మాంసం సరిగ్గా ఉడికిందో లేదో తెలుసుకోవడం ఎలా?

పరిశుభ్రమైన, పూర్తిగా ఉడికిన ఆహారం తినడం ఆరోగ్యానికి ఎంతో మేలు చేస్తుంది. పోషకాహారం, ఆహారభద్రత విడదీయరానివి.

మన ఆరోగ్యం కాపాడుకోవడానికి తగిన పరిమాణంలో పోషక విలువలున్న సురక్షితమైన ఆహారం అవసరం.

హానికరమైన బ్యాక్టిరీయా, వైరస్‌, పరాన్నజీవులు లేదా రసాయన పదార్థాలు కలిగిన ఆహారాలు విరేచనాల నుంచి క్యాన్సర్‌‌ వరకు 200కుపైగా వ్యాధులకు కారణమవుతాయని ప్రపంచ ఆరోగ్య సంస్థ చెబుతోంది.

ప్రపంచ వ్యాప్తంగా ప్రతి పదిమందిలో ఒకరు కలుషిత ఆహారం కారణంగా అనారోగ్యానికి గురవుతున్నారు. దీని కారణంగా ఏటా 4 లక్షల 20 వేల మంది మరణిస్తున్నారు.

ఆహారం ద్వారా సంభవించే వ్యాధుల కారణంగా తక్కువ, మధ్య ఆదాయ దేశాలు ఉత్పాదకత, వైద్యఖర్చుల రూపేణా సుమారు 9 లక్షల కోట్ల రూపాయలు కోల్పోతున్నాయి.

ఆహారం ద్వారా వచ్చే వ్యాధుల బారినపడుతున్న వారిలో 40 శాతం ఐదేళ్లలోపు చిన్నారులే. దీని కారణంగా ఏటా 1,25,000 పిల్లల మరణాలు సంభవిస్తున్నాయి.

ఆహారం కారణంగా వచ్చే వ్యాధుల వల్ల ఆరోగ్య సంరక్షణ వ్యవస్థలపై ఒత్తిడిపడటమే కాక, ఆర్థిక, పర్యటక, వాణిజ్య రంగాలు కూడా ప్రభావితమవుతాయి.

అంటే.. మన ఆహారానికి, ఆరోగ్యానికి, ఆర్థికరంగానికి ఇంత సంబంధం ఉందన్నమాట.

అలాంటి ఆహారం విషయంలో మనమెంత జాగ్రత్తగా ఉండాలి? ఎలాంటి జాగ్రత్తలు తీసుకోవాలి? అసలు వంటగదిలో ఏమేం చేయాలి? కూరగాయలను, మాంసాన్ని ఎంతవరకు ఉడికిస్తే మంచిది?

వంటగది ఎప్పుడూ శుభ్రంగా ఉండాలి..

​వంటగదిలో బ్యాక్టీరియా చాలా వేగంగా వ్యాపిస్తుంది. ఇది మన చేతులు, కూరలు తరిగే పీటలు, గరిటెలు మాత్రమే కాకుండా ఆహార పదార్థాలకు కూడా వ్యాపించే ప్రమాదం ఉంది.

పచ్చిమాంసం ఉంచిన ప్లేట్‌లో వడ్డించకూడదు..

మాంసం ఉడికిందా? లేదా?

​మాంసం, గుడ్లు వంటివి పూర్తిగా ఉడికాయో లేదో తెలుసుకోవడానికి 'ఫుడ్ థర్మామీటర్' ఉపయోగపడుతుంది. వండిన పదార్థాల అంతర్గత ఉష్ణోగ్రతను కొలవడానికి ఇది వాడొచ్చు.

​ఆహారంలోని హానికారక బ్యాక్టీరియా నశించాలంటే పదార్థం లోపలి భాగం వరకు తగినంత ఉష్ణోగ్రత వద్ద ఉడకాలి.

(బీబీసీ కోసం కలెక్టివ్ న్యూస్‌రూమ్ ప్రచురణ)

(బీబీసీ తెలుగును వాట్సాప్‌,  ఫేస్‌బుక్, ఇన్‌స్టాగ్రామ్‌, ట్విటర్‌లో ఫాలో అవ్వండి. యూట్యూబ్‌లో సబ్‌స్క్రైబ్ చేయండి.)