கடலில் இறங்கிய விண்கலத்தை சுற்றி துள்ளிக் குதித்த டால்பின்கள் - என்ன நடந்தது? புகைப்படத் தொகுப்பு

பட மூலாதாரம், NASA

படக்குறிப்பு, புளோரிடா கடலில் டிராகன் கலன் இறங்கியதும் அதனைச் சுற்றிலும் டால்பின்கள் துள்ளிக் குதித்த காட்சி
வாசிக்கும் நேரம்: 2 நிமிடங்கள்

சர்வதேச விண்வெளி நிலையத்தில் இருந்து 286 நாட்களுக்குப் பிறகு சுனிதா வில்லியம்ஸ் பூமிக்குத் திரும்பியுள்ளார். இந்திய நேரப்படி, இன்று (19/03/2025) அதிகாலை சுமார் 3.30 மணிக்கு அவர் பயணித்த ஸ்பேஸ்எக்ஸ் டிராகன் விண்கலம், புளோரிடா மாகாணத்திற்கு அருகில், கடலில் இறங்கி, மிதந்தது.

புட்ச் வில்மோர் மற்றும் சர்வதேச விண்வெளி நிலையத்தின் சக பணியாளர்களான அமெரிக்க விண்வெளி வீரர் நிக் ஹேக், ரஷ்ய விண்வெளி வீரர் அலெக்சாண்டர் கோர்புனோவ் ஆகியோருடன் இணைந்து அவர் பூமிக்கு திரும்பினார்.

நால்வரும் பயணித்த டிராகன் கலம் படிப்படியாக வேகத்தை குறைத்து பெருங்கடலில் விழுந்ததும், அதனைச் டால்பின்கள் சூழ்ந்தன. விண்கலம் கடலில் விழுந்தபோது, அதைச் சுற்றி பல டால்பின்கள் மேற்புறத்தில் நீந்திக் கொண்டிருந்தது நாசாவின் கேமராக்கள் காட்டின. அது மீட்புக் குழுவுக்குக் கிடைத்த பெருமை என்று நாசா விஞ்ஞானிகள் நகைச்சுவையாகக் கூறினர்.

சுனிதா வில்லியம்ஸ் மற்றும் குழுவினர் சர்வதேச விண்வெளி நிலையத்தில் சக பணியாளர்களிடம் விடை பெற்றது முதல் 17 மணி நேர பயணத்தை நிறைவு செய்து பூமிக்கு வந்தடைந்தது வரையிலான வரலாற்றுச் சிறப்பு மிக்க தருணங்களை இந்த புகைப்படங்களாக பார்க்கலாம்.

பட மூலாதாரம், NASA

படக்குறிப்பு, சர்வதேச விண்வெளி நிலையத்தில் சக பணியாளர்களிடம் சுனிதாவும், வில்மோரும் விடை பெற்றுக் கொண்ட காட்சி

பட மூலாதாரம், NASA

படக்குறிப்பு, சர்வதேச விண்வெளி நிலையத்தில் இருந்து விண்கலம் பிரிந்த காட்சி.

பட மூலாதாரம், NASA

படக்குறிப்பு, சர்வதேச விண்வெளி நிலையத்தில் இருந்து சுனிதா வில்லியம்ஸ் மற்றும் குழுவினர் புறப்பட்ட காட்சி

பட மூலாதாரம், NASA

படக்குறிப்பு, புவியின் வளிமண்டலத்தை தொட்டதும் படிப்படியாக வேகம் குறைத்த விண்கலத்தின் பாராசூட்கள் விரிந்திருந்த காட்சி

பட மூலாதாரம், NASA

படக்குறிப்பு, சுனிதா வில்லியம்ஸ் மற்றும் குழுவினரின் 17 மணி நேர பயணத்தின் முடிவில் டிராகன் விண்கலம் புளோரிடா கடலில் இறங்கிய காட்சி

பட மூலாதாரம், NASA

படக்குறிப்பு, கடலில் இறங்கிய விண்கலத்தை நாசா மீட்புக் குழுவினர் நெருங்குகின்றனர்

பட மூலாதாரம், NASA

படக்குறிப்பு, கடலில் இருந்து மீட்கப்பட்ட டிராகன் விண்கலம் கப்பலில் வைக்கப்பட்டுள்ளது.

பட மூலாதாரம், NASA

பட மூலாதாரம், NASA

படக்குறிப்பு, சுனிதா வில்லியம்ஸ் மற்றும் குழுவின் கமாண்டரான நிக் ஹேக் முதல் ஆளாக டிராகன் விண்கலத்தில் இருந்து வெளியே வந்த காட்சி.

பட மூலாதாரம், NASA

படக்குறிப்பு, டிராகன் விண்கலத்தில் இருந்து சுனிதா வில்லியம்ஸ் நகரும் ஸ்டிரெச்சரில் அழைத்துச் செல்லப்படுகிறார்.

பட மூலாதாரம், NASA

படக்குறிப்பு, டிராகன் விண்கலத்தில் இருந்து புட்ச் வில்மோர் ஸ்டிரெச்சரில் அழைத்துச் செல்லப்படுகிறார்.
காணொளிக் குறிப்பு, சுனிதா வில்லியம்ஸ் வந்த விண்கலம் பத்திரமாக கடலில் விழுந்த காட்சி

- இது, பிபிசிக்காக கலெக்டிவ் நியூஸ்ரூம் வெளியீடு