வன விலங்குகள் குறும்பு செய்த தருணங்கள் - புகைப்படத்தொகுப்பு

இயற்கையின் வேடிக்கையான காட்சிகளை பாராட்டும் நகைச்சுவையான காட்டுவிலங்கினங்களின் வாழக்கை 2017 எனும் போட்டியில் ஒரு ஆந்தை நகைப்புக்குரிய வகையில் தடுக்கி விழுந்து மீண்டும் கிளையை பிடிக்க முயலும் ஒரு புகைப்படம் பரிசை வென்றது.

இந்த போட்டி மூன்றாவது வருடமாக நடக்கிறது. இது நகைப்புக்குரிய படங்களை அனுபவிப்பதோடு அதே சமயம் இந்த கிரகத்தில் மற்ற உயிரினங்களுடன் நாம் வாழ்க்கையை பகிர்ந்துகொண்டுள்ளதை விழிப்புணர்வு ஏற்படுத்தவும் விரும்புகிறது.

3,500 போட்டியாளார்களில் இருந்து வெற்றியாளர்கள் தேர்ந்தெடுக்கப்பட்டனர். மிகவும் கவனம் ஈர்த்த சில புகைப்படங்களை இங்கே பகிர்கிறோம்.

பட மூலாதாரம், Tibor Kercz / Barcroft Images

படக்குறிப்பு, ஆந்தை தனது நிலைத்தன்மையை இழந்து மீண்டும் கிளையை பிடிக்க முயற்சிக்கும் இந்த படமே போட்டியில் வெற்றி பெற்றது. இது ஒபுஸ்டாஸ்ஜெரில் டைபர் கெர்ஸ்ஜ் என்பவரால் எடுக்கப்பட்டது.

பட மூலாதாரம், Andrea Zampatti / Barcroft Images

படக்குறிப்பு, எலியையொத்த உருவத்தில் இருக்கும் டார்மவுஸ் எனும் விலங்கின் அழகான புகைப்படம் இத்தாலியில் எடுக்கப்பட்டது. நிலத்தில் எடுக்கப்படும் புகைப்படத்துக்கான பிரிவில் இந்த புகைப்படத்தை எடுத்த ஆண்ட்ரியா ஜம்பட்டிவுக்கு பரிசு கிடைத்தது.

பட மூலாதாரம், Troy Mayne / Bancroft images

படக்குறிப்பு, கடல் ஆமைக்கு ஒரு பெரிய அடியை கொடுக்கும் மீன். இந்த புகைப்படத்தை எடுத்த டிராய் மாய்னுக்கு கடலுக்கு கீழ் எடுக்கப்படும் புகைப்படத்துக்கான பிரிவில் முதல் பரிசு கிடைத்தது.
படக்குறிப்பு, 'வானத்துக்கு மேல்' பிரிவுக்கான வெற்றியாளர் ஜான் த்ரெல்ஃபால். இந்த புகைப்படத்தில் ஒரு பறவை நீராவி பாதைகளை விட்டுச்செல்வது போல தெரிகிறது. விமானத்தை இந்த பறவை மறைத்துவிட்டதன் விளைவே இதற்கு காரணம். புகைப்படம் - ஜான் த்ரெல்ஃபால் .

பட மூலாதாரம், Daisy Gilardini

படக்குறிப்பு, கனடாவின் மனிடோபாவில் தாய் மீது ஏறும் ஒரு சிறு பனிக்கரடியை புகைப்படம் எடுத்திருப்பவர் டைசி கிலார்டினி.
படக்குறிப்பு, நீர் நாய் சோம்பல் முறிப்பது போன்ற இந்த புகைப்படத்தை அமெரிக்காவின் கலிஃபோர்னியாவில் பென்னி பால்மெர் என்பவர் படம்பிடித்துள்ளார்.

பட மூலாதாரம், Photo: Carl Henry

படக்குறிப்பு, இந்த பென்குயின்கள் தேவாலயத்துக்கு செல்ல தயாராகின்றன. தென் ஜார்ஜியாவில் இந்த புகைப்படத்தை கார்ல் ஹென்றி என்பவர் எடுத்திருக்கிறார்.
படக்குறிப்பு, பெல்ஜியமில் வாய் முழுவதும் புல்களை வைத்திருக்கும் முயல் குறித்த புகைப்படத்தை ஆலிவர் கோலே எடுத்திருக்கிறார். இந்த படம் மிகவும் பாராட்டப்பட்ட புகைப்படத்திற்கான விருது பெற்றது.
படக்குறிப்பு, இந்த இரண்டு குரங்குகளும் ஒரு சாலை சவாரிக்கு தயாரிக்கின்றன. இந்தோனேஷியாவின் தெற்கு சுலாவெசி தீவில் இந்த புகைப்படத்தை கெட்டி லாவெக் ஃபாஸ்டர் எடுத்திருக்கிறார்.

பட மூலாதாரம், JEAN-JACQUES ALCALAY

படக்குறிப்பு, ஆஃப்ரிக்க காட்டு எருமையொன்று தனது மந்தையில் சவாரி செய்யும் தருணத்தை ஜீன் ஜேக்குவஸ் அல்கலே கென்யாவில் படம் பிடித்துள்ளார்.
படக்குறிப்பு, இந்த நரியானது தனது வேலையை முடிக்க ஒரு சரியான இடத்தை தேர்ந்தெடுத்திருக்கிறது - அமெரிக்காவின் சான்ஜோசில் உள்ள கோல்ஃப் மைதானத்தில் உள்ள துளைகளில் ஒன்று இது.
படக்குறிப்பு, இந்த கடல் சிங்கம் எது குறித்து யோசிக்கிறது? கலிஃபோர்னியாவின் சான் சைமனில் ஜார்ஜ் காத்கார்ட்டால் எடுக்கப்பட்ட இந்த புகைப்படம் போட்டியில் பெரிதும் பாராட்டப்பட்டது.

பட மூலாதாரம், Photo: Daniel Trim

படக்குறிப்பு, தாய்லாந்தில் மகிழ்ச்சியாக இருக்கும் இரண்டு சேற்று மீன்களை டேனியல் ட்ரிம் புகைப்படம் எடுத்துள்ளார்.

பிற செய்திகள்:

சமூக ஊடகங்களில் பிபிசி தமிழ் :