲ ስእልታት እንስሳ ዘገዳም

ንሎሚ ዝመረጽናልኩም ዓሰርተ ኣዛነይቲ ስእልታት እንስሳ ዘገዳም እነሆ ተዓደሙ።

ምንጪ ስእሊ, GRAEME GREEN/NEW BIG 5

መግለጺ ስእሊ, ‘ፍቕሪ ምስ ኩሉ’ - ኣናብስ ምልክት ሓይሊን ትብዓትን ውርዝይናን ከም ዝዀኑ ይግለጽ። እዚኦም ካብኡ ንላዕሊ'ዮም ዝመስሉ።

ምንጪ ስእሊ, HAO JIANG/NEW BIG 5

መግለጺ ስእሊ, ‘ቁልዕነት ጥዑም’ - እዞም ፍቕሪ ኣደ ንበረድን ቁሪን ዘረስዖም ማንታ ድቢ ብሃኦ ጂያንግ እዮም ተሳኢሎም።

ምንጪ ስእሊ, GETTY IMAGES

መግለጺ ስእሊ, ‘ውዲት ሃድን’ - እዞም ሻርክ ሓደገኛ ይመስሉ፡ እንተኾነ ንባዕሎም ኣብ ሓደጋ ይርከቡ። መብዛሕትኡ ግዜ ኣብ ዓሚቝ ዘይኰነ ውዑይ ማያት ይነብሩ።

ምንጪ ስእሊ, GETTY IMAGES

መግለጺ ስእሊ, ‘በዲለ ድየ?’ - እዛ ንምጹጽላይ እትመስል እንስሳ ማርማት ትበሃል። ኣብ ምዕራባዊ ኣኽራናት ቲየን-ሻን ኣብ ማእከላይ ኤስያ ጥራይ ካብ ዝርከቡ ዓሌት'ያ።

ምንጪ ስእሊ, GETTY IMAGES

መግለጺ ስእሊ, ‘እማንኪ ዲኺ?’ - ዕርክነት ኣብ መንጎ ሓሪሽን ዑፍን ዘይመስል ኣይኰነን። ሓሪሻት፡ ኣብ ዝባኖም ዝወጹ ገለ ሓሳኹ የሸግርዎም’ዮም። እዘን 'ኦክስፔከር' ዝተበሃላ ኣዕዋፍ ድማ ኣብ ዝባኖም ዓለቢን ካብ ሓሳኹ ይገላግልኦም። ኣብቲ ከባቢ ሓደጋ እንተሃልዩ እውን ምልክት ይህብኦም። ከምዚ ዝበለ ዕርክነትን ሽርክነትን ኣበይ ይርከብ!
Skip content and continue reading

End of content

ምንጪ ስእሊ, LIINA HEIKKINEN/WPY2020

መግለጺ ስእሊ, ‘በይኑ ዝበልዕ በይኑ እንተሞይቱስ ንርኢ’ - ሊና ሄይኪነን፡ ኣብ ምድብ 15-17 ዝዕድሚኦም ውድድር ብሉጽ ሰኣላይ ዓመተ 2020 ዝተዓወተትላ ስእሊ እያ።

ምንጪ ስእሊ, JAIME CULEBRAS/WPY2020

መግለጺ ስእሊ, ‘ምግቢስ ምስ ጠመኻ ደኣ. . .’ - ቁርሱ ብመልክዕ ሳሬት ዝተዓንገለ ዕንቁሮዖብ፡ መግቡ የስተማቕር።

ምንጪ ስእሊ, PA MEDIA

መግለጺ ስእሊ, ‘እንታይ ዝብልዎ ጉድ እዩ’ዚ?’ - ሚርካት ወይ ሱሪካት ኣብ ደቡባዊ ኣፍሪቃ ዝርከቡ ንኣሽቱ ዓይነት ሞንጎስ እዮም። እቲ ዝገርም ነገር እዞም እንስሳታት መርዚ ኣይጎድኦምን። ዋላ’ኳ ኣብ ምድረበዳ እንተነበሩ፡ ማይ ኣይሰትዩን። ንምእማኑ ብዘጸግም ካብ መግቢ ዝረኽብዎ እንተዘይኰይኑ ካልእ ማይ ኣይደልዩን።

ምንጪ ስእሊ, PA

መግለጺ ስእሊ, ‘ሓዝኩኺ’ - ሱማትራ እቶም ዝነኣሱ ዓይነት ነብሪ እዮም፡ ክግዕሩ እንከለዉ ድምጾም ክሳብ 3.2 ኪሎ ሜተር ክስማዕ ይኽእል።

ምንጪ ስእሊ, JOSHUA GALICKI / BIRD PHOTOGRAPHER OF THE YEAR

መግለጺ ስእሊ, ‘. . . ንርስቲ ይዋግኣላ’ንስቲ!’ - "ድሕሪ ነዊሕ ስደት ኣብ ክረምታዊ ቦታታት ማእከላይ ኣመሪካ ምስ በጽሐት ትራባሓሉ መሬት ረኺባ ይግባኣኒ ንምባል ትጭድር ነይራ" ይብል ሰኣሊኣ ጆሽዋ ጋሊኪ።